小學可自己上學/ 放學嗎?

JNF

聽人話可以，小幾可以呢?自己去補習社、回家、坐車?

Jane1983

過幾多條馬路？路面情況點？搭車使唔使轉車？複唔複雜？

要睇實際情況，小朋友的成熟程度，同埋會唔會無節制玩電話。除非係屋苑附近，來回都係地鐵上蓋，或者只過一條有斑馬線的馬路，否則小五前基本上唔會考慮。

Poyau

因人而異 要睇家長/小朋友雙方
例如去興趣班 行路不用過馬路
有家長叫未到六歲小朋友試自己去

b3410

我小朋友K3已經可以自己去屋企附近興趣班。P2識自己搭巴士。不過，都係緊急應變時才會這樣。如果可以比較放心，我諗小4，小5左右。

conniewktang

b3410 發表於 19-10-14 20:04
我小朋友K3已經可以自己去屋企附近興趣班。P2識自己搭巴士。不過，都係緊急應變時才會這樣。如果可以比較放 ...

我個仔P3下學期三丶四月時，可以自己由長沙灣一個人回葵青區，當時剛8歲3個月。因原本老人家接送，但老人家不舒服一段長時間，沒辦法，不捨得也得讓他試，結果ok, 一直是他自己一個人回家。（老人家接送是坐的士來回，小朋友自己一個，我就叫佢坐巴士，比較安全。）

Cheeselover

JNF 發表於 19-10-14 17:31
聽人話可以，小幾可以呢?自己去補習社、回家、坐車?

應由自己判斷，每個小朋友能力不同，每個行程不一樣，如果你不能作出準確判斷，那麼我建議你繼續用你安心的方式。

小曳人

我聽過有d小學係唔俾太細自行放學嘅，e.g. P3先可以

另外，就係要睇小朋友能力，佢會唔會四圍行，八掛？ 成日漏野？ 過馬路得唔得？

大仔10歲開始我地訓練佢點對點出入，11歲前已經俾佢自己去科大
當中要轉一次巴士，轉車地點唔駛過馬路，但佢都可以試過幾次唔記得落車，最終問題解決，我覺得錯~都係一種學習

Elenalan

我女學校係P3可自己放學。我女6歲時我已俾佢自己去屋企樓下商場上興趣班。

tantanmama

我女學校要小四先可以自行放學, 老師會帶大隊去到地鐵站. 我女跟住搭兩個地鐵站+過1條馬路就返到屋苑.  

JNF

回覆 yaijing 的帖子

唔該各位~即是咁做不是獨留在家無犯法啦

wongtw

JNF 發表於 19-10-18 18:02
回覆 yaijing 的帖子

唔該各位~即是咁做不是獨留在家無犯法啦

我地學校是二年級已經可以自行放學，獨留在家與自行放學是兩碼事來的，太細自行返放學期間出事，也有機會是疏忽照顧啊。