升中選校過來人分享

yingtung17

舊年升中真係一額汗，自行報考兩間都無收，派位又唔係頭幾志願，同啲同學仔媽媽傾返，都覺得選校時太大想頭，無顧到阿仔既情況，心頭太高

各位小六JM記得幫仔女選校時留返啲安全網，自行報考最好第二個choice揀返間穩陣少少，唔係等到派位就好多不確定因素了


好在阿仔最後入左果間都ok，無想像同聽人講咁差，起碼佢讀得都算開心，唔好太大壓力，唔想日日喊打喊殺咁同佢搞功課溫習，大家相處都好啲

nillnill

感謝感謝。
我反而驚小朋友自己「心頭太高」，但又好懶，無太多主動。
其實都想請教一下︰「自行報考最好第二個choice揀返間穩陣少少」
如果自行一間Band1B,一間Band2A，直覺所知，可能好大可能被Band2A收左，又不是很甘心。
但同區Band1B中學又極有限，因為選科﹑全英中等限制。但其他區又無什麼心水
內心爭扎都幾多

conniecheung

謝謝分享

tomato100hk

nillnill 發表於 19-10-31 22:46
感謝感謝。
我反而驚小朋友自己「心頭太高」，但又好懶，無太多主動。
其實都想請教一下︰「自行報考最好第 ...

我都好似你咁唸，自2收左怕唔甘心。同自2收左就唔使大抽獎。咁想入番自1係咪難好多？要叩門？

洋蔥頭媽咪

nillnill 發表於 19-10-31 22:46
感謝感謝。
我反而驚小朋友自己「心頭太高」，但又好懶，無太多主動。
其實都想請教一下︰「自行報考最好第 ...

點解一間1B 另一間要 2A ? 莫非小朋友是邊緣人？如果唔係B1生又點會唔揀返B1而揀B2，頂多揀1C. 但如果是邊緣人自己又何必揀 1B，明顯浪費左個自行位。

zanezane

其實中學自行嘅心態係咪  "搶一d能力高過佢學校norm的學生"?
自行入到, 無論係高一線定同級嘅學校, 都會好安樂吧, 起碼學校都覺得你ok.

如果抽入, 就會懷疑究竟讀唔讀得黎..... 1C抽到1A, 係喜定悲?

0030

我自己都同意不要太進取～假如band1B成績，自行跨區band1B中學，另一間我會念同區band1B-C機會相對大的中學～

nillnill

洋蔥頭媽咪 發表於 19-11-1 09:00
點解一間1B 另一間要 2A ? 莫非小朋友是邊緣人？如果唔係B1生又點會唔揀返B1而揀B2，頂多揀1C. 但如果是邊 ...

唔係呀。而係小朋友睇過好多中學後的感覺。我問過點解，小朋友唔係考慮Banding，純粹印象。如果你小朋友係B1，但睇中間B2A，你點勸先？

love-baby

Deleted

carmenlook

yingtung17 發表於 19-10-31 22:16
舊年升中真係一額汗，自行報考兩間都無收，派位又唔係頭幾志願，同啲同學仔媽媽傾返，都覺得選校時太大想頭 ...

你乙部頭幾自願是否都很熱門的？咁最後有冇試吓叩門叩唔叩得返自一自二或者頭幾志願？

tomato100hk

nillnill 發表於 19-11-1 10:14
唔係呀。而係小朋友睇過好多中學後的感覺。我問過點解，小朋友唔係考慮Banding，純粹印象。如果你小朋友係B ...

如果係b1c。睇中b2a。希望係喺b2a做龍頭。通常都有英文班。但會唔會揀錯都唔知。

carmenlook

love-baby 發表於 19-11-1 11:02
我覺得自行2間一定要揀心水校，入咗呢兩間都會慶祝先好揀。
不竟統一攪珠嘅位多好多，反而去到呢度先設番個 ...

我都覺得係，自行我唔會揀低D，會揀返合自己水平的，唔得的話唯有博抽獎，自行揀低咗收咗唔甘心，派位後又要叩門，難度更高

洋蔥頭媽咪

nillnill 發表於 19-11-1 10:14
唔係呀。而係小朋友睇過好多中學後的感覺。我問過點解，小朋友唔係考慮Banding，純粹印象。如果你小朋友係B ...

如果我小朋友是 B1生（非邊緣），我應該唔會帶佢睇B2校 若小朋友有能力入 1B，自行根本太把選擇未去到要揀B2，除非小朋友屬邊緣生。我會先篩選幾間啱佢能力同適合嘅中學比佢揀，始終影響將來升學，會同小朋友分析，並盡量引導佢去選擇。

nillnill

洋蔥頭媽咪 發表於 19-11-1 12:50
如果我小朋友是 B1生（非邊緣），我應該唔會帶佢睇B2校 若小朋友有能力入 1B，自行根本太把選擇未 ...

是咁的，因為我是在小朋友小四時已經開始參觀中學了。

小四時一定未分banding喇。banding多數都係六年級考埋呈二才知道。所以小四小五睇band2的中學，
我覺得都無可奈何。

「會同小朋友分析，並盡量引導佢去選擇。」
呢句同意，所以都會講返中學的科目﹑語言﹑體藝﹑功課量等給小朋友考慮。同區外區的Band1a太谷的中學，小朋友已經講明唔會去，參觀無所謂。今年到小六，其實band2b之後的中學，除非特別的，否則小朋友本身無打算去看。
去看的都是重體育﹑有雙史修﹑英中或英文班﹑唔多功課﹑唔谷的Band1b到Band2a中學。
另外心儀的，今年應該都會再去多次參觀。
講咁多，前提係︰考好埋呈二先得。

洋蔥頭媽咪

nillnill 發表於 19-11-1 13:26
是咁的，因為我是在小朋友小四時已經開始參觀中學了。

小四時一定未分banding喇。banding多數都係六年級 ...

個人覺得睇得太多其實小朋友反而好亂，你由1A考慮到落2B，實在冇必須。重點反而係小朋友嘅 Banding？貴校是否一線小學？過往師兄/姊相約嘅成績派去邊等，收窄範圍。記住有能力嘅就你揀人冇能力就人揀你，所以揀接近自己banding 學校已足夠。

pingu_k

love-baby 發表於 19-11-1 11:02
我覺得自行2間一定要揀心水校，入咗呢兩間都會慶祝先好揀。
不竟統一攪珠嘅位多好多，反而去到呢度先設番個 ...

想請教，其實如何set保險線？成日聽到，但實際是如何set呢？謝謝指教

In2c68

nillnill 發表於 19-10-31 22:46
感謝感謝。
我反而驚小朋友自己「心頭太高」，但又好懶，無太多主動。
其實都想請教一下︰「自行報考最好第 ...

就係唔甘心呢個心態，係自行兩間一定唔會去到b2a,咁到自行唔收到大抽獎好睇運，我地學校可以160名入band1 120名入band 2 兩個人應該同band ，但隨機number頭同尾可以差好遠，去到呢d可能更不甘心！

little_yolky

nillnill 發表於 19-11-1 13:26
是咁的，因為我是在小朋友小四時已經開始參觀中學了。

小四時一定未分banding喇。banding多數都係六年級 ...

拿，記得同小朋友講埋入大學率。B1同B2A分別好明顯。另外，in this moment小朋友話想收雙史，入去讀完可能另一個story。我個話中史好難攞分，可能轉收生物了。始終好多科佢未讀過，應該講眼界開闊D。