家長撒網報直資 學生易感挫敗 校長:最多報5至6校 個案:報20..

elbar

優才（楊殷有娣）書院校長陳家偉（左）稱若非屬意某些學校，無謂報過多學校，以免子女落選成「炮灰」。聯合基督教音樂幼稚園校監伍馮美娟（右）稱學生讀K2時，家長已可跟校方溝通並根據家庭狀况規劃未來升學。


【明報專訊】教育局不限學童投考私立和直資小學數目，家長或會漁翁撒網，為子女報多校。「一條龍」直資學校優才（楊殷有娣）書院校長陳家偉稱，發現有學生升小時曾投考20間直資小學，獲其中6間取錄，結果雖不俗，但因失落14間學校學位，令他挫敗。陳稱家長若非屬意，無謂報太多學校，宜報5至6間，免影響子女自信。


直資學校校長陳家偉過去接觸不少小學家長，他稱，有些家長心態「寧願報多不可報少」，認為藉此可累積面試經驗，一試無妨。不過，他認為多次面試失敗會影響學童自信，「賠了夫人又折兵」，認為家長毋須為子女申請過多學校。聯合基督教音樂幼稚園校監伍馮美娟也同意不應讓子女感覺是「輸家」，建議投考數目宜在10間以內。


面試簡歷繁複難細閱  精簡為要


不少家長會為面試準備個人簡歷，陳家偉稱，有些更附有光碟、區議員或神職人員推薦信。他說難逐一細閱，以優才書院為例，今年約有3200人申請入讀小一，學校難有足夠人手細閱每份簡歷。伍馮美娟稱，曾面試不少學生，她指出由於人數眾多，面試官只能在見學生前花10秒略看一下。因此，她建議簡歷以照片為主，宜放有價值且考官未能透過面試知道的內容，她舉例，有小朋友原來喜歡騎馬，還有一位「馬朋友」，這些資料考官或未會問及，可放入簡歷。


校監籲家長：容許子女經歷失敗


家長對子女入學面試嚴陣以待，送子女去面試班練習。伍馮美娟稱，學校面試期望看到學生專注、懂思考、主動和整潔，前三者不可單靠幾節面試班一蹴而就。她建議家長管教子女時「容許他們在安全情况下經歷失敗」，簡單如倒水動作，都讓子女試做，家長不用馬上指正錯誤，或許會倒翻水，但過程中可發現問題，繼而思考更佳做法。她說家長只需學會兩句金句：「不要緊」和「再試一次」，而子女也學懂道歉和說「不要緊」，日常生活已可鍛煉思考反應。


面試宜輕鬆  儀容整潔勝名牌衣服


面試當天難免出狀况，若不想子女過分緊張，影響表現，伍馮美娟建議父母先帶子女到學校走走，熟習環境，減低不安感覺。家長也需小心留意面試指引，看看學校有否要求父母共同出席或需子女帶同任何物品面試。倘無特定要求，她建議小孩帶備喜歡的書、玩具和家庭照，有助面試官和子女自然展開話題。有些家長或會為面試特意購買名牌衣服，她認為並無需要，但要儀容整潔，女生長髮宜束起，避免在預備室或遊戲環節玩耍後披頭散髮。

dmchu

elbar 發表於 19-10-11 14:28
優才（楊殷有娣）書院校長陳家偉（左）稱若非屬意某些學校，無謂報過多學校，以免子女落選成「炮灰」。聯 ...

其實邊間取錄，邊間落選，作為家長有冇需要一五一十同小朋友講清楚？我同意家長係要顧及小朋友感受。
換個角度講，亦會有小朋友因為有三兩間學校取錄而好開心。所以都係人人不同，知道自己小朋友能力性格，決定點玩呢個遊戲係好重要。

993rs

回覆 elbar 的帖子

其實何不老實啲，報20間有咩問題？
陳校長都識講20中6間，30% hit rate係幾貼地嘅percentage，大約情況會係 accept:reject:clashed or no show 3:4:3。報5、6 間即係會中一至兩間，實會考入心義嗰間？一個唔好彩遇上撞時間、病咗，到時完全冇 buffers

十分鐘

6間取錄仲挫敗？

Charlotte_mom

最後其實最大考慮係「有」vs「無」
如果精選6間黎考，正常都會揀最想入，即失手機會更高
我唸零offer挫敗一定大過失落14間學校學位啦

sisbro

何不食肉靡?

我夠想唔報直資，大抽獎入 瑪利諾／喇沙／St Mary／拔萃.....

Poyau

Charlotte_mom 發表於 19-10-15 17:03
最後其實最大考慮係「有」vs「無」
如果精選6間黎考，正常都會揀最想入，即失手機會更高
我唸零offer挫敗一 ...

一鳥在手勝百鳥在林

legolas625

睇完得啖笑，d小朋友唔係佢地嘅仔女先咁講

annie133

我見只報五六間的，除非本身好smart好突出，否則全軍覆沒多

Poyau

annie133 發表於 19-10-16 05:00
我見只報五六間的，除非本身好smart好突出，否則全軍覆沒多

唔考過都唔知邊間收
莫道你在選擇人 人亦能選擇你······

hkpapa852

Charlotte_mom 發表於 19-10-15 17:03
最後其實最大考慮係「有」vs「無」
如果精選6間黎考，正常都會揀最想入，即失手機會更高
我唸零offer挫敗一 ...

校長講嘢真係有D離地，考1x至2x間零offer年年都有不少。唔通佢以為肯報就實有學校收？

sunnymama2

呢個post 令我諗起以前“村校女孩”定“明天更好”鼓勵大家報多d學校，嗰時有些人群起攻之。。。

而家，個個都覺得報2x間學校好正常

adriantai

hkpapa852 發表於 19-10-16 08:15
校長講嘢真係有D離地，考1x至2x間零offer年年都有不少。唔通佢以為肯報就實有學校收？
...

惡性循環.....
調轉諗, 如果每人真係可以只報4-5間, 我相信競爭會細好多.



利申: 當年..報左四間, in左3間.

iheartonon

堅離地
不過算啦 本身直資就是不公平遊戲

helloeunicebb

啲校長訪問，睇完就算，個個都好離地，講到好理想，但現實永遠係殘酷！

ppmmbb

小朋友見家長為自己上完十堂八堂家長課，又交功課，之後知唔收或連3rd IN都無機會，邊樣挫敗感多d？

maylulu

其實如果家長做足功夫，就會發現直私津校那麼多，真正符合自己仔女同家庭需要嘅，真正願意入讀嘅，不會超過五間，呢個基礎上再加多幾間當面試練習或backup已足夠。

sisbro

ppmmbb 發表於 19-10-16 10:22
小朋友見家長為自己上完十堂八堂家長課，又交功課，之後知唔收或連3rd IN都無機會，邊樣挫敗感多d？mouth ...

邊樣挫敗感多d？8個月家長課程須達8成出席率, 但最後優才不收

100%挫敗

egthm

ppmmbb 發表於 19-10-16 10:22
小朋友見家長為自己上完十堂八堂家長課，又交功課，之後知唔收或連3rd IN都無機會，邊樣挫敗感多d？mouth ...

    

993rs

maylulu 發表於 19-10-16 10:52
其實如果家長做足功夫，就會發現直私津校那麼多，真正符合自己仔女同家庭需要嘅，真正願意入讀嘅，不會超過 ...

媽咪你幸運，有個懂得表達自己既小朋友姐....

上年係我第二名小朋友升小，叫有過經驗。兩公婆做既功夫由 未識講野已開始做，從家教、人際到學術、玩樂。IQ 未到資優但有點小聰明，佢年年做 honored student，亦交到好多好朋友，運動玩得唔錯，幾位教練主動叫佢上單人堂。只係無論帶佢出幾多街、見幾多人，就係唔肯同陌生人講野。

結果係，如果我當日真係報 5 + backup，我今日就真係好感到挫敗。宜家佢讀緊果間小學雖然心義，但並唔係最初諗住會入讀，而係過程中發現最適合，及最重要係，收佢