直資收生要求討論

Jerv2014

PTL_L 發表於 19-10-12 18:35
「知優」其實即係「知憂」，好似買大送細咁，除iq高外，一定伴隨其他特質。呢類小朋友，培育佢要鬥知鬥力， ...

我比較好彩小朋友完全無情緒問題，其實IQ test 時心理學家都有分析埋有冇附帶精神情緒問題，都有參考價值。

另外佢會比d 參考資料同埋推薦信， 入資優教育學園，但要14歲有課程。

香港對資優支援好遲先有，唯有自己按小朋友專長培養。

Sheep06

Jerv2014 發表於 19-10-12 23:17
本帖最後由 Jerv2014 於 19-10-12 23:19 編輯

幾間都唔收portfolio , 只可attached 相關文件。似乎學校 ...

正常學校覺得 資料 重要佢哋會睇 同參考 㗎, 相信dbs會睇

PTL_L

回覆 Jerv2014 的帖子

資優教育學苑10歲已可以接受提名，我家小朋友都是資優學苑成員。如果想再早多少少，9歲3年級時，可參加中大資優計劃，可以自行報讀或學校推薦，我小朋從4年級開始，已被推薦，學校唔知道，只要做左一次assessment ,可以兩年內不用再assessment 就可以報讀不同課程，所以每新學期都收到報名表。

mywedding1980

Jerv2014 發表於 19-10-12 23:17
本帖最後由 Jerv2014 於 19-10-12 23:19 編輯

幾間都唔收portfolio , 只可attached 相關文件。似乎學校 ...

咁你有attach 張mover cert， IQ test result嗎？

Jerv2014

PTL_L 發表於 19-10-12 23:59
回覆 Jerv2014 的帖子

資優教育學苑10歲已可以接受提名，我家小朋友都是資優學苑成員。如果想再早多少少， ...

多謝資訊，因為都仲有排所以未細心睇詳情。

Jerv2014

mywedding1980 發表於 19-10-13 00:01
咁你有attach 張mover cert， IQ test result嗎？

有啊。另外有d 數學比賽cert。

lambeanmama

Jerv2014 發表於 19-10-13 00:04
有啊。另外有d 數學比賽cert。

其實，可能在考直私呢個階段，學校比較唔睇呢d... 佢地係想要小朋友有呢個能力，但又未必喜歡太催谷嘅家長。你明我講咩嗎？佢地見到又IQ test, 又mover又比賽cert..... 其實未必一定好喜歡。我個人諗法，唔知係咪真。

Jerv2014

lambeanmama 發表於 19-10-13 00:10
其實，可能在考直私呢個階段，學校比較唔睇呢d... 佢地係想要小朋友有呢個能力，但又未必喜歡太催谷嘅家長 ...

呢樣就係我覺得好矛盾嘅地方， 直資就算強調多元， 學術亦是多元中較重要的一部分。

因直資學校課程程度理應較其他學校高（個人想法），開學後都唔多唔少較其他學校谷，甚至有同學跟唔上進度。

考慮這點，我才認為適合我小朋友。有時諗，如果小朋友不是資優，想考直資又應該可以做咩準備，不外乎都係cert，所以真係感到好困惑。

Diversifyedu

Jerv2014 發表於 19-10-13 00:28
呢樣就係我覺得好矛盾嘅地方， 直資就算強調多元， 學術亦是多元中較重要的一部分。

因直資學校課程程度 ...

其實學術並不一定係直資較强調部分，尤其對於唔收或者二面後先收portfolio嘅學校，佢哋比較著重學生特質，即係character, soft skills 同 learning style去尋找配對合適學生，所以考cert並唔代表會有入場券。

當然考生基本學術不可太差，學校亦會有睇漏眼嘅時候，唔好耿耿於懷點解考唔到，其實係各花入各眼或者當日狀態不足，仲有其他機會，加油！

sunnymama2

Sheep06 發表於 19-10-12 22:48
去年聽過資優講座，講者提及有一些資優的難處:

多謝!

唔怪得d人成日話天才與白痴係一線之差!我都成日覺得阿仔儍儍地，係唔係學障

sunnymama2

lambeanmama 發表於 19-10-13 00:10
其實，可能在考直私呢個階段，學校比較唔睇呢d... 佢地係想要小朋友有呢個能力，但又未必喜歡太催谷嘅家長 ...

某程度同意。。。

直私老師揀選的學生唔係揾最叻，係揾最適合學校的，佢地需要小朋友基本學術外，更重要的係合群，肯主動。

學小曳人講，叻的去邊都叻，佢小朋友係"高度資優"，都係初小插入九龍神校。所以過來人身份講，唔需要太介懷小一的直私offer，大把叻仔叻女初小轉校。

fatbao

小曳人 發表於 19-10-11 17:34
想提多一點，你個report係用WISC IV (USA)，唔係用HK常數，個score會mark 高咗，即係用返HK常規，可能得135 ...

唔好意思，想離題問一問，香港在那裡可check IQ test 較認可 ?

lambeanmama

Jerv2014 發表於 19-10-13 00:28
呢樣就係我覺得好矛盾嘅地方， 直資就算強調多元， 學術亦是多元中較重要的一部分。

因直資學校課程程度 ...

本帖最後由 lambeanmama 於 19-10-13 09:01 編輯

我其實好同意其他版友所講，普遍直資學校對於學術能力，真的有一個saturation point, 只要達標，其實就夠。再多，也不會加好多分。他們普遍看重的反而是學習能力和性格合適學校與否。我兒子沒有cert 沒有iq test report, 學術不是頂尖但我相信「夠用」，考直私so far 進程尚算順利。他次次考都有野唔識，不過性格非常開朗健談而坐得定。我絕不會覺得我仔有你仔咁叻。

不過，再講多一次，你真的不用擔心，我覺得你兒子咁叻，spcc dbs 呢類學校是有很大機會的。呢個星期考男拔要加油呀。就算未能如願，你再叩一線男津都大有機會。尤其兒子數學咁叻。加油加油。

mywedding1980

Jerv2014 發表於 19-10-13 00:04
有啊。另外有d 數學比賽cert。

怒我直言。其實show咁多超班的qualifications 俾學校睇，反而對小朋友不利 (上年有個家長也是在bk留言考埋mover,flyer都無收)。資深既老師，憑經驗好多時已感覺或面對過，資優既小朋友好多時都會伴隨著特殊教育既需要；再加上k3或k2已考mover，背埋periodic table......感覺家長有點怪獸, 為左interview個學位而好push。反而，學校寧願收啲合程度，而且禮貌儀態， 乖巧熱心助人，喜歡閱讀既小朋友；都唔想收可能行為有機會有問題既小朋友以免加重老師既負擔。(我明白你小朋友行為上是沒問題的)

cafeva

PTL_L 發表於 19-10-12 23:59
回覆 Jerv2014 的帖子

資優教育學苑10歲已可以接受提名，我家小朋友都是資優學苑成員。如果想再早多少少， ...

今年冬季課程所有人都要參加考核試

小曳人

fatbao 發表於 19-10-13 08:32
唔好意思，想離題問一問，香港在那裡可check IQ test 較認可 ?

只有合格嘅心理學家，先有嗰套題目，絕對保密，所以有得做嘅都係認可嘅
當然，網上係會搵到暫個人名表

小曳人

我反而覺得，如果孩子鍾意學習，我會跟佢走，呢d唔係怪獸家長，係怪獸兒童

e.g. 乘數表poster 放出嚟一個星期消化咗，periodic table 自己上youtube 睇periodic table song~ 背咗

但英文試... 我覺得無必要，起碼我仔so far 未過，只考過CTY talent search 嘅SCAT 當中嘅英文卷，學校睇唔睇~ 我唔知，但身邊班仔無考

都係嗰句，keep 住佢好學，教好佢做人處事，已經功德完滿，讀邊間小學.... 得罪講句，係家長自我感覺良好，多過孩子需要

PTL_L

回覆 cafeva 的帖子

我冇報，一來遠，二來貴，三來課程小朋友冇興趣。

Jerv2014

mywedding1980 發表於 19-10-13 10:50
怒我直言。其實show咁多超班的qualifications 俾學校睇，反而對小朋友不利 (上年有個家長也是在bk留言考埋 ...

我都明白好容易比人有怪獸家長概感覺，因家中長輩都曾經咁認為。

其實我都係 如一般家長帶小朋友去書店睇書， 帶佢去科學館。叫佢自己選自己鍾意概書 ，買完佢自己就每日睇小小，佢有日突然之間叫我問佢元素表我先知佢記得晒 。而考試cert 對佢而言係佢學習概肯定，佢攞到會開心過我帶佢去海洋公園玩。（當然好少人會信，老師亦都唔會知事實）。

我都有諗過比唔比IQ test 學校，但最後覺得呢個只係客觀事實陳述，未有全面諗過可能有反效果。

我好細心咁睇每位留言，多角度思考，做左要做概野就睇緣份。

sunnymama2

小曳人 發表於 19-10-13 11:05
只有合格嘅心理學家，先有嗰套題目，絕對保密，所以有得做嘅都係認可嘅
當然，網上係會搵到暫個人名表
...

好奇一問，IQ test 有主觀成分嗎? 會唔會有些專家會俾分嚴d,.有些係鬆手d?