想了解多些明道，謝謝

Melodysharon

請問明道小學英文課有冇有教phonics?中英文默書會唔會同一個星期出現？每天下午堂是活動教學？

randomtck

1. 英文有教phonics 。2. 中英評唔會同一星期，今年開始評估唔計落平時分。
3. 下午係特色課程，遊戲中學習。其實小一英文都係活動教學。

Melodysharon

回覆 randomtck 的帖子

謝謝你，好擔心㨂得唔好，小囡文靜乖巧，不知是否合適。

Melodysharon

明道是一間傳統學校嗎？重視學術？會不會發掘小朋友潛能？

randomtck

Melodysharon 發表於 19-10-14 10:42
明道是一間傳統學校嗎？重視學術？會不會發掘小朋友潛能？

明道都算係一間敢於創新既學校。尤其係新校長上任之後，推出左好多改革，目的令小朋友係更有效，更輕鬆愉快學習。例如年度主題學習: 老師會創作一個故事做主題(如80日還遊世界)，再就住主題舉辦不同的學習活動，等小朋友更投入學習。
另外初小下午改為特色課程，星期五有happy Friday, 按排遊戲，參觀，表演等，希望小朋友愛上上學。
又推出存心獎勵計劃，鼓勵小朋友努力學習，服務，感恩。小朋友只要達成某啲條件就可以存心心，再用心心換禮物。
而且，學校都好從善如流，聽取家長意見，為左減少小朋友壓力，減少抄寫功課，評估唔計分，安排3個小息等。

初小主要令小朋友愛上上學，愛上閱讀，提高自學能力，高小就開始著重學術，亦會俾機會同學參加不同課外活動，校外比賽，挑戰自己。我見非精英班的學生都有不少出校外比賽既機會。

總括而言都係一間唔錯既學校。有興趣可上校網，Facebook 睇吓，有好多資訊同活動資訊。

Melodysharon

謝謝你的回覆，了解多左少少這間學校。