初中英文

1998Ruby1998

IloveJJ 發表於 20-3-9 20:36
咁係咪睇non-fiction 可以提升閱讀理解，睇fiction 可以幫助作文呢？

又唔可以話提升，只係話因為睇得多 non fiction，會認識多啲 specialised vocabulary，咁到時候見到佢地就唔會騰雞。有時候如果睇過一樣題材，會睇得特別快、容易上手。

睇 Fiction 除非作文會揀寫 short story，否則都唔會有乜 “實際作用”。Fiction 一向都係睇黎娛樂開心，唔係講效用。

1998Ruby1998

IloveJJ 發表於 20-3-9 21:17
下，乜唔係話睇書多，語文好既咩？定係小學係咁，中學就唔係呢？

咁我係咪唔駛再睇書，剩係做練習就得？

你諗得好功利下

睇書重點係娛樂、開心，吸收係其次 (因為開心所以吸收)。為語文好而睇書就好怪囉！我睇書都唔係為學生詞學句子，係真心鍾意睇，見到靚字記得咪運用，唔記得咪算，等下次。

YolandaTam

IloveJJ 發表於 20-3-9 21:37
又唔係功利，只係奇怪一向响小學雜談，閱讀派都話睇書多，自然語文好，睇書緊要過做練習。

但而家你咁講 ...

我都有相同疑問。
一直我都有講，小女嘅閱讀量喺同學中應該算數一數二：中文嚟講高小煲晒衛斯理金庸何紫，中一二睇張曉風魯迅，中三起睇網絡小說例如庶女有毒、甄嬛傳、三生三世十里桃花等；英文由小學睇 Rainbow Magic, My Weird School, Secret Kingdom, Magic Treehouse, Geronimo Stilton, Ronald Dahl ， Land of Stories, 到中學睇 Chronicles of Nania, Charles Dickens, School for Good and Evil, A little history of the world , A Singapore Story ......照理中英文應該唔失禮吖，但事實上不然，中文仍見執筆忘字，英文 grammar test 唔合格， vocabulary 不足，句式變化少，成績追不上經常死操文法，上補習班死背生字而不閱讀嘅同學係到咗今年唔知食錯咩啲名次升晒，但我始終覺得係虛火。

S-Kwok

Yanamami 發表於 20-3-9 20:14
係学左都唔知先正……

我仔最鍾意話啲句子唔係好順（講緊啲tense), 佢唔係以老師教嘅方法去寫writing

Yanamami

S-Kwok 發表於 20-3-9 22:48
我仔最鍾意話啲句子唔係好順（講緊啲tense), 佢唔係以老師教嘅方法去寫writing
...

係……有时讀上口覺得唔多对路……

Yanamami

YolandaTam 發表於 20-3-9 22:28
我都有相同疑問。
一直我都有講，小女嘅閱讀量喺同學中應該算數一數二：中文嚟講高小煲晒衛斯理金庸何紫， ...

即係学左都唔知囉~

1998Ruby1998

回覆 IloveJJ 的帖子

睇書係真係為興趣，學習只係附帶好處。所以你想「學習」呢個附帶得到大量提升，必須大前提多閱讀。
有時候英文書會詳細啲，多啲資料，咁為左得到呢啲資料，就會捨棄中文書而睇英文書。就好似睇科研，英文文章會多更多資料，咁就會去睇。好似我想睇關於 Pokemon、Harry Potter 咁，因為中文版唔夠多資料，所以會去睇英文版。呢啲都係為興趣，唔會話「我想學好語言所以我要睇」。

我諗同學整野食差唔多道理，初心係為興趣、開心，提升廚藝係附帶好處，做得多自然廚藝好，但整野食嗰陣你唔會諗住「我要學好廚藝」。去到好後期，你先可能諗「我想鑽研」，然後因為中文版唔夠多花樣，所以就去睇英文版。

YolandaTam

IloveJJ 發表於 20-3-9 23:06
嘩，你女睇咁多書，都仲話成績唔夠上補習班死操文法死背生字嗰啲，咁我不如唔好嘥錢嘥時間了，而家嗱嗱臨 ...

所以有時學語文嘅嘢真係唔到我哋唔信天賦。我自己當年就係煲小説煲到會考中英都攞A, 自高中起中英文從未跌出頭十，個女係我生，又讀我母校，佢勤力過我不知幾多倍，用我嗰個方法語文成績卻差強人意。除咗天賦，真心唔知賴咩好。

S-Kwok

YolandaTam 發表於 20-3-9 23:23
所以有時學語文嘅嘢真係唔到我哋唔信天賦。我自己當年就係煲小説煲到會考中英都攞A, 自高中起中英文從未跌 ...

即係你唔需要刻意去記、去寫,
只係多閱讀，已經能夠喺聽寫讀講 達到A級水平，咁除咗係天賦，我諗唔其他。

YolandaTam

IloveJJ 發表於 20-3-9 23:30
咁我又迷惘了

咁又唔駛嘅⋯⋯
天賦好，唔駛做練習/補習；天賦一般，操練有用；天賦差，閱讀同操練都事倍功半，宜另謀出路（例如努力讀好數理）

b3410

YolandaTam 發表於 20-3-9 22:28
我都有相同疑問。
一直我都有講，小女嘅閱讀量喺同學中應該算數一數二：中文嚟講高小煲晒衛斯理金庸何紫， ...

閱讀的量和廣度還是不足。中文我女同你女睇的書量差不多，所以一直在瓶頸，無法突破，就算去補習，一樣提高的好慢。英文閱讀量多好多，簡單講，BOB每年一出book list, 佢暑假已經一早睇嗮。學校學drama, 莎士比亞原著大致睇嗮。喜歡的作品，相關作家的書又係一定要睇嗮。英語閱讀量比中文多好多，冇補習過，為了應付學校考試，也會自己操grammar書。好明顯佢英文寫作的能力，同中文完全不是一個level。之前去考CPE，只是做了兩份past paper, 佢話應該okay, 然後拎distinction.
所以，如果閱讀的量和廣度，都很重要。
不過，睇小說唔係提高英文的唯一方法，如果孩子喜歡閱讀，自然行呢條路。

我細女就冇耐性讀書，通常一部小說睇三分一或者一半，就捱唔到，（唯一睇嗮Harry Potter)

不過佢喜歡做練習/quiz之類，咁不如讀raz kids, achieve 3000之類，短短篇non fiction, 又有quiz玩下。積積埋埋都有進步。應付考試冇問題，不過未必可以好似家姐水平。

cornelius

1998Ruby1998 發表於 20-3-9 23:20
回覆 IloveJJ 的帖子

睇書係真係為興趣，學習只係附帶好處。所以你想「學習」呢個附帶得到大量提升，必須 ...

我會咁睇，有些人的確從閱讀中除得到享受和樂趣外，對語文的運用也可有正面影響，他們對文章中的佳詞佳句也多感興趣或起碼多一份敏銳，相反有些人也享受閱讀，但可能水過鴨背，對文字運用和修辭方面亦無甚麼興趣，只陶醉於故事的情節。

1998Ruby1998

cornelius 發表於 20-3-9 23:54
我會咁睇，有些人的確從閱讀中除得到享受和樂趣外，對語文的運用也可有正面影響，他們對文章中的佳詞佳句 ...

所以咪要“大量閱讀”，識“吸收嗰批”咪運用到 20%，水過鴨背吸收左 5%，要做到 20% 咪要俾人睇多幾倍  

S-Kwok

b3410 發表於 20-3-9 23:49
閱讀的量和廣度還是不足。中文我女同你女睇的書量差不多，所以一直在瓶頸，無法突破，就算去補習，一樣提高 ...

你指廣度，係小說類型嘅廣度 還是 包括non-fiction?

b3410

S-Kwok 發表於 20-3-10 00:03
你指廣度，係小說類型嘅廣度 還是 包括non-fiction?

都包括