我仔間小學是咁的...

DELLENDA

我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開學兩星期，給同學弄壞了眼鏡，要買過。
2. 有同學在上課時經常走出位，行來行去，其他同學叩櫃桶吶喊。
3. 小息時有同學在走廊亂跑撞人，沒有老師當值。
4. 小息時，有同學在男廁大力踢廁所門，還爬上廁格頂偷看在廁格內的人。
5. 有同學打人，一打打十拳。
6. 有同學握住學生證飛打同學，把那同學的手指割起一塊肉。
7. 有同學上課時打女老師的屁股，女老師當場叫非禮。
8. 昨天，有同學在男廁亂跑撞跌同學，那同學個口撼落角位，成口血。
9. 今天，無厘頭發現有大便在男廁地上。

以上事情有些是阿仔親眼目擊，事情後來如何就不太清楚。有時我會問班主任，她多數說不知道要了解下就避開了。

有時聽到我覺得學校的紀律好有問題，但又無乜經驗，不知道是不是自己站在道德高地，請問大家小朋友讀的學校有沒有類似情況？

而我是不是只能教好自己小朋友，其他的就沒甚麼可以做呢？

小曳人

如果係某少數同學重覆出現以上表現，有可能係過度活躍

無辦法，如果學校唔能夠正視問題，只能教好自己嗰個

DELLENDA

在課室內發生的事，多數由某兩三個同學做出來，真無奈。

little_yolky

DELLENDA 發表於 19-12-12 11:29
我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開 ...

你有無返工？如可以，參加學校家教會/義工，同老師熟D，了解多D。

1998Ruby1998

似過度活躍，唔係學校想控制就控制到。識人係呢類學生，讀一線校，學校好注重品德架，不過佢地忽視規則，打架、除褲都有。

一線學校少啲呢類情況，因為 1. 的確一線係好注重品德同學術，唔會接受偏差行為，少少都唔允許（包括唔準跑步、上堂飲水一定要問）。2. 入得去大家都預左要谷成績，送過度活躍嘅小朋友入去讀書，家長都辛苦，一開始都唔會揀入。3. 過度活躍小朋友成績同行為好容易被投訴，投訴得多，家長自己都唔好意思/辛苦，轉去其他學校。

多啲參加學校活動、義工，同老師熟悉了解下。

Mrs.Luckycat

以上所說的，除了第一點（可能係無心之失），其他不能接受。有冇唸過轉校？

Jane1983

如果係有特殊情況的同學，做出上述行為，有時真係無計

有d學校多d，有d學校少d，始終都有。朋友個仔讀國際學校，佢班有個Adhd的男仔，係課室擲個波，打爛天花板的燈，跌落黎的碎片整損咗佢仔。佢都係少少呻吓，無辦法。

NNbaby

如果情況持續而老師搞唔掂/無心搞，操好個仔成績去插班，插另一間二線都好

annie133

DELLENDA 發表於 19-12-12 11:29
我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開 ...

津校大抽獎入係咁，乜人都有。朋友入傳統一線名校都有，D同學都怕左佢，老師都好似冇乜乎。

fasola

明顯係校園欺凌問題

唔關過度活躍事

問班主任話唔知道, 佢絕對係知道

fasola

第二點已經係集體行為. 點可能個個過度活躍? 係教師課室管理唔得.

DELLENDA

little_yolky 發表於 19-12-12 15:44
你有無返工？如可以，參加學校家教會/義工，同老師熟D，了解多D。

WKM，有報名做義工，不過抽唔中

DELLENDA

Mrs.Luckycat 發表於 19-12-12 21:19
以上所說的，除了第一點（可能係無心之失），其他不能接受。有冇唸過轉校？
...

一線難插，又無乜二線可以揀，又唔想跨網

DELLENDA

ar_mak 發表於 19-12-12 23:24
第4點果度我可以比個小小建議,可唔可以搵幾個同學組織埋一齊,當其中一個有需要入廁格果陣,就分別派2個去埋 ...

痾屎都咁大陣仗，搵到呢啲朋友肯聞臭臭又幾好

DELLENDA

先多謝大家嘅分享及意見，我真係孤陋寡聞唔清楚一般小學的情況，感激不盡。

DELLENDA

fasola 發表於 19-12-12 23:37
第二點已經係集體行為. 點可能個個過度活躍? 係教師課室管理唔得.

我覺得有唔妥，無紀律，無得搞。

easymo

小一好似中一咁喎

retriever

DELLENDA 發表於 19-12-12 11:29
我仔經大抽獎入讀了一間區內二線小學，小一由9月開學到現在，其他家長和阿仔跟我分享小事如下：

1. 阿仔開 ...

幾有趣?

幾年級?

係咪男校?

藴藴

小一咋喎，6歲小朋友唔係應該單純d?
如果只係2-3個小朋友，老師唔教好難做到咩。
你可以教好自己小朋友，小一完左後搵間紀律好既轉校。
好似我地返工，總會有x人在左近，好難避，不過小一咁既情況又真係難頂d。
又或者可以搵幾個家長一起同老師傾下，睇下情況有無改善。