小一 校園欺凌-求救！

MAsept

請問剛上小一, 今日我仔同我講呢幾日小息都比幾個同班男仔,lee住佢鼻,拍打佢頭.佢走唔切,反抗唔到. 點算?

queenietkm

同老師講

Mrs.Luckycat

MAsept 發表於 19-9-10 17:49
請問剛上小一, 今日我仔同我講呢幾日小息都比幾個同班男仔,lee住佢鼻,拍打佢頭.佢走唔切,反抗唔到. 點算?  ...

一定要同班主任講喎

MAsept

Mrs.Luckycat 發表於 19-9-10 18:07
一定要同班主任講喎

我都諗住。佢間係一缐傳統名校。第一次見班主任及其他老師時，已feel 到佢地唔多想理其他野，成日同我地講佢地好忙。我仔都話老師小息好忙。再咁樣唔知要轉校...

Mrs.Luckycat

MAsept 發表於 19-9-10 18:25
我都諗住。佢間係一缐傳統名校。第一次見班主任及其他老師時，已feel 到佢地唔多想理其他野，成日同我地講 ...

你有冇了解一下仔仔被欺負嘅原因？被欺負前發生過什麼事？大家講過什麼說話等？是否只欺負你仔仔？知多啲，才能對症下藥。

pekovian

之前睇某名小欺凌帖，有家長贊同被欺凌要還手，寧願被老師罰，但都唔想被欺凌者認為係弱者。
我覺得同老師講作用唔大，要教小朋友識反抗，大聲叫唔好，大聲求助，推開佢地走，盡快識新朋友一班人會少減少被欺凌。

sunnymama2

pekovian 發表於 19-9-10 22:10
之前睇某名小欺凌帖，有家長贊同被欺凌要還手，寧願被老師罰，但都唔想被欺凌者認為係弱者。
我覺得同老師 ...

如果揾過老師唔理，我會叫自己個仔還手，仲要兇翻欺負佢的人。


不過講真，如果小朋友小一就要喺咁差的環境中學習，都唔會開心，我會試轉校。

sunnymama2

又或者問阿仔欺負佢的同學叫咩名，私底下同佢父母傾，都有幫助。

我侄仔小一都被人哈，老師話睇唔到，阿嫂私底下whatsapp佢父母，哈人的媽媽叫小朋友向我侄仔道歉。之後侄仔冇俾人哈啦。

所以樓主可以試吓。

Jane1983

係一齊玩的同學，玩得過火咗？定係根本唔friend，明蝦佢？

如果係前者，教你仔義正辭嚴，明確表明唔鍾意，佢地再咁做就同老師講，大家見家長和校長。6歲人仔，再頑皮再識驚，會收手。如果係後者，家長要介入，要同老師講。去到細路被人打，唔係佢唔想理就可以唔理。

Jane1983

回覆 sunnymama2 的帖子

搵對方父母講，遇到正常人家長係有用，佢地都想教好仔女，會快過搵班主任。
但朋友遇過唔正常家長，個家長律師上身，句句問你有無證據，跟住仲叫佢無就唔好亂講破壞佢小朋友聲譽，唔係同學校投訴你

phoet

教小朋友反抗, 推開佢地先, 再大聲話唔好再蝦我, 等多D人留意到。另外, 教小朋友唔好離開朋友自己一個, 咁會安全D。

gokinjo

回覆 MAsept 的帖子

灣仔區男校?

sweetapplebb

點都要同班主任講下，或者訓導主任跟進。如果同蝦你小朋友既父母傾呢，唔一定解決到問題。
有d父母係唔知佢地學校發生咩事，唔會覺得佢地仔女錯架，當然，有家教既家長會了解同教導。

edutm

或是你先問清楚事件前前後後的經過。例如在學校邊個地方，d男仔之前做緊乜，係大家一齊玩緊遊戲，定無啦啦走過來搞你過仔。d男同學有無講過d乜野後先整佢個頭，你個仔又有無say no等。
我試過幫小朋友投訴後，先發現他並沒有講曬事情之全部。

MAsept

謝謝各位意見

easymom112

回覆 sunnymama2 的帖子

認同~
如果一綫係咁, 三綫你個仔都未必頂得住... 要學識生存

qpalzm

一個非常難搞的問題.

處理的方法1 : 了解佢邊個欺負佢, 同老師講, 幫佢出頭 - 壞處 : 你無可能幫佢一世.

處理的方法2 : 由佢搞掂 - 壞處 : 佢可能長時間被欺凌而自信心低落.

所以1同2之外, 需要更多方法.

叫佢打返人不設實際, 佢够膽打返人就唔會比人蝦啦.

qpalzm

易比人蝦的性格 : 唔出聲，朋友少，唔係好睇人面口，玩個時唔投其所好，唔大隻，反應慢，男仔鐘意群女仔等。

我大個個都有以上某D特點，所以係有比人蝦的風險。

我的策略係 :

1) 多運動 - 提昇體能，大隻D無咁易比人打，比人打走得快D，走唔到都可以還下手，唔還手被打都無咁痛

2) 教佢識多D朋友 - 朋友多D，無咁易比人蝦，有咩又可以幫下佢

3) 教社交 - 教佢睇人面口，點同人玩，有咩會令人唔高興

4) 提昇自信心 - 揾佢D長處，佢做得好自然自信心大D

5) 同人講 : 話比朋友老師爸媽聽

但最終要調整自己心理，接受佢係有機會被蝦的，但機會率同程度可降低。