點樣令佢好可認真專心做

Clarkie

阿大剛小一, 其實係醒的, 記性幾好, 平時同佢做功課加温書可以坐定2個幾鐘。但問題係做事唔認真, 見到多字少少請已認定唔識, 放棄。其實只要佢肯試吓就會知其實係識既。
做功課時, 好求其咁做。做2題就搞吓呢樣搞吓個樣, 發吓夢咁, 啲字好明顯係無比心机寫。做做吓會MISS咗幾題。搞到一來要ERASE 再做及用多好多時間做。

做任何嘢都係,口水多過茶。所有事, 做2吓就會講野, 可能係講一啲完全無闗既事。例如中一樣功課係抄中文詞語, 佢抄2隻字, 就會吓來同我講野。係咁叫媽咪, 媽咪, 我今日....

好多時我會同佢講, 唔好講野, 你做完呢樣野先同我講野。要咁佢先停口, 再去抄過。

總之就係好多野講, 係咁講係咁講, 做2吓又要講, 好似把口停唔到咁。

有咩方法, 可以令佢唔好咁多野講, 專心做好一件事先? 佢只要每日肯比30分鐘專注力我, 就可以完成都好多野喇。

考試都係, 好多時題目佢一見到多字或唔係一睇就知答案既佢就放棄, 根本無認真咁做。

點解我咁肯定佢識? 因為TEST PAPER返咗來, 佢第一頁可以全頁無做。我叫佢即時做返, 認真咁做, 10題佢啱8題。咁其實, 即係佢係學校無用心做啦.

咁其實我可以點呢..........好灰.......

ChristmasBoy

唔認真。。。same here，功課默書成日錯埋d無聊位

szwani2412

ChristmasBoy 發表於 19-11-1 14:38
唔認真。。。same here，功課默書成日錯埋d無聊位

講開錯無聊位, 其實係咪大部分初小生的通病呢？
明明係識, 都可以大意地寫錯左, 激到我死死下, 因為錯個D位係好唔抵.

szwani2412

Clarkie 發表於 19-10-31 15:06
阿大剛小一, 其實係醒的, 記性幾好, 平時同佢做功課加温書可以坐定2個幾鐘。但問題係做事唔認真, 見到多字 ...

全頁無做, 又真係几得人驚~~ 因為上學期老師係會讀卷. 照理無理由成版唔做...所以要了解下, 係因為見到多字放棄唔做 還是 抗拒看中文字呢？


或者, 你測驗前出 D 試卷, 或 在FB 入個D 試卷群組比D卷佢做下， 做完叫佢對一次有無漏, 睇下有無改善..


專心問題, 一係劃個時間表比佢, 做完可以做佢自己鍾意做GE野;  為食D 0既, 可以用少少零食利誘佢, 做完有得食自己鍾意的食物.

Clarkie

回覆 szwani2412 的帖子

我有問佢點解全頁無做。老師有讀出來的。細問之下, 原來老師每題都讀。EG 老師會話: 第一題: _____裡有老師, 有同學。（之後等一陣比佢地ＷＲＩＴＥ答案）第二題：　＿＿＿裡有很多圖書。
而我大囝因為中文唔好，要慢慢唸或者係上邊揾返個詞語來填，有啲醒既一唸就唸到係（學校／圖書館）但我囝都未填到，　就開始讀第二題。老師叫佢哋未填好的就圈起先，　因為要讀第二題喇。咁佢咪圈起晒ＬＯＲ。之後成份讀晒，　佢又無意識之前圈咗個啲要去做返。佢以為唔識就係唔識。

我證實過的，　因為返到屋企叫佢改正，　我完全無讀題目比佢聽，等佢自己做，　佢係可以自己做啱八成的。

不過，因為下次開始老師唔會再讀題目，　所以我就無再研究呢個問題了。