英文"閱讀理解"差……

小冰雪冰

次次都係衰呢part.....
佢知問題問咩？但就係在文章找不到答案？！
可以點？

另外，想問叫佢出去補習社<專科操卷>還是找私補？
Thank you

LittleCS

唔知講咩咪唔識答囉....
一句有4、5個生字唔識嘅，點估落去？

LittleCS

IloveJJ 發表於 19-11-1 12:36
樓主話佢知問咩喎！應該唔係唔明啦！

知個問題，但內容唔知佢明幾多....

1998Ruby1998

衰英文閱讀理解只有四個原因

1. 粗心大意到不得了，錯 tense 錯 plurals 抄錯字
2. 答題技巧亂七八糟，搵到答案但埋門一腳錯
3. 唔明內容，即係好多生詞都唔識。
4. 問題隱晦，冇得直接抄答案，要貫通理解先識做。

4 好少小學階段見，就算係教深嘅私小都唔會題題考呢類。1 同 2 係操返黎，同佢一齊做兩三次就應該明自己錯咩位，小心啲咩字眼。3 就麻煩得多，認字不足，係操唔到返黎，係長年累月累積。通常話「明題目但搵唔到答案」，就係呢個問題。

又或者咁，如果將題目變成 ABCD 選擇題，會唔會識做？

mimi222shi

平時多閱讀,此部份不用特別温.

ngakiho

小冰雪冰 發表於 19-11-1 10:12
次次都係衰呢part.....
佢知問題問咩？但就係在文章找不到答案？！
可以點？

試下補習都無壞，有果效就繼續補，覺得已拿到技巧應付到就唔補！

Cheeselover

小冰雪冰 發表於 19-11-1 10:12
次次都係衰呢part.....
佢知問題問咩？但就係在文章找不到答案？！
可以點？

一個簡單訓練，每星期拿一本適合他程度的袋裝書(我用Oxford Tree)，你自己在書內找些問題考他。
說到底，還是多閲讀。

MandyShek

由一篇一頁的短文章開始,提升對閱讀的興趣

eviepa

以下是我女兒的一些往事：

孩子在內子肚中，我已為她定好語文學習策略，這個女兒要多看書、少做練習、少補習。

小二聖誕節起，每晚都有半小時至四十五分鐘的英文伴讀。一年之內，從一個英文文盲進步至覺得小六的英文閱讀理解很淺易。她這一年，所學的英文比有強大學習動機的老爸小學六年所學的英文還多，而且多得很多。這就是閱讀和做練習所造成的差距。

中學時她所讀的，是一間band 1中中。由於是band 1中中，她的同學普遍不怎麼閱讀英文讀物，但做的練習量卻很大。

當她讀中四時，有一天，她告訴我一件趣事。她說英文老師經常教導他們，在處理閱讀理解文章時，一個重要環節是用筆間住key words。但我女兒心裡覺得好笑。中四時老師給他們做的閱讀理解，和真正DSE的深度相差甚遠。但話雖如此，這種深度的文章，以自幼專注做練習、不怎樣閱讀的同學已經覺得非常艱深；然而，以自幼閱讀的女兒來說，這只是淺易的文章，根本用不著任何做閱讀理解技巧，就可以取很高的分數。

大家想想，當女兒的同學怎樣也看不懂文章，你們有甚麼辦法幫他們？答案是，短期內沒有。長期而言，只有多閱讀這一途徑才可以做到。

英文閱讀理解所考的是閱讀能力，不是答題技巧。當你明白課文，自然取高分；當你看不懂文章，用甚麼的技巧都是徒然。補甚麼習、教導甚麼技巧，根本起不了任何作用。

Cheeselover

1998Ruby1998 發表於 19-11-1 21:49
衰英文閱讀理解只有四個原因

1. 粗心大意到不得了，錯 tense 錯 plurals 抄錯字

如果樓主無法知道，便讓小朋友做中文閲讀理解，看一下有沒有問題，你大可判斷問題所在。
我認為多閲讀有效，阿女閲讀一本書後，我會問她講什麼，有什麼感覺，結局好不好，更壞的是我在書中找問題考她(當然是遊戲輕鬆氣氛下)，其實閲讀一本書不是看完便算，很多值得發掘的東西，就當作親子時間，有些家長説孩子閲讀很多，但語文水平仍然一般，水過鴨背，容易過目即忘，我叫阿女慢讀或重讀，多停多想，小朋友就是心急，我們拖他們後腿。

some1234

睇多d書

mypineapple

eviepa 發表於 19-11-3 00:46
以下是我女兒的一些往事：

孩子在內子肚中，我已為她定好語文學習策略，這個女兒要多看書、少做練習、少補 ...

很好的分享
我孩子偏向睇英文， 中文要推先肯睇

little_yolky

1998Ruby1998 發表於 19-11-1 21:49
衰英文閱讀理解只有四個原因

1. 粗心大意到不得了，錯 tense 錯 plurals 抄錯字

阿細係1同2，我係咪應該安慰

1998Ruby1998

little_yolky 發表於 19-11-9 12:57
阿細係1同2，我係咪應該安慰

   比 3,4 情況更樂觀，起碼係如果有心裝在，可以失少好多分。

little_yolky

1998Ruby1998 發表於 19-11-9 14:03
比 3,4 情況更樂觀，起碼係如果有心裝在，可以失少好多分。

「有心裝在」呢四隻字對於佢嚟講係mission impossible。不過大咗comprehension錯少咗，輪到tenses因為同一時間可能用多過一個tenses，佢諗唔掂。最威係朝早提完去測驗，全部錯返俾你睇，好似無聽過一樣

little_yolky

eviepa 發表於 19-11-3 00:46
以下是我女兒的一些往事：

孩子在內子肚中，我已為她定好語文學習策略，這個女兒要多看書、少做練習、少補 ...

//大家想想，當女兒的同學怎樣也看不懂文章，你們有甚麼辦法幫他們？//

前輩，錯啦，EK既JM十個有九個第一時間係搵補習呀差在專補定私補而已。

相對中文，阿大睇英文係比較少。中學前個暑假，我搵到個NET俾佢。呢位英國紳士個個禮拜話佢far below average。知恥近乎勇，佢開始攞返部kindle出嚟，睇harry potter。睇完一本覺得好好睇，又睇第二本。依家，中英閱讀量終於由9:1變為6:4。經過幾個月努力，佢終於作到篇NET話好既文，而且中學第一次測英文comprehension，全班炒1/3人，佢唔係入面之列，雖然亦唔高分。

eviepa

回覆 little_yolky 的帖子

//相對中文，阿大睇英文係比較少。中學前個暑假，我搵到個NET俾佢。呢位英國紳士個個禮拜話佢far below average。知恥近乎勇，佢開始攞返部kindle出嚟，睇harry potter。睇完一本覺得好好睇，又睇第二本。依家，中英閱讀量終於由9:1變為6:4。

經過幾個月努力，佢終於作到篇NET話好既文，而且中學第一次測英文comprehension，全班炒1/3人，佢唔係入面之列，雖然亦唔高分。//

想寫好英文文章，或者提升閱讀能力，閱讀是不二法門。甚麼文法練習、閱讀理解練習、寫作練習、補習，統統都是作用甚微。妳阿大努力閱讀幾個月，就見到顯著分別，再努力多幾年，又會是何等光景呢？