如何防止小朋友用ipad 瀏覽色情網站

泓毅媽媽

今日收到學校老師匯報話小朋友( 小學六年班 )在10月試過兩次利用ipad 上色情網站， ipad是學校要求使用的學習工具 ，所以學校安裝了監控系統 。
本身小朋友沒有自己的手機， 屋企也沒有電腦提供他使用， 所以他唯一上網的工具便是ipad或爺爺嫲嫲的手機。
因為發現他常常借用嫲嫲的手機 ，所以我在九月份已為嫲嫲的手機安裝了密碼及指紋開鎖， 所以他不能使用 。
我試過一次發現他在書房內利用ipad上網玩遊戲 ，我已嚴格責罵他 ，但是我也想知道有如何方法可以阻擋例如pop-up的色情網站。
我試過一次偷看他ipad的內容，我發現他是利用無痕上網，所以取得的資料不多。
求各賜教良方, thx!

ilyrd

带領,引導他參與其他活動,打波,游水,跑步,捉棋,睇小說,探討生活有趣話題.....但要家長一起陪同做.

泓毅媽媽

ilyrd 發表於 19-11-6 15:39
带領,引導他參與其他活動,打波,游水,跑步,捉棋,睇小說,探討生活有趣話題.....但要家長一起陪同做. ...

你好似對我的問題有誤解

還有我要上班，放學後他要上網做功課及搜集資料，你説這完美做法在香港讀高小以上的學童來講是不可行，首先家長最好全職在家、要有學識、要做直升機……，但我唔會，我只會做一個 mentor 去做好自己去身教他，小朋友會成長、獨立。

我在他三歲時考了碩士學位，我四十幾歲人學小提琴，我早上五時多起床煮午餐給他帶回校，我每年都帶小朋友同爺爺嫲嫲一起去旅行，教他做人道理。

我早上五時多起床煮午餐給他帶回校，他校内活動都盡量請假出席，運動完幫他按摩，我仔有玩花式跳繩、跆拳道、 參加銀行隊，學小提琴， 他有哥哥陪他捉棋， 但冇可能完全唔上網，唯有想辦法防止小朋友接觸那些不良網站。

Radiomama

開心見誠同佢討論收到學校的report, 告訴佢有些網站在他這年紀不能/不准使用囉。
另外也建議定立用iPad 的規舉，除功課以外，可使用的用途和時間。

泓毅媽媽

Radiomama 發表於 19-11-6 18:54
開心見誠同佢討論收到學校的report, 告訴佢有些網站在他這年紀不能/不准使用囉。
另外也建議定立用iPad 的 ...

今晚已和他傾了一小時了解到當中的情況，是因為一次用google查生字的時候進入了一個網站，當中一個廣告彈了出來，他不小心按了進入，然後很驚便即時離開及用防毒軟件 scan嗰部ipad。 他告訴我本來打算告訴我的但因為ipad冇電最後沒有。
事隔多日後他瀏覽網頁紀錄時發現這網站，在好奇心的驅使下進入了這色情網站瀏覽了兩分鐘，主要是瀏覽圖片。
其實我有和他定下規矩，但他多在放學後同嫲嫲講要用 ipad 查資料，所以要用，我早已同他講 ipad 只可父母在家時才可用，可惜他做不到

ilyrd

坊間有的過濾apps,唔知得唔得,我冇用過,因不需要.

akys

ilyrd 發表於 19-11-7 10:59
坊間有的過濾apps,唔知得唔得,我冇用過,因不需要.

如果孩子懂得網絡，係冇用嘅。太多方法可以避開過濾軟件，例如用免費VPN就邊度都去到。

所以最終都係需要正確輔導。

drupal

其實可以通過 router 設置 blacklist/whitelist ，依家稍為新啲嘅 router都有哩種功能。在 network 出口的地方加鎖，小朋友點都翻唔過。不過如果用手機 network 就無用。

nkd

解釋他聽色情網站的危險，早點給他認識健康的性教育，明白他的生理發展和需要，順其自然。

老公怎樣看？

cylau2

Google 下 iPad parental control，Apple網頁有教點做，未必100%攔到，但係都起到一定作用。

Jane1983

直接同佢講收到老師通知，同埋再同佢講清楚ipad只可以用來做功課，學校會monitor的，上色情網站一定會穿煲。小六生知道睇鹹網揚咗，多少會驚，應該唔會再犯。

小朋友呢個年紀對性好奇都好正常，叫爸爸同佢傾吓。

泓毅媽媽

Jane1983 發表於 19-11-8 21:48
直接同佢講收到老師通知，同埋再同佢講清楚ipad只可以用來做功課，學校會monitor的，上色情網站一定會穿煲 ...

第二日已和老師個人會面及與小朋友一同三人傾談，解釋了不良網站的害處，ipad 會被校方沒收至考試完畢，其後會考慮限時鎖機。
我已在書局買了一面超大的人體結構書，由頭到腳包括性器官及生育過程都圖文並戊，任佢睇。 至於性教育就交給爸爸負責講解。
至於屋企的 TP link router 剛好不列入家長監控的型號。

Jane1983

泓毅媽媽 發表於 19-11-10 09:27
第二日已和老師個人會面及與小朋友一同三人傾談，解釋了不良網站的害處，ipad 會被校方沒收至考試完畢，其 ...

咁樣安排，用ipad睇的問題應該解決咗。

呢件事睇到佢對呢方面已有d興趣，多d疏導、多d關注。

Radiomama

泓毅媽媽 發表於 19-11-10 09:27
第二日已和老師個人會面及與小朋友一同三人傾談，解釋了不良網站的害處，ipad 會被校方沒收至考試完畢，其 ...

你處理得好好啊！不過我老公都會提醒我，男孩子會好奇、會睇咸濕網/笑話，是正常表現。

泓毅媽媽

Radiomama 發表於 19-11-10 13:19
你處理得好好啊！不過我老公都會提醒我，男孩子會好奇、會睇咸濕網/笑話，是正常表現。
...

係呀，正常男性都好呢味，哈哈!
所以，有同阿仔講，日後你同啲同學睇咸書的話，最好唔好俾老師發現，記住小心些收埋一齊睇，否則會被老師罰。

Yanamami

泓毅媽媽 發表於 19-11-10 19:50
係呀，正常男性都好呢味，哈哈!
所以，有同阿仔講，日後你同啲同學睇咸書的話，最好唔好俾老師發現，記住 ...

其實又唔一定要由daddy去同仔講解正確性教育，你都可以。正正經經講又無咩好尷尬。接受呢個喺正常須需要，好奇喺正常，不過呢d網站唔喺好適合一個小學生。希望daddy同mami可以認真但輕鬆禁同仔溝通, 首先學會尊重女性先。Raise you son to be a gentleman and raise your daughter to accept nothing less.

b3410

IPAD同其他電腦是否應該有個switch 去控制pop up 網站？其實有時唔想睇，不過莫名其妙彈出來，都好煩。

ABC-DAD

一方面要學習網絡安全，防pop up 係一種，另一方面，正面去學習面對好奇，同學習自制係可以終生受用，爸爸同媽媽都可以合作教育下異性相處時，不同人會有嘅不同價值觀。
保持開放嘅雙向溝通係要花點心神。

anitelab

邊有男仔未睇過，你關心吓佢睇啲野正唔正常好過啦，收收埋埋倒不如打開嚟講