國際學校需要補數學嗎？

細佬Bebe

因為外國既數學課程比較淺（相對LS)

驚頭幾年個底打得唔好 到發現問題時會太遲 去到考IGCSE and IBDP會唔會唔夠？

你地有無幫小朋友補數？如果有，可唔可以分享下幾歲開始 同發現啲咩而決定咁做

無既都可以分享下你覺得唔需要既原因

Valerielicious

我喺香港小學中學操數近十年, 會考拎B.
高中去英國讀書, 第一年比好多當地同學高分, 幾份卷都90+. 第二年, 當地同學已輕鬆追上我.
當地同學小學中學冇補習操數, 小學階段甚至冇咩功課. 我都唔知我讀小學做咁多本作業工作紙數A數B堂課簿, 中學今日做1-20題單數聽日做雙數, 花咁多時間為咩.

Valerielicious

講起小學功課, 我最唔喜歡數A數B簿, 即係格仔簿自己間線寫算式.
間線, 橫式, 直式, 答案雙間線等超浪費時間.

mandy_ng207

細佬Bebe 發表於 19-12-4 22:00
因為外國既數學課程比較淺（相對LS)

驚頭幾年個底打得唔好 到發現問題時會太遲 去到考IGCSE and IBDP會唔 ...

我嘅經驗好有限，不過都可以分享。我仔K2下學期開始學珠心算（當時只係因為要轉幼稚園，中間有一個月冇學返，要搵啲嘢俾佢做下），學咗半年，今個月開始停。初初見佢跟得上都想俾佢繼續學，不過自從year one開學後佢好抗拒珠心算，次次都唔願去，話珠心算好悶。我亦去過學校嘅Maths workshop，發覺佢哋教學形式超活動，完全冇操數，係天與地嘅分別。而且學校花好多時間教concept，外補就着重操練多，進度太快，我仔學完根本水過鴨背，叫佢計數都係用返學校教嘅方法，即係數手指。所以我覺得出去補珠心算根本嘥時間。我諗小學階段未必需要外補嘅，至於進入中學或者預備IBDP嘅時候，補下反而有用

meimeimandy

淺唔代表個底打得唔好呱
講緊幾歲人仔，最緊要明白個concept, 有興趣，之後學點運用。我未諗到咁長遠

Radiomama

未入讀小學，未知/認清孩子的能力，根本不應安排補習。

一般來說，大家"覺得"國際學校數學成績無咁好，於是去上額外的課，這個其實擾亂了學習，令學生無所適從，也浪費時間。睇清楚孩子在數方面的強弱，協助解困，小學程度的話，家長應付有餘。


至於數學表現較好的中學生，可能會額外習數，如Algebra, Calculus等，我更鼓勵同儕學習，problem solving假期約埋一起做，正正是我仔與他的老友的社交活動。"補習"在孩子心中已有labeling effect，不用補習的孩子自我形象較佳，因此自信能完成目標。這個產生很大威力。

964000

細佬Bebe 發表於 19-12-4 22:00
因為外國既數學課程比較淺（相對LS)

驚頭幾年個底打得唔好 到發現問題時會太遲 去到考IGCSE and IBDP會唔 ...

我看過IS的數學範圍，我覺得正常不覺得特別淺，係唔會drill鬥快鬥高分，或專登出到好刁鑽，我覺得小學D野明了concept便夠，反正中學都是用計數機。
而且小學D數咁簡單，有需要自己教也可以。

細佬Bebe

感謝各位既分享！ 新手獲益良多！

細佬Bebe

Valerielicious 發表於 19-12-5 09:57
我喺香港小學中學操數近十年, 會考拎B.
高中去英國讀書, 第一年比好多當地同學高分, 幾份卷都90+. 第二年,  ...

我之前係第二啲post 都睇過你既分享 好inspiring
你講既同學係係外國長大既中國人定外國人？

Valerielicious

回覆 細佬Bebe 的帖子

英國長大的英國人

Jane1983

回覆 Valerielicious 的帖子

好同意。我自己讀傳統名校，中學算係好勤力，但我覺得花咗太多時間練d虛功，唔值得，所以我比小朋友讀國際。如果佢用同樣時間和精神，係IS環境學習，應該行得更高更遠。

dem0cracy

Valerielicious 發表於 19-12-5 09:57
我喺香港小學中學操數近十年, 會考拎B.
高中去英國讀書, 第一年比好多當地同學高分, 幾份卷都90+. 第二年,  ...

我都有類似經歷，我喺香港數學成績一直好好…到美國讀大學第一年，宿舍有個同學不時要請教我微積分功課，但後來人哋畢業後去咗另一間top嘅大學讀工程科PhD，研究佢好有興趣嘅topic。

英美課程表面上教得慢啲但教得深入，最重要係保持到學生嘅學習興趣(當然嗰個朋友讀嘅中學都係相當好嘅private school)。

b3410

Jane1983 發表於 19-12-5 18:15
回覆 Valerielicious 的帖子

好同意。我自己同傳統名校，中學算係好勤力，但我覺得花咗太多時間練d虛功， ...

請問如何好好利用IS學習的機會，學好數學呢？因為小兒LS轉IS後，覺得數學教的太簡單。雖然老師會俾佢不同的工作紙，去配合程度。已經參加了學校的math club, 和高年級同學一起解深d的數學題目。不過，僅限於此。減少操練絕對是好事，不過如何自己去繼續發展呢？
暫時有睇網上vedio, 週末去資優課，不過總覺得還是少了課堂這一部分，擔心虛度了課堂時光，或者話走寶，其實IS數學慢慢教有佢道理。
除了數學，對其他科目都非常滿意，欣賞IS的學習方法，覺得對將來更加有益。

001khuc

b3410 發表於 19-12-6 11:31
請問如何好好利用IS學習的機會，學好數學呢？因為小兒LS轉IS後，覺得數學教的太簡單。雖然老師會俾佢不同的 ...

其實覺得太深/太淺都無問題呀，有興趣咪學深入少少，無咪用時間學第二樣
學習我覺得唔洗定目標，最緊要問點解同有無興趣

Jane1983

回覆 b3410 的帖子

你現時的安排已經好豐富，我和你的做法不一樣。
我對我女數學好，已經超越學年curriculum，佢平日好輕鬆，得閒可以自學更深的。可以騰出更多時間睇中英本書、運動和放空。我滿意咁樣的安排。

相反，佢有朋友在另一間IS，數學科可以隨能力跳grade，加上其他科，個男仔成績top開，升中後真係科科chur，就比較辛苦。

Jane1983

我追求平衡和快樂，數學超兩年，我唔會再chur數。我會用係數呢科省番的時間花落其他嘢度，分多潤寡。我希望小朋友中英數常體藝範範有，人亦性情好脾氣佳。

Radiomama

回覆 Jane1983 的帖子

好欣賞你的做法。
題外話，就我所知GSIS是較有系統做accelerated class的國際學校，他們會為精英學生在lunch後加班。

b3410

Jane1983 發表於 19-12-6 13:39
回覆 b3410 的帖子

你現時的安排已經好豐富，我和你的做法不一樣。

謝謝你的分享。請問佢上堂時間做些什麼？是繼續聽老師講，會不會覺得悶？我最擔心小朋友覺得自己都好明白，然後唔投入，之後miss咗一部分，然後自己都唔知自己唔識。

Jane1983

回覆 Radiomama 的帖子

謝謝。我講的就係呢間。見過有些做法係谷到好超前，有時只係一科，以求跳班入大學。呢個係大眾眼中可能係好威，會上報紙、接受訪問。但呢個未必係最好，即使能力可以達到，因為願意破格收年幼生的大學，未必係最心儀的大學。
我寧願佢充份享受學校生活，和同齡人一齊學習，然後升讀佢最心儀的大學。人生路好長，中小學就12年，好重要亦好美好，唔好chur太勁，亦唔好縮短佢。

Jane1983

回覆 b3410 的帖子

會話悶ga。咁我會問佢係咪每次測驗、考試都100分？唔係的話，即係有改進空間。一個topic如algebra，係幾年中學課程都有觸及，可以自己學深d。