選擇回流香港完成中學階段

LapYeungMa

小兒現正在紐西蘭讀 12班，因未能適應當地環境、成績亦未如理想，現考慮回香港完成中學階段，請問可以怎樣安排。

Poyau

請問想返港讀什麼課程 DSE/IB/GCE?

LapYeungMa

有朋友提意 IB ，是否可以銜接到

LapYeungMa

定可以讀回傳統學校？

poonseelai

12班即本地中學幾年班？如想入ib diploma，或先了解下要求睇下啱唔啱，ib 要求兩种語文，要少一科文科及一科理科，好多寫作，仲要睇下學校有什麼科目選擇。如孩子偏理科，A level 可能較合適

LapYeungMa

小兒理科方面很薄弱，照這樣說如回流是不可行的嗎？

TwinWong

LapYeungMa 發表於 19-10-10 16:50
定可以讀回傳統學校？

外國讀开長大的, 更難適應傳統學校
要讀就讀國際學校

小時了了

LapYeungMa 發表於 19-10-11 09:58
小兒理科方面很薄弱，照這樣說如回流是不可行的嗎？

G12 好似係紐西蘭高中尾二嗰年?定係最尾嗰年?

個人意見，GCEAL 課程(因為只讀3至4科)應該比較適合你仔仔，香港傳統DSE 係3年高中課程要讀4科主修科+2或3科選修科，1科主科中文已經有排要你仔仔追了。理科弱，GCEAL 咁咪唔好讀理科，讀商科或其他閒科讀 eg Art and Design 丶Media Studies 之類閒科都係計嘛。

以下呢個帖，有香港開辦GCEAL 課程嘅直資中學丶國際學校丶私立機構類似補習中心嘅學校，一定有學校收你仔仔讀
https://www.edu-kingdom.com/forum.php?mod=viewthread&tid=3750842&fromuid=1539350

國際學校Korean International https://www.kis.edu.hk/is/curriculum_secondary.asp呢間學費平，你試吓打電話問吓呢間。最差，你接唔接受到仔仔係私立機構讀?都有香港學生Full time 係呢啲類似補習中心嘅學校讀的

王家爸爸

LapYeungMa 發表於 19-10-10 14:25
小兒現正在紐西蘭讀 12班，因未能適應當地環境、成績亦未如理想，現考慮回香港完成中學階段，請問可以怎樣 ...

我認為應該先分析下點解小朋友唔適合喺紐西蘭讀，例如如果小朋友記性唔好，係香港偏向於填鴨式既制度下，會更唔適應。
另外，12班，即係1月就升13班（中七），基本上係畢業班，現在先轉，會唔會更難安排同適應？

小時了了

LapYeungMa 發表於 19-10-10 14:25
小兒現正在紐西蘭讀 12班，因未能適應當地環境、成績亦未如理想，現考慮回香港完成中學階段，請問可以怎樣 ...

唔了解你仔仔“未能適應當地環境”係咩野，GCEAL 係紐西蘭有~廿幾間學校開辦，如果返香港讀GCEAL課程，會唔會考慮繼續留返係紐西蘭，轉校轉去有GCEAL 嘅學校讀?

以下呢個討論帖有紐西蘭開辦GCEAL 學校資料
https://www.edu-kingdom.com/forum.php?mod=viewthread&tid=3699273

LapYeungMa

非常感謝各位的寶貴意見，本人都不知道如何選擇，因曾跟學校詳談過如根據小兒現在的成績只可以免強完成中學階段，根本不可能夠分入讀大學，所以朋友提意不如轉換環境(回香港) 或者會有幫助(因有家人在身旁)。會再慎重考慮。

王家爸爸

小時了了 發表於 19-10-12 18:05
G12 好似係紐西蘭高中尾二嗰年?定係最尾嗰年?

個人意見，GCEAL 課程(因為只讀3至4科)應該比較適合你仔仔 ...

G12係紐西蘭高中尾二嗰年，不過紐西蘭同香港相差6個月，所以G12會係聖誕節完，明年差唔多呢個時候（十一月頭）已經要考會考。如果無記錯紐西蘭高中選科好靈活，G12得英文係必修，其他讀嘜都得，G13好似連英文都唔係必修，所以如果返香港讀，得兩、三科係選修，要讀四科必修，應該更難適應。

Yanamami

王家爸爸 發表於 19-10-15 08:45
G12係紐西蘭高中尾二嗰年，不過紐西蘭同香港相差6個月，所以G12會係聖誕節完，明年差唔多呢個時候（十一月 ...

一般外國大學易入難出？如喺NZ無信心入U，喺HK就更難？現階段番HK讀，好多科無SBA分？而且難插班？

小時了了

LapYeungMa 發表於 19-10-14 17:13
非常感謝各位的寶貴意見，本人都不知道如何選擇，因曾跟學校詳談過如根據小兒現在的成績只可以免強完成中學階段，根本不可能夠分入讀大學，所以朋友提意不如轉換環境(回香港) 或者會有幫助(因有家人在身旁)。會再慎重考慮。

讀大學, 除咗由中學畢業後直接考入大學呢條途徑外, 其實仲有其他方法及途徑入大學. 反而, 如果你一心想仔仔讀大學, 建議你搵留學 agent 詳細傾吓, 佢哋有好多方法及途徑入大學

途徑1: 愛爾蘭 IIBS https://www.edu-kingdom.com/forum.php?mod=viewthread&tid=3795611
途徑 2: 英國讀 foundation 後直入大學 http://www.britishunited.net/pathway/university-foundation-course/


A Level同大學基礎班 邊一個先係入英國大學最穩的踏腳石？http://linkedu.hk/article/%E3%80%90%E6%95%99%E8%82%B2%E7%8E%8B%E5%9C%8B%E3%80%91a-level%E5%90%8C%E5%A4%A7%E5%AD%B8%E5%9F%BA%E7%A4%8E%E7%8F%AD-%E9%82%8A%E4%B8%80%E5%80%8B%E5%85%88%E4%BF%82%E5%85%A5%E8%8B%B1%E5%9C%8B%E5%A4%A7/?fbclid=IwAR3I5zLvE2cGQPQKV53lzb7D-wIq7J2uud363Vrf6g4yFnOyarEBxxr8VEY

LapYeungMa

回覆 王家爸爸 的帖子

謝謝你的寶貴意見。

Yanamami

LapYeungMa 發表於 19-10-15 10:43
回覆 王家爸爸 的帖子

謝謝你的寶貴意見。

楼主，我唔清楚你仔唔適應NZ係因為生活習慣、学習上、英文定社交，唔知佢去左NZ有幾耐同當初係因乜原因去，不过现时氣候，人人送子女出国讀，甚至希望讀完留低唔好番香港(你明？)，如無必要又何必返轉－头(或你有苦衷？)？由foundation cause上亦係－个選擇。

LapYeungMa

小兒已是第三年，學習上 (英文水平跟吾上) ，社交方面不主動融合 (對老師 和同學)， Agent 說 小兒屬特例 3年了仍有上述問題出現，學校都已經提供多方面協助但成效不是太好。所以才有轉換環境的想法。

王家爸爸

Yanamami 發表於 19-10-15 10:27
一般外國大學易入難出？如喺NZ無信心入U，喺HK就更難？現階段番HK讀，好多科無SBA分？而且難插班？ ...

紐西蘭有八間大學，人口得香港既一半唔夠，如果揀 Lincoln、Massey、Palmerston North、Victoria、Waikato 呢四間比較弱勢既學校，幾乎必入。

王家爸爸

LapYeungMa 發表於 19-10-15 11:13
小兒已是第三年，學習上 (英文水平跟吾上) ，社交方面不主動融合 (對老師 和同學)， Agent 說 小兒屬特例 3 ...

社交唔得，唔主動融合，會唔會係源於英文水平弱，根本無信心溝通？Agent既首要目標只係賺錢，所以每個唔掂既個案都會話係特例。
你講學校已經提供多方面既協助，但係成效唔好，其實係啲嘜協助？而寄宿家庭又供應啲嘜協助？