如果3歲10個月識計四位數加減, 個位數乘除 (新手誠心一問)

tomhosth

各位好, 我囝囝由細到大都好鍾意數字, 所以感覺到佢比其他人學數學會學得快D。
一直以來我都係佢想學咩就教佢D 咩, 當佢在3歲10個月時, 在數學方面已經識哂四位數加減, 同埋一位數乘除以及混合計算。不過佢在幾個公開的越級 (越一級) 數學比賽都只是頭十至二十名內的。

有朋友建議我好好栽培佢, 但我一直都無相關資訊, 所以想請教一下各位 :

我個囝現時4歲1個月了, 如果佢真係喺數學方面有特別資優的特質, 我有無野應該要做? 先唔會浪費左佢既天份?

=====================================================================
我綜合左幾點佢有既特別既地方
[ 叻 ]
1. 對數字極為敏感, 歲半時已經識數哂1~10數字, 現時剛剛4歲, 睇緊小二數學書學習, 已經識哂個位數乘除；
2. 認字能力很強  (從幼稚園老師得知)；
3. 對一個月內發生過既事既細節記性特強 (例如上個月第一次去及只講過一次的街名 / 商場名)
4. 說話能力比同齡小朋友明顯清晰很多

[ 差 ]
1. 不太合群, 多數時間鍾意自己玩多過同其他同齡玩, 比較鐘意同 7 ~ 10 歲小朋友玩, 最鍾意同大人玩 (唔止爸爸媽媽 )
2.  對管理自己情緒很弱 (較為完美主義, 有時自己玩玩具, 做唔到想做既效果會發自己脾氣)
3.  唔夠訓或遲了訓的話, 會有點神智不清, 比其他小朋友更需要足夠睡眠
4.  食完一塊朱古力會Hyper 幾日, 之後情緒Down左幾日 (正常小朋友會這樣嗎 ?試過幾次都係咁)

=====================================================================

真心求教 我有無野應該要做? 先唔會浪費左佢既天份?

小曳人

我大仔都係數學人
我地為佢做嘅野:-
- 生多個！ 越係自我，我就要你學同人相處！
- 培養閱讀興趣/能力，要佢有自學能力！ 最終小一已能睇百科書
- 學圍棋，愛玩自然要面對輸！
- 有乜問題都盡量答，或一齊揾答案，從來唔會話：講你都唔明架啦！
- 我地無特別教數，有都係買書佢自學，無上奧數班，到高小先上所謂資優班
- 減少糖份高/化學添加劑食物，糖份高的確有影響

孩子學習能力高，就多d發展興趣，特別係運動！畢生受用！

tomhosth

回覆 小曳人 的帖子

多謝建議~我會跟住做

王家爸爸

tomhosth 發表於 19-11-18 15:26
各位好, 我囝囝由細到大都好鍾意數字, 所以感覺到佢比其他人學數學會學得快D。
一直以來我都係佢想學咩就教 ...

其實好睇父母既心態，如果係我，反正小朋友數學一定無問題，我唔會花費太多時間係數學上，我只會每日花少少時間，自己慢慢教佢小學數學，然後中學數學，目標係中一時有 DSE M0/M1/M2 攞星星既數學程度；如果小朋友能力勁啲，我會教埋佢物理（當應用數學），同樣目標係中一時物理有攞星星既程度；如果小朋友能力再勁啲，我會用數學既方法教埋佢經濟，甚至一啲基本既研究方法、統計心理學知識。更重要既係，將剩餘既時間，用玩遊戲既方法，學好語言（中文、英文，再加一種），同埋加強溝通能力。

tomhosth

回覆 王家爸爸 的帖子

都係一個好主意woo, 可是我本身數學就叻, 其他科就唔係好掂, 未必教到佢 可能要再花點時間自學左先。時間都係一個問題。
Anyway, 我會試下先, 如果佢有興趣, 學多D 野都係好主意, 係驚再大D, 我無咁多知識教佢姐

王家爸爸

tomhosth 發表於 19-11-20 08:54
回覆 王家爸爸 的帖子

都係一個好主意woo, 可是我本身數學就叻, 其他科就唔係好掂, 未必教到佢   ...

數叻，其實已經解決咗好多問題，包括數學、物理、經濟、M2（大學睇4C+2X、Best 5、Best 6，所以你基本上已經解決咗一半 DSE 科目既煩惱）。我都係嘗試用數學方法去教自己小朋友，例如 Supply Curve 既 Integration 其實就係 Total cost，咁樣教小朋友，佢既知識面就會比只識背經濟書上面既 Area under the Supply Curve is the Total cost，深一個層次。

小曳人

現時網上 / youtube 有好多幫助學習嘅資訊，所以唔駛太擔心自己教唔到，家長只需要陪佢行，一齊揾答案，佢地就自然學到點去求智識，坦白講，我仔初中但已經讀緊大學程度嘅化學，我從來無幫過佢，教過佢！ 作為一個生物人，我仔對生物係零興趣！聽都唔願聽！

所以，唔駛一定要自己識嘅，當然，數學唔識就真係有難度...
我個腦生咗銹，真係轉唔到喇！

cafeva

小曳人 發表於 19-11-20 17:37
現時網上 / youtube 有好多幫助學習嘅資訊，所以唔駛太擔心自己教唔到，家長只需要陪佢行，一齊揾答案，佢 ...

好奇一問，你仔初中已上多科大學課程，那你是怎計劃他的升學路呢？

tomhosth

回覆 小曳人 的帖子

我都想知, 若然我囝囝有能力可以在家學習到比學校常規課程高階很多的知識的話, 升學方面可以有咩特別方案? (不論本地或外地)

小曳人

仔暫時上緊科大dual program化學，數學ready for AL仔比較好彩嘅係，中英文能力無話特別弱，佢甚至考CTY 時英文都pass，可以報humanity 課程
暫時我地搵老師跟數，有去學英文 (已達GCE level)

升學打算，其實有d見步行步
首先，HK好少好少學校可以跳級，而跳級亦唔係人人適合 (仔讀嗰間係從來無跳級case，但有收跳級入嘅插班生)
因為咁，我比較集中去搵前人自修入大學嘅經驗，而HKAGE 家長當中有唔少呢d前輩家長我得到嘅分享如下:
non-jupas 入本地學校，一般要有中6畢業+公開試成績，除咗兩個比較"深"嘅公開試- IAL / AP  (中七程度)
而AP需要嘅科較多，IAL 就會較少同較深，另外，中文要求可以申請waive (因為一直讀本地學校)
前輩們多數考IAL，因為呢班細佬傾向對某少量科目有較深認識, rather than 廣
本地大學對較細入U嘅學生，一般都會有獎學金，全免學費等優惠，去吸引學生take offer
外地，UK 要16歲先可以辦到student visa，我地無打算好似沈先生咁~ 放棄份工去陪讀 (沈生個case，佢一拖2過UK 伴讀)
美國無相關要求，但係有特別policy 收細齡學生嘅大學唔多，同美國升學顧問傾過，STEM related subject 好嘅，有Carnegie Mellon 同MIT，但MIT 近年唔收中國護照學生

如果唔係近期社會問題，傾向等仔各方面ready時，去考IAL 讀科大，等到佢夠16再算 (有前人15歲收到劍牛offer，响科大讀一年之後夠16歲先過UK)

呢刻，計劃好大可能有變數，一面怕如果我地搞移民，會影響到佢去向，另一方面又怕好似掉低佢咁...


其實，仔嘅經驗相對極端，資優兒唔一定會鍾意讀書 (佢地鍾意學習)，但我仔係一直唔鍾意返學，但去科大上堂就超期待+享受，呢個係我地要走特別路嘅主要原因！

小曳人

關於自修IAL，其實比較多人會中五考，不過要小心一樣野，就係如果衰咗，就成班同學都知你衰咗，因為考試時間比較長，要請假的話，一定係人都知
以上建議來自一位中五考IAL然後入讀劍橋嘅學生

planetearth

小曳人 發表於 19-11-22 07:54
仔暫時上緊科大dual program化學，數學ready for AL仔比較好彩嘅係，中英文能力無話特別弱，佢甚至考CTY 時 ...

你仔化學Level 2? 我仔今年 Chem L1.我仔數學能力不錯, 但就不肯多做練習, 我也迫不到他, 見成積不錯, 就算了. 平時有報CTY online比佢, 但也不是太勤力, 頗為懶散, 要成日提點先做. 但今年就開始轉性, 主動叫我教他數學, 叫我train佢, 我就高興都來不及. 於是我教佢完作常規數學, 就比挑戰題佢做, 倍佢一起玩. 佢做到好興奮, 到11:30點都唔肯去睡覺. 條題目前晚比佢, 佢在學校唸左成日, Lunch Time都在計,同學都笑佢奇怪. 到晚上回家, 我像即牙膏慢慢比小小hint佢, 他因為經過深思熟慮, 果然聰明左, 一點就明,很快就舉一返三, 而且一步一步自己解到難題, 他自己覺得很興奮, 好有滿足感, 還叫我比多D難題佢. 今早比條SAT難題佢 (網上找的說是SAT難道), 佢幾分鍾就計到, 還思路很清析地解釋比我聽點計, 我覺得他已經昇華. 最難得是他不肯知難而退. 可能有我倍佢玩, 哈! 我覺得數學練習題目貴精不貴多, 一些可以令他有深度思考的題目好過不段機器化操練.
我就自己買左GCSE的書, 打算自己教. 打算提早報考.

tomhosth

小曳人 發表於 19-11-22 07:54
仔暫時上緊科大dual program化學，數學ready for AL仔比較好彩嘅係，中英文能力無話特別弱，佢甚至考CTY 時 ...

好多謝你咁詳盡既資料
你D資料好有用, 我大概知道點去舖路了。
不過我囝囝剛剛先4歲, 距離大學plan 都仲有一大段時間, 何況小朋友時時刻刻都變, 如果佢呢幾年真係可以keep 住快人兩三倍去學到常規課程既野的話, 我再同佢舖路吧

Radiomama

小曳人 發表於 19-11-22 07:54
仔暫時上緊科大dual program化學，數學ready for AL仔比較好彩嘅係，中英文能力無話特別弱，佢甚至考CTY 時 ...

介唔介意講你個仔即係依家讀緊邊年級? 照你的計劃，究竟是想不考DSE又還是提早入大學?

tomhosth

小曳人 發表於 19-11-22 07:54
仔暫時上緊科大dual program化學，數學ready for AL仔比較好彩嘅係，中英文能力無話特別弱，佢甚至考CTY 時 ...

前輩, 我都想知啊

小曳人

planetearth 發表於 19-11-23 10:30
你仔化學Level 2? 我仔今年 Chem L1.我仔數學能力不錯, 但就不肯多做練習, 我也迫不到他, 見成積不錯, 就算 ...

yes, 今年L2喇~ 科大安排L2 複課(online)，好期待！

見到d細路肯用腦，唔怕難，仲好鍾意，真係好amazing!

小曳人

tomhosth 發表於 19-11-25 11:15
好多謝你咁詳盡既資料
你D資料好有用, 我大概知道點去舖路了。
不過我囝囝剛剛先4歲, 距離大學plan  ...

睇得多前人嘅經驗，你會明白應該點陪佢行呢條非一般嘅路！但講到底，要佢地自己有興趣、有能力！因應佢地嘅步速走...

小曳人

Radiomama 發表於 19-11-25 13:48
介唔介意講你個仔即係依家讀緊邊年級? 照你的計劃，究竟是想不考DSE又還是提早入大學? ...

今年中一，提早考大學 就已經一定要skip DSE，因為用DSE 成績要讀中六，學校唔俾跳級

tomhosth

小曳人 發表於 19-11-27 07:23
yes, 今年L2喇~ 科大安排L2 複課(online)，好期待！

見到d細路肯用腦，唔怕難，仲好鍾意，真係好amazing! ...

我上網找不到 L1 / L2 既資料...其實L2 係唔係即係大學學科既 Level 2? 即係大學Year 幾?
唔好意思我無咩呢方面既知識...請賜教。

另外, 你小朋友係讀緊中一, 即係 13歲? 讀緊中學兼讀緊大學既化學 Level 2 ?

我太新手了, 好多野都唔明...Google 好少呢方面既資訊...
麻煩到你唔好意思

小曳人

tomhosth 發表於 19-11-27 09:07
我上網找不到 L1 / L2 既資料...其實L2 係唔係即係大學學科既 Level 2? 即係大學Year 幾?
唔好意思我無咩 ...

係呀，DP Level 2 開始就係credit bearing course，level 3仲可以去科大同大學生一齊上堂架！我地估，Level 2應該係fundamental, 依家嘅year 1
其實係咩程度唔重要，DP唔係跟公開試課程編嘅，佢有佢自己教嘅，可能會偏咗一邊，無教某d野，深度亦可能唔同
我仔係中一，12歲，過多幾個月先13歲

唔緊要呀~ 我知嘅一定同大家分享！