Harts - k

Monkey1234

有沒有正在讀harts的用家，可以分享下返學返成點？老師有沒有愛心？課程深不深呢？

chainhazel

9月細B,依家讀緊N班

老師/姨姨/行政都絕對有愛心，暑假上過分離班，9月開學時，小朋友死都要痴實某一位姨姨，原來果位姨姨係分離班成日拖小朋友去班房，上完分離班時，隔左1個半月，9月中正式番學，姨姨/老師都仲認得小朋友

依家番左2星期，感覺老師好有耐性，好照顧小朋友，以鼓勵方式去教小朋友

小朋友番左3日學，回家已識唱歌，喊左4日，番學已無喊，好鐘意番學，出街都要揹書包 著番學鞋

課程我唔知出面幼稚園，但我小朋友只有2歲，派番黎的書，我覺得就深（不過仲有大B, 大B近3歲，對佢地黎講就唔深）

話境係十分好！係屋企廣東話 少量英文，依家讀英普班，番左學一星期，小朋友已識1、玩具車、桌、椅等 (普通話）係屋企從未聽過普通話，小朋友識就一定係學校學到

另外，學校會派一本書，寫明每一個月的課程學咩，家長番到屋企可再跟進

N班暫時逢星期五有1張工作紙（3分鐘就同小朋友做完的簡單功課）

另外，Harts係小班教學，我小朋友果班，全班只有7人（可能仲d未足2歲未番到學）但加埋都唔會多，比起出面大校，Harts照顧細B更貼心喇

上年睇左好耐EK, 先知道harts係好野，你可以再刨下文

總括優點：語境好、有愛心、小班、培養自信、閱讀習慣、唔洗外補、考直資ok

缺點：唔係龍幼、名氣唔夠

cc7

chainhazel 發表於 19-10-1 01:29
9月細B,依家讀緊N班

老師/姨姨/行政都絕對有愛心，暑假上過分離班，9月開學時，小朋友死都要痴實某一位姨 ...

請問知吾知n班收幾多人架

piglover

chainhazel 發表於 19-10-1 01:29
9月細B,依家讀緊N班

老師/姨姨/行政都絕對有愛心，暑假上過分離班，9月開學時，小朋友死都要痴實某一位姨 ...

係當年HKPS嘅姊妹學校。

HKPS當年都算係名幼嚟。

witchhazel

利申：用家

老師有愛心 課程有難度 雖然campus唔大 但光猛開揚
同意之前果位 爭在名氣唔算出名 但考直私成績一年好過一年

mschan411

用家

上年小朋友由另一間幼稚園N 轉過嚟，之前間幼稚園喊左兩個月，到走個日都仲喊緊，去到Harts 插班只喊兩日！
老師係好有愛心，語境好好。望住小朋友由之前怕返學到現在日日期待返學，我就覺得轉過黎決定無錯同學費抵俾！

majaima

利申:用家老師好有愛心，上至校長下至嬸嬸個個都好錫小朋友我小朋友係由另一家N轉去K翻左幾個月已經係開心到跑翻入學校。而且佢地課程都幾深但小朋友又學得好開心語境好好，PE，VA都係有專科老師教。所以佢地個學費絕對係抵俾.你可以參考翻佢地升小名單成績都好亮麗

Janice507

知道課程有些難度，請教用家小朋友跟得上嗎？需要家長在家支援多嗎？

快樂火雞

1.雜費不多,甚至可以說少,一年最多六七千.但收費方法有些一言難盡.

2.課程安排和語境都非常好,但行政比較混亂,經常整唔見物品.

3.名氣太小,出左油尖旺就沒人識, 好在DB DG都比較認可

4.課程難度正常,小朋友也都都能跟上

vaniceda

收費方法如何一言難盡？可以舉d 例子嗎？

lisafung88

回覆 vaniceda 的帖子

I want to know too....

快樂火雞

有些收費的細節不是很理想,不過你可以選擇交或者唔交,
總體而言,雜費算很少的,不需要將收費作為考慮因素

vaniceda

快樂火雞 發表於 19-12-11 14:12
有些收費的細節不是很理想,不過你可以選擇交或者唔交,
總體而言,雜費算很少的,不需要將收費作為考慮因素
...

你認為學校課程能提升小朋友自信心嗎？

快樂火雞

vaniceda 發表於 19-12-11 14:41
你認為學校課程能提升小朋友自信心嗎？

我估自信心主還是要靠家長

mschan411

vaniceda 發表於 19-12-11 14:41
你認為學校課程能提升小朋友自信心嗎？

應該係鼓勵提升自信心，例如每年級都有 認字小領袖 的活動，令佢哋有機會在同學面前講野。