用戶登入
用戶名稱:
密      碼:
搜索
教育王國 討論區 小學雜談 <討論>小學生社交的成長...
查看: 3634|回覆: 127
go

<討論>小學生社交的成長...

Rank: 10Rank: 10Rank: 10


27548
發表於 19-9-4 16:01 |顯示全部帖子
呢個題目, EK 較少討論...
最近不時聽到有D 家長, 當細路慢慢長大, 甚至剛中一兩年, 除左異性交往, 又開始擔心呢個問題, 其中一句 "怕細路交唔到知心既朋友"


我又諗返起而家幾十歲人, 真係交心/危難會幫你既朋友, 又係點累積出來呢?


- 街坊一齊玩
- 中小學同學
- 參與集體運動(唔駛幾叻), 運動完一齊HEA一齊餘興...


但而家呢個年代

- 由當年75%公屋仔女, 變成50/50, 而家既公私樓, 亦唔會有大走廊設計, 落街玩既人又少左好多...
- 課外活動變得功利; 無論音樂/運動都傾向個人/小組化, 打劍/游泳與足藍排大顆兒活動係咪有差?
- 就算有團體活動, 缺席練習/玩完趕住走下場, 細路間既互動係咪少左好多?

如果人丁單薄, 返放學, 兩點一線, 小學生社交成長, 至所謂結識交心朋友, 又如何可建立?


男生女生, 係咪又有較大差異?


大家跟帖討論下?




Rank: 5Rank: 5


3429
發表於 19-9-6 16:30 |顯示全部帖子
正常這些知心朋友都在中學及大學維繫的,遇到好與不好沒人會知道, 現在網上又十分流行,更不清楚真真假假, 這也是孩子人生的學習,家長衹要細心留意一下有什麼不同,能在交談的情況下指導就可以.

Rank: 6Rank: 6


5982
發表於 19-9-7 20:23 |顯示全部帖子
參加童軍有冇幫助?

Rank: 13Rank: 13Rank: 13Rank: 13


76529
發表於 19-9-7 20:45 |顯示全部帖子
呢d叫杞人憂天-个正正常常既人又点会無朋友……至於知唔知心,人人都無可能保證到,担心係多餘。

就算我係上—代人,都-样得番学屋企两个点,唔準參加課外活动,無得落街玩,更唔啤出街或去同学屋企~~-样有朋友,至於知心,真係-个起两个止~

而家两个女,从未担心过佢地交友问题,都係-般番学放学,学下体艺,都自然会有交到朋友。

點評

cafeva    發表於 19-9-7 21:07

Rank: 7Rank: 7Rank: 7


12991
發表於 19-9-7 21:10 |顯示全部帖子
Yanamami 發表於 19-9-7 20:45
呢d叫杞人憂天-个正正常常既人又点会無朋友……至於知唔知心,人人都無可能保證到,担心係多餘。 ...


我細個就係你所講甘樣,學校屋企2個點,鄰居姓咩都唔知,一落樓就係繁忙馬路,附近無公園,無課外活動,因為區內品流複雜,無得去同學屋企,朋友就來自學校,仲成為幾十年的知心朋友。

Rank: 5Rank: 5


4905
發表於 19-9-7 21:39 |顯示全部帖子

回覆樓主:

我覺得唔好overparenting啦,小朋友有自己世界,佢地有自己同輩文化和溝通方法,社交技巧冇得教,係佢地自己同人相處慢慢領會,而且每個人性格唔同,佢有權選擇自己嘅朋友、選擇佢認為自在嘅社交方式。我從來冇擔心過佢會識唔到朋友。

Rank: 6Rank: 6


6179
發表於 19-9-7 21:50 |顯示全部帖子

回覆樓主:

你說的危難會幫助是指甚麼危難呢?

Rank: 10Rank: 10Rank: 10


27548
發表於 19-9-9 09:44 |顯示全部帖子
Yanamami 發表於 19-9-7 20:45
呢d叫杞人憂天-个正正常常既人又点会無朋友……至於知唔知心,人人都無可能保證到,担心係多餘。 ...

其實我剛聽到, 都認為"杞人憂天" ...


但睇返D 細路, 都係有呢D 跡象, 譬如: 自我中心, 怕吃虧, 少團體活動...




會否你家係女, 女仔溝通係本能..


見D 仔, 少團體運動, 嗜打機,  又自我中心, 唔易遷就人, 長久既朋友仔唔多...


可能D 媽媽當女仔FRIEND 咁要求, 其實仔FRIEND 無話知心唔知心?




Rank: 10Rank: 10Rank: 10


27548
發表於 19-9-9 09:48 |顯示全部帖子
Elenalan 發表於 19-9-7 21:39
我覺得唔好overparenting啦,小朋友有自己世界,佢地有自己同輩文化和溝通方法,社交技巧冇得教,係佢地自 ...

其實係咪呢代既活動既方式較趨向自我及個人化?

我覺得以前一大班人落街玩係一種互動既鍛鍊, 無論係外向定內向...

而家係一大班人向著教練....



Rank: 10Rank: 10Rank: 10


27548
發表於 19-9-9 09:54 |顯示全部帖子
asweetmom 發表於 19-9-7 21:50
你說的危難會幫助是指甚麼危難呢?

以上算係媽媽見到細路成長既感性用字...

不過我體會到真實例子...


有舊同學中左風, 老婆走埋路, 有其他舊同學車出車入, 送佢去療養院, 好返D 又接佢來舊同學聚會...

呢D 算唔算?

Rank: 5Rank: 5


4905
發表於 19-9-9 10:25 |顯示全部帖子
retriever 發表於 19-9-9 09:48
其實係咪呢代既活動既方式較趨向自我及個人化?

我覺得以前一大班人落街玩係一種互動既鍛鍊, 無論係外向定 ...

我女仲係成日「一大班人」落街玩(同屋苑鄰居、同學、幼稚園同學...),佢平日放學後仲有起碼一個鐘去公園玩,起初係當做完功課嘅獎勵,後來發現佢係果種放哂電先有專注力做功課,所以俾佢落街玩左先,總之我放工回家佢搞掂d功課就得。星期六下午又去playhouse或公園,星期日又返church又好多活動,我已經覺得佢大部份日間時間(我見到嘅)都係一班人玩玩玩!

你講嘅對住教練我唔係好明,我女星期六下午仲有keep住上跳舞堂,佢學左4年又keep住跳公開賽,但上堂練習都係一班6至8人,唔係1:1對住教練,一班細路有男有女玩得好開心。學校嘅課外活動我只俾佢參加老師甄選果d,例如獨誦,係老師單獨教,老師肯揀佢,我會要求佢俾心機練否則讓番個位俾其他人。其他活動都係佢有興趣一直上開嘅班,一班人上,冇迫佢參加任何比賽或鍛鍊。

如果家長覺得孩子羣體生活不足,可能要review一下孩子係咪課外參加太多要「鍛鍊」嘅活動,我覺得輕鬆盡情玩都好重要,佢地需要玩,需要空間去社交、去建立朋友圈子。

Rank: 13Rank: 13Rank: 13Rank: 13


76529
發表於 19-9-9 11:48 |顯示全部帖子
本帖最後由 Yanamami 於 19-9-9 11:50 編輯
retriever 發表於 19-9-9 09:44
其實我剛聽到, 都認為"杞人憂天" ...

男人係講手足講義氣,唔係講交心?男人邊会傾心事㗎?如果d阿媽担埋無謂心,好应該未雨綢繆,細細个就俾多d群体活动仔女,唔好到見到佢成日宅係屋企先黎担心吖~所以我十二分贊成男仔由細玩sports. 就算不為升中玩体艺,都為强身健体栽培社交吖嘛,百利無一害。

Rank: 11Rank: 11Rank: 11Rank: 11


36618
發表於 19-9-9 11:59 |顯示全部帖子
本帖最後由 MrBeast 於 19-9-9 12:00 編輯
retriever 發表於 19-9-9 09:54
以上算係媽媽見到細路成長既感性用字...

不過我體會到真實例子...

做得你舊同學,年紀應唔會好大,大家注重身體同時要灌輸健康信息給子女,不要做ostrich (有感而發)

Rank: 5Rank: 5


4905
發表於 19-9-9 12:23 |顯示全部帖子
retriever 發表於 19-9-9 09:48
其實係咪呢代既活動既方式較趨向自我及個人化?

我覺得以前一大班人落街玩係一種互動既鍛鍊, 無論係外向定 ...

同埋,小學生唔好打機 (我主張小學禁電玩),俾佢去玩多d運動,我見屋苑搞嘅足球班,成班男仔 (小學生)玩得好開心,好鬼嘈,點會冇社交? 一班人打波一定會傾計,冇可能只係對住教練唔出聲。

Rank: 6Rank: 6


6179
發表於 19-9-9 15:55 |顯示全部帖子
retriever 發表於 19-9-9 09:54
以上算係媽媽見到細路成長既感性用字...

不過我體會到真實例子...

這個例子在我而言,算不上"危難"救助級別。

Rank: 6Rank: 6


6132
發表於 7 天前 |顯示全部帖子
Elenalan 發表於 19-9-9 12:23
同埋,小學生唔好打機 (我主張小學禁電玩),俾佢去玩多d運動,我見屋苑搞嘅足球班,成班男仔 (小學生)玩得 ...
高小果陣,我都踢過球隊,就好似你咁講,真係傾計多過踢波. 其實正常黎講,22個人先得一個波,真係有幾可會比你踢到個波呢. 果陣時我係打後衛,同龍門最老友,如果對手屎波,基本上成場波都係企埋一齊傾計.

之不過傾計係咪同發展社交有直接關係呢?似乎呢個係同方便就手既關係性較大,正如上堂傾計,都係搵隔離位傾架啦.就算幾老友都好,如果差成幾行老連咁遠,傾風濕咩~

PS:如果唔打越位,對家個前鋒有時都會走埋過黎一齊傾計,但肯定佢唔係想黎發展社交.
PS:除左小學生唔好打機,我仲主張中學生不應談戀愛,反對婚前性行為,一夫一妻制,少食多餐,早睡早起同埋年年驗身.......其實仲有好多既,不過我唔講咁多姐.

Rank: 6Rank: 6


6132
發表於 7 天前 |顯示全部帖子
asweetmom 發表於 19-9-9 15:55
這個例子在我而言,算不上"危難"救助級別。
如果真係危難級別,應該係從火場中救你出黎,或者係捐器官比你,又或者係比一大筆錢幫你渡過經濟難關. 咁以上三個舉例既情況,分別只係需要有消防員,志願者,同埋銀行財務公司就可以.

呢個年代仲邊會有賣肉葬父呢D咁既野,太高要求了.

Rank: 6Rank: 6


6132
發表於 7 天前 |顯示全部帖子
Yanamami 發表於 19-9-9 11:48
男人係講手足講義氣,唔係講交心?男人邊会傾心事㗎?如果d阿媽担埋無謂心,好应該未雨綢繆,細細个就俾多 ...
你果然係食過夜粥,分析準確.

我見過幾個女人圍埋不停咁講自己老公,但就真係未見過幾個男人坐埋不停去講自己老婆.

PS:有個都算幾普遍既現象,就係男人係60之前,個社交發展會向外,唔痴家;但過左60,又變成係女人向外喎,個男人反為變得痴家痴仔女. 所以呢,都真係幾多阿伯會走左去買菜煮飯,阿嬸就去左社區中心快活. 而呢個現象係不涉及婚外情呢個範圍.

Rank: 6Rank: 6


6132
發表於 7 天前 |顯示全部帖子
retriever 發表於 19-9-4 16:01
呢個題目, EK 較少討論...
最近不時聽到有D 家長, 當細路慢慢長大, 甚至剛中一兩年, 除左異性交往, 又開始 ...
其實你所想討論既問題真係好闊,固然社會環境改變係有一定關係,人選擇朋友從功能性入手亦係,但千算萬算,要真係搵到一個知心朋友,你真係一日未死你都咪以為自己搵到,因為有時只係未到關鍵時刻. PS:往往能夠傷得你最深既人,一定就係知心朋友.

我自己都係偏向君子之交淡如水. 係人生唔同既階段,每個人都會有交往頻繁既朋友,讀書時期,創業時期,到結婚生仔,點都會有人係幫你好多,而同時亦令自己欠人好多......呢D放低唔好講勒,幾廿年落黎,反而係D幾年都見唔到一次既朋友,先係細水長流,最起碼大家都冇欠大家,次次見面都係鋪鋪清.

所以你話想經營一段友誼,自己都難攪啦,仲要教埋下一代點去交朋友?我真係唔想複製自己.

Rank: 5Rank: 5


2752
發表於 7 天前 |顯示全部帖子

回覆樓主:

本帖最後由 jumphigh 於 19-9-10 07:54 編輯

交朋友都係睇性格多。
我自己唔鍾意應酬人, 由細到大朋友都唔多, 雖然我背景同你講嘅以前啲人一樣, 但係我從來唔會喺走廊或者喺公園同其他人玩。 朋友唔使多,識到一個半個大家一齐覺得舒服嘅就得。
我有兩個仔,從來唔參加你講嘅群體活动, 兩個性格唔同, 但係佢哋都有自己嘅好朋友。
同其他網友講嘅一樣, 識朋友 或者搵男女朋友, 呢啲嘢做父母根本唔需要操心, 理得太多唔只自己辛苦, 對仔女都一定唔係好事
你需要登錄後才可以回帖 登錄 | 註冊