求救!!中西區自行有咩選擇！

lengnui

讀緊中西區一線小學(非一條龍+冇直屬/聯繫中學)兩次呈分試排名較後，同區又沒有band2中學，聖類斯又擔心太搏，機會較微，就算入到都驚小朋友會太辛苦，太大壓力。有考慮過應唔應該自行一搏下聖類斯，因為睇返上年派位，同校有20幾個入咗，好top果批又會試Band1a/b學校，女仔又入band1女校，少咗啲競爭，同埋諗住如果唔博就好似哂咗六年來嘅堅持，因為辛苦足六年都係想take privilege of學校派位派得靚啲，但就糾結緊會唔會太辛苦/太進取，定係應該等統一甲/乙部先揀返聖類斯？
此外，請問各位對以下學校有咩睇法，自行一放哪間較適合？自行二就打算填香港仔浸呂。
1）鄧鏡波
2）金文泰
希望揀返中文中學，等小朋友可以讀得輕鬆啲，希望學校唔會太谷成績，盡量唔好太多功課，因為小學六年來都比較chur，見小朋友都好吃力，希望揀番啲輕鬆少少，校風又純品，唔會學壞，讀得開開心心就可以。 請問大家會唔會再有其他推介？希望揀返南區/灣仔/東區。望賜教(emoji)(emoji)(emoji)(emoji)

其實都明白到中學讀得幾多真係靠自己，間間學校教的內容都差不多，都係揀同學多過揀學校嘅硬件配套，希望遇到好同學和有心的老師，成績好不好都係其次，最關注嘅係讀得開唔開心，同同學相處得好唔好，老師友唔友善，希望大家可以抽空俾啲意見。謝謝大家。

losoco

如果波仔收左你，你就冇得抽聖類斯喎

lengnui

losoco 發表於 19-12-21 22:01
如果波仔收左你，你就冇得抽聖類斯喎

謝謝你，差啲忘記咗這點，但自行入波仔的機會大嗎?明白你也未必清楚，已經很感激你的提醒，loads of thanks:)

mcl203

lengnui 發表於 19-12-21 22:08
謝謝你，差啲忘記咗這點，但自行入波仔的機會大嗎?明白你也未必清楚，已經很感激你的提醒，loads of thank ...

如果係B2生，明知本區B1位唔夠，仲唔係自行去搏聖類斯，難道真係留番統一乙一放聖類斯，去同D B1生去爭位？～～～

lengnui

IloveJJ 發表於 19-12-21 22:17
排名較後，即係B1定B2? 第幾名？100內定外

100外，近尾，謝謝你的回覆(emoji)(emoji)

lengnui

mcl203 發表於 19-12-21 22:16
如果係B2生，明知本區B1位唔夠，仲唔係自行去搏聖類斯，難道真係留番統一乙一放聖類斯，去同D B1生去爭位 ...

明白你的睇法，會再做多些research,看看小朋友能不能應付，再決定要唔要自行一搏聖類斯，謝謝你的意見。

lengnui

IloveJJ 發表於 19-12-21 22:29
咁聖類斯都未必得，老師認為可以試？

其實聖類斯都好輕鬆，佢就係輕鬆先成績跌。你點解覺得會好辛苦？我 ...

很感激你的分享，老師比的意見有點模棱兩可，所以我先咁困擾，擔心會辛苦係因為之前聽聞中一已經好多功課，同埋始終係英中，聖士提反堂就真係不了，我不太強求成績，但怕校風和環境不太好。

lengnui

IloveJJ 發表於 19-12-21 22:54
B2學校我真係無了解，你講既香港仔浸呂我都無去過，所以唔知校風係咪差過聖士提反堂。不過我覺得聖士提反 ...

真的很感謝你的幫忙，我們住南區，浸呂在家附近，眼見環境唔錯，學生都算純品，小朋友都話唔抗拒，想試聖類斯純粹真係試吓，同埋始終唔想浪費6年來的堅持，考慮鄧鏡波和金文泰的原因亦因爲好似唔算太逼迫，又係中中，但又怕自行唔揀就冇機會，始終都明白成績好輸蝕，又冇特異功能，都係學校揀學生，而唔係我地揀學校，只係想問多些意見，揀到適合小朋友的學校。

UTB

南區  
聖伯多祿(男)
陳白沙(男女)
這兩間怎樣？ 校風好唔好？

lengnui

IloveJJ 發表於 19-12-21 23:26
祝你成功
我哋小學學術好好，去到南區中學成績通常都好好，不用擔心！有師姐也是近尾去鴨真， ...

承你貴言，謝謝你的協助和鼓勵，希望可以讀到適合的學校。

lengnui

UTB 發表於 19-12-21 23:25
南區  
聖伯多祿(男)
陳白沙(男女)

陳白沙就真係不了，雖然話近年有進步，但始終真係比較雜，個人認為學壞的機會較大。聖伯多祿都係男女校，之前有去參觀過，都開心嘅，啲活動都好玩，不過參觀一陣好難睇到啲乜，加上大部份學生都係小學升上來，有啲擔心難適應，同埋如果留返係南區的話，真係心儀浸呂。

UTB

lengnui 發表於 19-12-21 23:43
陳白沙就真係不了，雖然話近年有進步，但始終真係比較雜，個人認為學壞的機會較大。聖伯多祿都係男女校， ...

謝謝分享。由於我唔係太熟悉南區中學，所以唔敢亂推介畀你。 不過我知道呢兩間大約係B2 中至尾。

lengnui

UTB 發表於 19-12-22 01:38
謝謝分享。由於我唔係太熟悉南區中學，所以唔敢亂推介畀你。 不過我知道呢兩間大約係B2 中至尾。
...

謝謝你

Poyau

金文泰學術上較好

2019年 33222 | 22222 | 整體2+
金文泰 53.4% | [·] | [·]
鄧鏡波 31.2% | 72% | 88.3%
浸呂 25.6% | [·] | [·]
聖伯多祿 [·] | [·] | >85%

lengnui

Poyau 發表於 19-12-22 12:22
金文泰學術上較好

2019年 33222 | 22222 | 整體2+

謝謝你的資料，比較緊張學校會否令小朋友太大壓力/讀得好辛苦等因素，同埋擔心會唔會好難入，太大競爭，始終跨區，唔清楚該區小學的情況。

winwin917

回覆 lengnui 的帖子

請問你自行最終選了那兩間？最後入到邊間？
因為我case跟你一樣，男仔中西區Band two。
打算自行金文泰/鄧鏡波。
唔知有冇機會面試。謝謝