家有蠢鈍兒，係家庭教育問題?

sunnymama2

MNIF 發表於 19-10-5 18:25
大男人？見仁見智啦。正如閣下講果啲教育方針，其實四個字都可以㗕哂「剛柔並濟」古書一早都㗕咗啦，沒有新 ...

點解你會感動落淚? 為何你要認錯?

我每次發癲後，都會自我檢討，亦會向仔講對唔住，同自己講要容忍佢。

但每次都知而行難，佢真係好簡單的野都唔肯做，肯做又做唔好，做得好黎又要喊哂口面!

sunnymama2

Mrs.Luckycat 發表於 19-10-5 17:45
咁你仔仔「不合作」的結果怎樣？如果成績都okay ，你不用太緊張喎。你仔應該係好怕俾人煩嘅叻仔，你更加唔 ...

所以專家就話佢冇問題，話係家庭教育有問題。

可能吧，我用廿幾年前自己細個的學習方法教佢，好明顯係唔work!

教佢中文時佢就攞英文書，教佢英文時就攞數學書，教佢數學時玩lego, 但成績又唔係好囉!

佢係未温已經喊定ga,點教?

sunnymama2

NNbaby 發表於 19-10-5 19:46
你個仔唔係驗左資優咩？資優小朋友唔建議用一般既方法去教佢，佢會覺得悶、無聊，所以唔會跟你做法。
...

我只識用一般方法，乜默書仲有其他方法咩

Elenalan

sunnymama2 發表於 19-10-5 20:10
本帖最後由 sunnymama2 於 19-10-5 20:11 編輯

所以專家就話佢冇問題，話係家庭教育有問題。

你試下放手唔好教，初小程度，沒有學習能力問題(仲check到係資優)，根本唔使(佢亦未必會受)你用傳統填鴨方法去教。教學留番俾老師吧。

Mrs.Luckycat

sunnymama2 發表於 19-10-5 20:10
本帖最後由 sunnymama2 於 19-10-5 20:11 編輯

所以專家就話佢冇問題，話係家庭教育有問題。

咁有性格。。。
jm，坦白一句，你唔好嬲，如果你真係攪唔掂你仔，索性外判，唔好傷兩母子感情。但唔代表你完全放手不管，你試下突然玩玩吓咁考吓佢學咗啲乜、用「挑戰」嘅口唿用佢玩，佢在精神放鬆嘅狀態下，唔會同你對抗。。。那些什麼抄寫、溫默書嘅「丑角」，你唔好再做，留俾補習老師。

sunnymama2

Elenalan 發表於 19-10-5 20:23
你試下放手唔好教，初小程度，沒有學習能力問題(仲check到係資優)，根本唔使(佢亦未必會受)你用傳統填鴨方 ...

係，佢好明顯唔受傳統教育，一叫温書寫字就反抗，而我偏偏就用填鴨式教佢督促佢。

唔知係唔係教法唔啱，越教越蠢

Elenalan

sunnymama2 發表於 19-10-5 21:38
係，佢好明顯唔受傳統教育，一叫温書寫字就反抗，而我偏偏就用填鴨式教佢督促佢。

唔知係唔係教法唔啱， ...

有冇同學校老師傾過? 學校係傳統定活動教學? 老師應該觀察到小朋友上堂學習嘅狀況知道小朋友嘅特質。我小朋友都好抗拒做功課，可能覺得悶和淺吧(但小二好好多，而且中文科深對佢有挑戰)。我女上堂係成日畫花書本、摇枱凳、擒上長椅爬、玩文具 (俾老師收左好多次)
、同隱形朋友講野，但小組討論又唔出聲，或一出聲就同其他人嘈...情緒化...最離譜果次係畫花成份考試卷，俾老師扣20分 (果次佢係級一滿分)。學校有好傳統老師經常罰佢，班主任比較開明，一直有同我溝通，佢話小朋友好聰明求知慾強，係得唔到滿足就成日上堂時活喺自己世界(佢帶埋d有名有姓嘅隱形朋友返學都係老師話我知)。係老師建議我幫呀女安排多d嘢俾佢學，因為佢個腦未飽和，就更無聊和唔專心。放學後運動放電提升專注力，d興趣班要佢做哂功課先去上，就自然做得快手。講真，我只想佢自律自理合羣，我唔擔心佢成績，我亦盡量唔干預佢學習，但我好重視改善佢態度、時間管理和體能。有時我覺得我都冇本事教佢(即使我都係有相當學歷嘅專業人士)，但呢一代小朋友係比我地果時叻好多，學嘅嘢深好多，我唔想用自己幾廿年前嘅學習模式套喺佢身上，限制左佢。所以，我同意如果你覺得有需要就外判吧。例如我女好鍾意寫作，好老實我嘅英語只寫到專業報告我唔識教佢 creative writing, 呢d我都會外判，唔關父母學歷而係我地只係父母，唔係要擔當所有角色包括爭住做老師。

Elenalan

同埋，樓主你仔係資優，你唔好開口埋口話佢蠢鈍兒，唔好用學業成績咁窄嘅一把尺去界定你仔。我只會成日贊我女乖、好乖、最乖 (佢明明係曳 )，讚到我自己都覺得難頂肉麻，就係想俾佢知道佢其實可以做個乖孩子人見人愛。我會罰佢但我成日攬住佢錫，一家三口攬實睇電視。我同呀女無所不談，佢亦介紹哂d「朋友」俾我認識，我了解佢多d就更明白佢點解會咁。如果你仔已讀緊龍校冇升中壓力，你地更有條件放慢腳步去陪小朋友行，唔好再活喺以前個框架限制孩子成長。

sunnymama2

小曳人 發表於 19-10-5 16:21
只睇唔寫，咁就先同佢默一次，再叫佢睇錯嗰d，然後再默！
佢唔識，就好聲好氣咁話：不如試下寫一次...
如果 ...

而家就咁，佢睇完一次就叫我幫佢默，當然有好多唔識，我就話佢點解你唔可以試抄吓邊d自己唔識的，抄熟左再叫媽媽幫你默?

好憫，默書最容易，唔係話要你攞100分，但點解要浪費成日的時間?

最憫的係，上年成績表裡最最最差的默書，其他中英的寫作/閱讀卷都好過默書，但都係因為唔認真去記字寫字扣左好多分。

二年班啦，d字會越黎越難，都唔認真學習!我同佢講今年寫字冇進步一定過百名!

sunnymama2

Elenalan 發表於 19-10-5 22:39
同埋，樓主你仔係資優，你唔好開口埋口話佢蠢鈍兒，唔好用學業成績咁窄嘅一把尺去界定你仔。我只會成日贊我 ...

可能阿仔轉一轉阿媽，好似你咁會好d。

係呀，阿仔讀龍校，因為冇太大的升中壓力，學校的社工都叫我“由得佢”。

但係我又做唔到囉，永遠無限loop,點解人地又乖又聰明，自己嗰個就又蠢又懶。

至於資優。。。好努力上網查吓幫佢做嗰個CP是否呃錢的 但又揾唔到共同苦主，佢profile 都豐富，又出過書又都算係出名的，唯有迫住信阿仔係因為欠缺優質教育的蠢鈍的資優兒囉

Elenalan

sunnymama2 發表於 19-10-6 08:54
本帖最後由 sunnymama2 於 19-10-6 08:55 編輯

可能阿仔轉一轉阿媽，好似你咁會好d。

老師都有話我女係資優，仲坦言暫時低年班學校冇咩配套俾佢。學校的worksheet已分3個程度，佢已做緊最深果組，不過一樣係快手做完然後坐唔定。
我嫌貴冇去做測試(可能我女成績冇問題我唔想使錢 ，我覺得做完又點呢，俾你叻到曉飛又點但一樣要解決其他問題)，我亦唔會俾佢食藥去令佢集中d，我問左好多朋友意見(主要係反對食藥嘅外國朋友)都同意運動放電係最好提升專注力方法。
唔係講笑，我女周末去上NET學寫作都俾老師complain佢太曳所以根本只可上1:1不能上小組(之前有幾個男老師好d肯陪玩但每次落堂老師個樣都攰到投降!亦影響學習進度(係冇進度!))。之後轉左個比較嚴的老師，呀女坐得更唔定。但自從上堂前俾佢喪跑一小時，每次上堂就有哂靈感好有效率寫寫寫，最勁1hr可寫幾百字仲畫埋插圖，寫到唔願落堂。

我唔想label我小朋友，佢係點我都咁錫佢。而我亦唔覺佢有乜天賦，除了記性非常好係有d過目不忘技能但考試一樣唔小心亦會執筆忘字，根本好多小孩都係咁。我只想佢keep住有熱情去學習，開開心心。

對於學習能力冇問題小孩，我係堅持放手唔check功課唔陪溫書果d家長，我越想佢對學業負責我就更要放手唔好俾佢覺得有人幫。

cafeva

sunnymama2 發表於 19-10-6 08:48
而家就咁，佢睇完一次就叫我幫佢默，當然有好多唔識，我就話佢點解你唔可以試抄吓邊d自己唔識的，抄熟左再 ...

分享下。蠢鈍兒就算初小你鉗得住佢，高小都好大難度。總有一天有D野係你想佢做但佢唔想。所以衹有儘量捉住個大方向要佢跟，其他事就由得佢。我會試比唔同既challenge 佢去試。當佢有興趣有目標時就好自願去做，家長變左輔助角色。

小曳人

sunnymama2 發表於 19-10-6 08:48
而家就咁，佢睇完一次就叫我幫佢默，當然有好多唔識，我就話佢點解你唔可以試抄吓邊d自己唔識的，抄熟左再 ...

我屋企呢刻都係同中默苦戰中，爸爸仲會教"念口黃"，類似"耳王十四一心" 嗰d有d小朋友係特別心散，大家加油啦！

MrBeast

Elenalan 發表於 19-10-6 09:56
老師都有話我女係資優，仲坦言暫時低年班學校冇咩配套俾佢。學校的worksheet已分3個程度，佢已做緊最深果 ...

之前網友分享，評左可以知道弱項（發展balance些 ）看看有沒有什麼需要follow up

MrBeast

IloveJJ 發表於 19-10-6 11:59
知唔知有種方法係強調成功經驗？而2唔好專注失敗既地方？我覺得對男仔尤其work，因為佢地好勝

你仔默書最 ...

雖然我經常執筆忘字，但也是叫小朋友唔好花太多時間在默書，第一，佔總分%十分之少，二，看多d書自然會記得，三，懂得運用先有用，平時唔識寫問ipad 就得（當然唔糸在考試）