請教大家小三男孩

kiukiu1016

岩岩出了考試成績，一般（睇左考試卷好多都係大意出錯，佢本身係一個好大意男孩）不過考試前每天都好努力溫書，成績還不太好，平日默書會有9x.但考試就落差很大，問佢原因，佢話十分緊張，我可以點樣幫佢？2月會下一次考試，依家要多睇課外書，還是做練習？

Jane1983

基本功唔得，多睇書。你覺得佢料夠，但考試出唔到真功夫，做d練習。

kiukiu1016

Jane1983 發表於 19-12-12 09:49
基本功唔得，多睇書。你覺得佢料夠，但考試出唔到真功夫，做d練習。

好後悔鬧左佢一餐，佢有努力，但成績。。同佢一齊望返份卷，佢都知自己大意

kiukiu1016

jli008 發表於 19-12-12 09:53
看到你講平時都9X,基本不會太差,你要做的就是家長唔好令孩子一到考試就緊張萬分,好像差了就失去人生意義咁 ...

我應該太谷佢成績，大家差唔多壓力爆煲

Jane1983

回覆 kiukiu1016 的帖子

後悔就氹番佢。提佢做完要check卷，會好d。如果佢重視學習，有出力，咁都係提醒和鼓勵為主。鬧兩句都ok，唔好太惡就得。

Jane1983

回覆 kiukiu1016 的帖子

如果你都自覺太谷，咁應該都真係over咗。放一放，如果佢本身都會努力，比d空間佢。
三年級唔好chur得咁癲，唔係到呈分、升中，點算呢

kiukiu1016

Jane1983 發表於 19-12-12 10:10
回覆 kiukiu1016 的帖子

如果你都自覺太谷，咁應該都真係over咗。放一放，如果佢本身都會努力，比d空間佢 ...

係好谷，考試果陣我都覺得自己癲癲地

notcool

-->岩岩出了考試成績，一般（睇左考試卷好多都係大意出錯，佢本身係一個好大意男孩）
需要提高考試技巧，檢查技巧


-->不過考試前每天都好努力溫書，成績還不太好，平日默書會有9x.但考試就落差很大，問佢原因，佢話十分緊張，我可以點樣幫佢？


平時溫書, 確保穩定


-->2月會下一次考試，依家要多睇課外書，還是做練習？


課外書 for long term
練習 for short term


確保他了解基本概念
專注於減少粗心的錯誤

kiukiu1016

jli008 發表於 19-12-12 10:19
香港教育令很多家長眼光看狹窄咗,要孩子做高分機器,家長放開些,孩子沒太多壓力,開心學習下唔會差得去邊.好 ...

我小朋友學校行精英班製的，讀唔到精英班，好似係學校透明咁，讀二線小學

Jane1983

回覆 kiukiu1016 的帖子

知道就要修正。你點解咁癲？

0030

不會甘岩同我細女同學吧～我女都系今日見老師派成績，又系2月份第二次考試～

b3410

平常心，平常心，平常心，考前可以督促溫習，派卷一定唔會鬧。就算鬧，都係揀科其實成績唔錯的，揀D careless mistake 督促一下，提點下次要小心。
越係低分的科目，尤其是小朋友已經努力過，還考的唔好的科目，一定唔會鬧。反而要搵亮點鼓勵下，話原來咁刁鑽題都識做。其他題目更加小意思，下次再來過。

低年級建立信心為主。久而久之，小朋友就會有正確的考試態度，緊張程度會慢慢下降。

little_yolky

jli008 發表於 19-12-12 10:19
香港教育令很多家長眼光看狹窄咗,要孩子做高分機器,家長放開些,孩子沒太多壓力,開心學習下唔會差得去邊.好 ...

咦？原來你女女中一都試過唔合格？咁我都要樂觀D至得

1998Ruby1998

三年級仲係「眼殘」階段，睇唔到就係睇唔到，唯有就係鼓勵。四年級就開始減少。

佢緊張，多數係唔熟，你要 keep 住平日溫書。考試前一個月就開始慢慢溫。做練習係 short term，要黎臨考前谷一谷，睇下自己跟兩有幾多。課外書係長期累積，唔會咁快 2 月就見效。