用戶登入
用戶名稱:
密      碼:
搜索
教育王國 討論區 小學雜談 家有蠢鈍兒,係家庭教育問題?
樓主: sunnymama2
go

家有蠢鈍兒,係家庭教育問題?  

Rank: 11Rank: 11Rank: 11Rank: 11


38132
發表於 19-10-7 19:04 |顯示全部帖子
sunnymama2 發表於 19-10-7 16:38
本帖最後由 sunnymama2 於 19-10-7 16:44 編輯

唔好執着幾多分,係網友問阿仔其他表現才回應。

你確認佢真係唔識寫嗎?
佢每次寫呢幾個字都寫錯?
同一個錯法?
定只係有時錯?
如果唔係每次錯,亦唔係每次同樣錯法,咁其實佢係咪唔在意或唔小心呢?

Rank: 6Rank: 6


7075
發表於 19-10-7 23:22 |顯示全部帖子
Elenalan 發表於 19-10-7 17:24
關於成日寫錯字,我有一個改善方法好work,不過只係針對一d「記性超好」嘅人,因為記性好嘅人要改善寫錯筆 ...

謝你建議,但我小朋友係記性差的小孩,應用唔到呢個辦法。

Rank: 6Rank: 6


7075
發表於 19-10-7 23:49 |顯示全部帖子
IloveJJ 發表於 19-10-7 19:04
你確認佢真係唔識寫嗎?
佢每次寫呢幾個字都寫錯?
同一個錯法?

一時時啦。

佢係對寫字串字好冇記性。一個鐘前可能識,一個鐘頭後會唔記得了。有時見佢都可憐,佢話頭先明明寫左好多次(喺我出post 嗰日鬧佢只睇唔寫後),點解又會唔記得。

佢明明記性就係差,但cp話佢工作記憶優異(superior), 你話奇唔奇怪?

所以諗緊傳統抄寫的温默書形式是否唔啱佢,但你話仲有乜其他創意方法温默書?雖然話讀龍校成績唔駛咁緊張,但當程度越深,要求寫的字越多,小朋友學習亦會更辛苦,亦會影響佢基礎。

雖然寫字唔叻,但佢一有時間就會自創4格漫畫,漫畫會有文字。去婆婆屋企,個個表兄弟聚埋一齊打機,我仔係坐埋一邊好投入創作漫畫,唔會受表兄弟打機影響,所以阿仔又唔討厭文字。

到而家,我對阿仔的學習模式仲模索緊,不過啱啱都有少少頭緒。就係有次英文默書,都有d幾長的vocab。 因為返工冇得陪温,所以叫佢放學自己温住先。好意外放工番黎,20個生字串得好熟好快。

我問佢點解,佢話佢温一陣默書,跟住砌一陣模型,跟位再温一陣書,再砌一陣模型。我開始諗人地可能温30分鐘默書,阿仔係要3個鐘才可以,因為呢3個鐘裡佢要郁黎郁去才可以入腦。

可能黎緊要忍吓試吓放手,唔理佢等佢自己黎,睇吓會唔會好d先。

Rank: 12Rank: 12Rank: 12


55392
發表於 19-10-8 07:49 |顯示全部帖子
Elenalan 發表於 19-10-7 16:32
你仔讀龍校,個名次upper定lower 50%真係咁重要? 你唔係用個排名來應付派位,如果一間學校90分以上都會將 ...

呢點真係要佩服我家姐,佢仔仔呈分都係AB成績,無奈呈一二後都係B3!佢無逼個仔,搵間校風好既學校俾佢,雖然呈三上返B2尾,但佢仍然堅持大抽獎繼續揀,依家佢仔仔讀得開心又放心

Rank: 6Rank: 6


7075
發表於 19-10-8 09:05 |顯示全部帖子
little_yolky 發表於 19-10-8 07:49
呢點真係要佩服我家姐,佢仔仔呈分都係AB成績,無奈呈一二後都係B3!佢無逼個仔,搵間校風好既學校俾佢, ...

你家姐做得好好呀,唔係個個人都忍得住唔手

Rank: 12Rank: 12Rank: 12


55392
發表於 19-10-8 09:44 |顯示全部帖子
sunnymama2 發表於 19-10-8 09:05
你家姐做得好好呀,唔係個個人都忍得住唔手

你要慢慢學習下。

Rank: 11Rank: 11Rank: 11Rank: 11


38132
發表於 19-10-8 09:45 |顯示全部帖子
sunnymama2 發表於 19-10-7 23:49
一時時啦。

佢係對寫字串字好冇記性。一個鐘前可能識,一個鐘頭後會唔記得了。有時見佢都可憐,佢話頭先 ...

如果係一時時,咁咪即係佢唔係唔識囉!唔識係永遠同一個錯法。我試過搵我仔既錯字叫佢默一次俾我,全部啱,無溫過。佢錯係因為佢唔專注,唔係佢唔識,所以唔存在你話基礎唔好既問題。

我覺得你有啲地方觀念係錯。
默中文字同英文字係等於基礎,呢點我唔認同。我大仔經常寫錯字,但佢中英文都唔錯,佢錯字只係因為佢太專注其他,例如作文太專注內容。

第二係你認為溫書只可以坐响度,溫默書只可以抄寫。我咪同你講,我細仔溫默書,只係睇,只寫幾次佢認為難既字就得?佢一樣可以默到97分(我唔會要求100分)。如果學習只有一個方法,咁老師咪好易做?

第三,從你既題目睇,你覺得家庭教育對子女學習效果影響係好奇怪嗎?我反而覺得小學既學習成效,其實就係睇家長既教育方式,你睇Eviepa分享,卡爾威特嗰啲書都會知。因為小學既野唔係好難好多,唔係好需要去到高階思維,所以其實每個正常小孩,有適當教育,都可以有幾好成績。呢個家庭教育,係包括你有無令孩子有健康飲食、作息、自理、學習習慣。你應該知道你仔仲有好多問題要解決,如果你仔同你、你先生,無一個共同既家庭教育方針,其實好難成功。

我認同龍校唔係唔需要理成績,大家只係叫你唔好在意錯字一項。你作文又好,答長答又好,錯字係有限分數,如果其他高分,唔會因此而變成低分,只係唔可以去到頂尖。如果你執意要去到頂尖,可以想像你仔遲啲會討厭咗文字。

Rank: 12Rank: 12Rank: 12


55392
發表於 19-10-8 09:46 |顯示全部帖子
IloveJJ 發表於 19-10-7 16:48
只可以說,你係一個平凡既媽媽,唔識教一個不平凡既仔,用平凡嗰把尺去量度你不平凡既仔,當佢符合到你平 ...

應該合格既我估

Rank: 12Rank: 12Rank: 12


55392
發表於 19-10-8 09:53 |顯示全部帖子
IloveJJ 發表於 19-10-8 09:45
如果係一時時,咁咪即係佢唔係唔識囉!唔識係永遠同一個錯法。我試過搵我仔既錯字叫佢默一次俾我,全部啱 ...

我估既仔仔依家已經好討厭!

乜一時識一時唔駛=/=唔識架?阿妹一篇默書,次次錯唔同字,嬲到我爆炸!前面寫啱,後面又錯!不過我要求低D,80分OK了。

尋日又有新嘢。咪話佢中文成績差D既?嚟緊月底統測,佢無端端同我講:媽咪你可唔可以同我溫生字?真係讀咗咁耐書第一次佢真係大個了

Rank: 6Rank: 6


7075
發表於 19-10-8 10:25 |顯示全部帖子
little_yolky 發表於 19-10-8 09:53
我估既仔仔依家已經好討厭!

乜一時識一時唔駛=/=唔識架?阿妹一篇默書,次次錯唔同字,嬲到我爆炸!前面 ...

你囡幾多歲,我記得你有一個大的女讀緊神校。

我呢幾日語重心長同阿仔講要有好的學習態度,佢同我講佢小息後才默書,我同佢講有得和同學仔玩就去玩啦,阿仔話佢唔想玩,佢想温默書   感覺佢在態度上是否開始開竅。

不過之後醒起,我琴晚答應左佢默書100分會買Lego 俾佢

Rank: 6Rank: 6


5079
發表於 19-10-8 10:39 |顯示全部帖子

回覆樓主:

其實初小嘅嘢係考小心,小心嘅咪90幾100分,唔小心嘅咪7、80分。大部份拎8x分嘅細路失分都係唔小心,我唔覺得初小80分嘅小朋友=基礎差過100分果d,家長睇下小朋友平時失分失喺咩地方就知係咩原因,唔好只focus分數。

我睇「基礎」係包括一個人學習嘅態度和problem solving能力 (當中包括自理、合羣/親和力和時間管理)。所以我day 1已決定一定唔會陪讀陪溫書,因為我女係只專注佢自己世界嘅人,佢想最好乜都幫佢搞掂唔好阻佢玩。我決定day 1已放手就係要佢揹番呢個責任。我唔在意佢做得夠唔夠好,但我重視佢有冇諗方法自己去嘗試解決問題。

上年佢小一,有時問我數學我都會教佢。今年小二,佢上個月問我估算,話唔識,我問佢唔識d乜,佢話睇左書都唔明。我問佢唔明d乜,具體d講,佢話書教嘅方法同老師講嘅唔同。我話咁即係你唔係唔明白,你已搵出問題,你諗下點解決。佢話: 問你囉。我話我冇教過你估算亦冇同你一齊上堂,你問題係書本方法vs老師方法唔同,你要問the right person,咁即係邊個? 佢於是返學問老師。
我同呀女對話一向如此,唔可以隨便餵佢,佢成日想說服我直接幫佢,我就要以彼之道射番個波俾佢。

Rank: 6Rank: 6


7075
發表於 19-10-8 10:44 |顯示全部帖子
Elenalan 發表於 19-10-8 10:39
其實初小嘅嘢係考小心,小心嘅咪90幾100分,唔小心嘅咪7、80分。大部份拎8x分嘅細路失分都係唔小心,我唔覺 ...

    

你係一個好叻的媽媽,會教出一個聰明的小孩,我要好好向你學習

Rank: 6Rank: 6


5079
發表於 19-10-8 11:03 |顯示全部帖子
sunnymama2 發表於 19-10-8 10:44
你係一個好叻的媽媽,會教出一個聰明的小孩,我要好好向你學習
...

真心果句,你地讀龍校真係有哂條件,學校又有資源,唔好只睇到眼前一時嘅分數。
仲有我覺得咁細個就識諗計對抗父母嘅小朋友一定唔係蠢 (我唔係安慰自己,我成日同自己講我寧願呀女曳d好過我叫佢做乜佢就做乜,一個人無論幾歲最緊要係知道自己想點,為自己人生負責)。

我女都好鍾意畫漫書創作故事,佢K3時已自己整漫畫書,d字都係串錯哂,但內容好抵死搞笑。佢鍾意寫故仔, 升小一個暑假起我叫個NET唔好練speaking, 你教呀女寫creative writing啦,但一定要有2大原則: 不準打X改錯字 (可以之後教番佢正確spelling)和不準改grammar。我重視內容多過呢d。有內容,個腦行文流水,寫得多就識個正字,grammar/ tense睇得書多就get到。出奇地NET認同我方法 (佢坦言只可1:1教, 其他家長唔會接受)。我目的係要keep住呀女寫作興趣,冇障礙咁寫,唔要掃佢興致。

半年後,我女寫d野已經好見得人,除了tense偶爾用錯 (因學校未教我地亦冇刻意教),佢其他用句用字prep.都好少錯,而且越寫越多字。有進步唔係硬谷唔係迫,係要令佢真心喜歡,有動力去做好而得到滿足感。

Rank: 6Rank: 6


5079
發表於 19-10-8 11:31 |顯示全部帖子
sunnymama2 發表於 19-10-8 10:25
你囡幾多歲,我記得你有一個大的女讀緊神校。

我呢幾日語重心長同阿仔講要有好的學習態度,佢同我講佢小 ...

獎勵真係好重要,雖然部份家長可能反對覺得有獎先做好係態度問題,但我就覺得獎勵都係好大推動力。唔係個個細路天生鍾意做聖言鍾意做功課讀書(仲要成績好?),我都係鍾意錢多過我份工啦(唔代表我討厭份工),人有得揀一定揀佢自己最大興趣嘅事去做。我對初小成績要求唔高,但我對俾獎勵要求高,係滿分先有獎,但要個獎品夠吸引。

仲要經常洗佢腦,你唔係要拎合格分,你本應係要拎100分,因為你實識 (催眠佢 ),拎唔到只係你唔小心。而唔小心係有方法改善,只係你肯唔肯去做。我未試過因為分數低左而鬧個女,但會鄧佢好唔抵話佢咁就拎唔到個獎品,慢慢佢自己覺得唔小心低分左真係好唔抵,好肉赤。其實都有d似傳銷技巧,對某d小朋友,激將法或出下口術其實都好有推動作用。

Rank: 11Rank: 11Rank: 11Rank: 11


38132
發表於 19-10-8 11:41 |顯示全部帖子
little_yolky 發表於 19-10-8 09:53
我估既仔仔依家已經好討厭!

乜一時識一時唔駛=/=唔識架?阿妹一篇默書,次次錯唔同字,嬲到我爆炸!前面 ...

咁你諗下,如果你唔識點寫嗰個字,有無可能有時寫啱呢?唔識就係唔識。

又如果你寫錯一個字,即係誤會嗰個字既寫法,咁應該每次都錯一樣,點會有時啱有時錯呢?

我大仔都會同一篇文/同一篇默書,前面啱但後面錯。其實係專注問題。

曾經有呢度JM講過,將佢地錯既字寫低,測考前默返啱。我試過,點知佢全部寫得啱,係無需要溫嗰種。我仔答我,佢話佢唔係唔識,只係唔專心寫錯。

我覺得你細女都係好似我大仔咁,唔夠專心。

Rank: 11Rank: 11Rank: 11Rank: 11


38132
發表於 19-10-8 11:51 |顯示全部帖子
Elenalan 發表於 19-10-8 11:31
獎勵真係好重要,雖然部份家長可能反對覺得有獎先做好係態度問題,但我就覺得獎勵都係好大推動力。唔係個 ...

嗱,你女先可以100分先有獎,如果人哋學校好深,或者細路未去到咁既level, 你話100分先有獎,會打沉架!

我大仔係90分有獎,因為佢份人唔小心,但又唔係唔識,所以佢一般可以8x分,咁我set 90分。

細仔其實好易90分,除了最差既英文,科科隨便讀已經有90分,但兩兄弟就無理由獎勵唔同。咁我俾咗個目標佢,係數學100分,因為數學佢最叻,只係差在有無小心?俾呢個目標佢,係想佢有動力向上。

Rank: 6Rank: 6


5079
發表於 19-10-8 12:22 |顯示全部帖子
IloveJJ 發表於 19-10-8 11:51
嗱,你女先可以100分先有獎,如果人哋學校好深,或者細路未去到咁既level, 你話100分先有獎,會打沉架! : ...

一向都係睇餸食飯架啦,我冇叫人跟,我重點係講點樣提升讀書動力。
我女最低分嘅卷都係因為淺,最難最少人拎滿分嘅佢就考得最好。每個細路唔同,分數可能同分卷深淺冇關係。

Rank: 6Rank: 6


5079
發表於 19-10-8 12:32 |顯示全部帖子

回覆樓主:

上年第3學段我女數學拎8x分(2次小測+考試都係)而唔少同學 (全級至少1x個有90分甚至100分)。呀女係有d唔開心,問我係咪好差,我答唔係,你數學一向好,老師都讚你數感好 (我又開始出口術喇...)。佢問我小二後會唔會入唔到「思考列車」(最高程度果組,每班4位),因為大把同學高分過佢。我好肯定答佢,你一定入到,一定! 因為係以能力分組,唔係分數。分數係反映你犯錯嘅地方,你覺得你錯嘅係你唔識咩? (我繼續撐...一定一定要講正面說話,我一向唔會講任何否定孩子能力嘅說話)。

結果佢暑假時自動自覺溫數學,做番一d佢最易唔小心失分嘅題目。
升小二,順利入到佢想入果組 (然後同我講,媽媽原來真係唔係用分數去分組架)。

以上係我教女方法,冇話啱定錯, 未必人人啱用,我都係見步行步。但我係果d點都support到底嘅家長,我係佢soulmate, 一定要keep到孩子信心和鬥心。

Rank: 11Rank: 11Rank: 11Rank: 11


37176
發表於 19-10-8 13:47 |顯示全部帖子
parenting 102: 重視個過程not 結果

Rank: 6Rank: 6


7075
發表於 19-10-8 14:27 |顯示全部帖子
Elenalan 發表於 19-10-8 12:32
上年第3學段我女數學拎8x分(2次小測+考試都係)而唔少同學 (全級至少1x個有90分甚至100分)。呀女係有d唔開心 ...

本帖最後由 sunnymama2 於 19-10-8 14:27 編輯

咁啱,阿仔間學校小一中段會揀數學好的學生入數學培訓班,論數學分數,應未到阿仔,但老師又唔知點解揀左佢入培訓班。

Anyway, 你應該係一個好識教小朋友的正向媽媽,做你個女真幸福
你需要登錄後才可以回帖 登錄 | 註冊