回想小朋友細個時

applepie34

俗語有話三歲定八十，而家我個仔兩歲八個月，性格都幾明顯。比起同齡既小朋友，我覺得佢好被動，無信心去試新野，去到公園都係企定發下呆、望下人，樣樣都想我地陪佢。但係學野方面又有佢既能力，好多野一教就識
(認知上)，記性都好好。

唔知呢類小朋友去到幼稚園/小學，讀書會係點? 作為過來人的你地，以前小朋友去到兩歲八個月左右，會唔會大約已經估計到小朋友讀唔讀到書?
估計準唔準?

可能我太過緊張，但我都好想知小朋友大約幾時可以幫佢揀適合佢既路線。

因為幼稚園揀happy school定學術型，小學行津小、直資、私小、IB定國際都好有分別。

先感謝大家的寶貴分享!

蓮蓉包

回覆 applepie34 的帖子

我既經驗係...小朋友既變化都可以幾大....
大仔現已小六,, 佢讀幼稚園時都係靜態被動型, 冇乜信心，但記性好、認字快，所以我為他揀了間關愛既小學。確實佢既信心能慢慢得以建立，讀完小二我地因另一D原因轉佐去一間直資龍校，呢度既同學大部分都PRESENTABLE，耳濡目染下，佢而家都成為一分子，成績就中上。

細仔現小四，活潑型叫做都善良受教，N & K1既老師都讚佢上課好投入，K2老師開始留意到佢易分心，所以為佢安排佐另一間基督教既直資龍校(活動D, 包容D)。佢幼稚園程度算淺，上小學前我地都幾担心佢跟唔上，小一老師都留意到佢有ADHD傾向...但係估唔到佢都好讀到書，KEEP住考到頭三，學習態度亦越黎越好，我會歸疚係佢入佐合適的學校。

個個小朋友都好唔同，我既選擇偏向順性而行，但真心每次要MAKE CHOICE都覺得好唔易。共勉！

cmchang0927

冇咁快睇到既
以前我仔細個過目即忘，四歲都未到A to Z， 數唔過10， 幼稚園老師仲好心叫我留意吓佢係咪special, 當時真係一路教一路喊...
光陰似箭，而家中二啦, 正正常常在一間band 1 中學讀書，所以小朋友既野係好難預測既，家長要一邊配合着成長的變化，一邊調整自己的想法

jli008

cmchang0927 發表於 19-11-28 17:27
冇咁快睇到既
以前我仔細個過目即忘，四歲都未到A to Z， 數唔過10， 幼稚園老師仲好心叫我留意吓佢係咪spe ...

小朋友成長好難預測,一定唔會一開始睇到,各人的經歷都有不同,但肯定畢生難忘,多多錢都買唔到.若母親能多陪伴一起成長,合適的教育觀念,對小朋友發展成長必定係好多過壞的,唔需理會入咩小學,都一樣有機會有條康莊大道前進.

小曳人

我有個極端例子，大仔，2歲8個月，就係呢個時候 (3月B)，讀緊N班
每日上課自由行，唔係點理老師，聽話3分鐘又再自由行，睇課室嘅字咭、人名，一個個讀...  (呢個人係比較早慧嘅，我當年應該問緊人：邊度有智力評估做，諗緊駛唔駛check check佢，然後放棄....)

對照細仔，正常好多，學習能力明顯無哥哥高，記性無咁好，有一般小朋友嘅散漫，認字能力一般，上到時學成績一般

如果，你有兩個小朋友，兩個用同一個方法教，2歲8個月已經睇到學習能力嘅差別
但如果無，其實又唔可以同其他家庭小朋友比較喎.... 因為大家教法唔同

所以.... 只能夠講，我睇到極端嗰個有幾誇張

applepie34

回覆 小曳人 的帖子

咁哥哥而家大個左乜情況?

小曳人

applepie34 發表於 19-12-5 14:53
回覆 小曳人 的帖子

咁哥哥而家大個左乜情況?

中一，讀緊大學credit bearing course，準備中四前考好IAL 讀大學