點幫5歲自閉兒子

wy.yau

我個仔而家5歲幾，2歲時見健康院醫生時被醫生懷疑自閉症，轉介左去做評估，聽力同智力都冇問題，但係其他方面就明顯好弱，唔係冇反應就係發脾氣，唔肯俾其他人掂，好多時會訓地發脾氣，淨係識手指指。
3歲讀幼稚園k1，因為阿仔唔肯俾人掂，又唔肯離開我，我陪左係佢隔離上堂都有好幾個月，之後坐遠少少，再之後就係禮堂等，由開始時返1.5小時，變2小時，再變2.5小時，阿仔明顯情緒穩定左，雖然學習都係差，但已經好好多。

wy.yau

之後升K2，頭1個月放早半小時俾阿仔適應，但我唔洗留低陪，跟住就跟返正常時間。
依段時間有到校服務俾佢，但阿仔情緒唔好，經常唔跟指令同發脾氣，令到治療冇成效，跟住11月有E位俾佢做治療，要搭車去中心做訓練，但係阿仔又成日都發脾氣唔肯去，連學都唔肯返，又同治療師同學校溝通後，阿仔唔肯去治療就暫停，訓練返佢肯上學先，當中過程好艱辛，佢經常打我，又經常撞自己落地同牆，幸好都搵到方法令佢肯返學。

wy.yau

之後就間唔中捉佢返中心做訓練，但係開始發現阿仔唔識認字同寫字，完全對書寫冇概念，同老師同治療師溝通後，用左D方法幫助佢順利做功課。
咁就又一年喇。

wy.yau

係暑假時，阿仔終於都識跟寫字，老師同治療師都覺得阿仔可以試升K3，咁就繼續行落去。
但去到而家K3，又發現阿仔而家情況升小一都幾有難度，雖然阿仔可以靜靜坐定，但係未必識聽指令做，又怕佢唔識講野會俾其他同學仔欺負，又怕老師會晾佢埋一邊唔理佢。

阿仔現時5歲，言語能力只有3.5歲，有時唔知係佢唔識講定唔肯講，顏色、數字、動物名稱等都用英文講，唔識講中文，認唔到中文字，寫就更加麻麻，自理還可以，自己如廁洗手等冇問題，執玩具果D都可以自己做，我有買教材係屋企教阿仔，但可能因為佢會蝦我，會拒絕做，所以成效唔大。
阿仔就黎6歲，就快乜服務都冇喇，咁我到底可以點幫個仔呢？

funghon

你預計你仔未來升小一係會入讀主流小學嗎？
如果覺得小一會跟吾度進度，會吾會考慮重讀K3。

wy.yau

我有考慮重讀k3，但就會冇晒支援，要自費真係做唔到

crystal媽咪

wy.yau 發表於 19-10-19 12:05
我有考慮重讀k3，但就會冇晒支援，要自費真係做唔到

重讀K3，學券校，看能否申請多一年學券？
否則上唔到普通小學，差太遠
如無曬支援，自己學多啲做訓練。NGO的班比較平，留意一下

wy.yau

我自己有係屋企同佢做唔洗太多工具既訓練，但係可能因為角色問題，一直成效唔大，就算去NGO唔係私人，一堂都要幾百蚊，負擔太大，我家庭真的支持唔到

小菜豆

在學校除了唔出聲, 還有什麼與其他小朋友不一樣?
其實只是對著妳情緒大D。
如果他能在學校自得其樂還可以吧。
小孩智力正常, 懂自理, 語言只是遲少少, 也不是太差。
選一間少功課少壓力的小學升上去可以嗎?

wy.yau

小菜豆 發表於 19-10-22 16:06
在學校除了唔出聲, 還有什麼與其他小朋友不一樣?
其實只是對著妳情緒大D。
如果他能在學校自得其樂還可以吧 ...

佢言語係遲左2年，應該係差好遠，老師有反映指令要同佢重覆講幾次先做，我同佢做訓練經常死都唔肯做，成日喊，一喊就乜都唔做，我都好辛苦好累。

小菜豆

唔聽指令呢樣個個自閉小朋友都會，
冇自閉小朋友都唔聽指令，
我c6都叫十次冇回應。
就算K3Repeat再repeat都好難改善，
而且佢唔係學習能力問題升唔到小一

wy.yau

小菜豆 發表於 19-10-22 19:13
唔聽指令呢樣個個自閉小朋友都會，
冇自閉小朋友都唔聽指令，
我c6都叫十次冇回應。

佢認字寫字都好差

小菜豆

認字寫字差方面, repeat能解決這問題?

wy.yau

小菜豆 發表於 19-10-23 15:13
認字寫字差方面, repeat能解決這問題?

係屋企努力訓練緊

Vividada4472

自費係有必要的, 因為E位/O位都係每個月幾個小時, 單對單自費當然好貴, 但NGO搞既小組訓練一百幾蚊一堂其實都可以的。

wy.yau

Vividada4472 發表於 19-10-25 17:39
自費係有必要的, 因為E位/O位都係每個月幾個小時, 單對單自費當然好貴, 但NGO搞既小組訓練一百幾蚊一堂其實 ...

百幾蚊一堂？？邊度有咁平呀？可以講我知嗎？

小熊野

建議再去CAC 再評估才升小
看看主流小學是否適合小朋友

wy.yau

小熊野 發表於 19-10-26 10:02
建議再去CAC 再評估才升小
看看主流小學是否適合小朋友

對於重讀K3定升小一有D矛盾，重讀有重讀既好，升小一又有升小一既好，如果重讀K3可以偷多一年時間俾佢思維、理解同言語成長，但係始終過左6歲就乜野支援都冇，要自費做訓練又負擔唔起，又搵唔到便宜既訓練俾佢上，對阿仔既進度冇乜幫助。如果升小一可以俾佢適應小學生活，始終幼稚園比較輕鬆，同小學生活有距離，但係又擔心能力不足跟唔到會更加辛苦，依個狀態上小學實俾同學欺負，又怕老師會晾佢埋一邊唔理，令阿仔更無安全感同自卑。
好煩惱，都唔知點揀好。

wy.yau

小熊野 發表於 19-10-26 10:02
建議再去CAC 再評估才升小
看看主流小學是否適合小朋友

評估中心寄左問卷黎俾家長同治療師填，再考慮洗唔洗做多次評估，但係就算做評估，都冇咁快，最快應該2-3月先有得做，但係過年前已經要決定好去向。

idak

我記得我女小一時，日日捉佢讀書，大大聲咁讀，每課每日讀三次，開始時係讀一段，我教佢教到嘔血，不過你要比佢知道佢係進步緊，多D讚佢，重要同佢講點解要讀出聲，佢唔明會發脾氣。