幾時開始同小朋友講英文?

lompus

兒子剛15個月﹐語言進度較慢﹐識講爸爸媽媽謝謝﹐請問幾時開始可以同佢講吓英文同教吓佢英文生字﹖
因為佢剛開始學講野﹐又未識好多﹐我驚咁快同佢講英文佢會令佢混淆﹐會DELAY埋佢講中文?

同理如果想教佢英文﹐應該點開始﹖由口語講起 或者先教佢英文生字如APPLE?

請賜教。

testher

lompus 發表於 19-9-4 15:03
兒子剛15個月﹐語言進度較慢﹐識講爸爸媽媽謝謝﹐請問幾時開始可以同佢講吓英文同教吓佢英文生字﹖
因為佢 ...

先俾佢聽多啲
學識聽先要學講

zornia

其實日積月累無時間表，你同佢講英文，佢無回應其實腦子(emoji)有紮根同記憶，反而佢講英文就日日不同，通常女仔又會快d

Angelina_barbie

同意四樓所講
我都覺得最好做法係將英文融入生活裡面
可能爸爸負責講英文？
又可能定星期一、三、五英文日？
小朋友多聽就會識㗎

chloelo123

回覆 lompus 的帖子

小朋友會有段時間會突飛猛進，一兩星期已經可以爭好遠，所以唔使太擔心。如果想語言學得好，五歲前吸收得最好。可能一開始會混淆，但遲D會ok。

mrstt

lompus 發表於 19-9-4 15:03
兒子剛15個月﹐語言進度較慢﹐識講爸爸媽媽謝謝﹐請問幾時開始可以同佢講吓英文同教吓佢英文生字﹖
因為佢 ...

我都忘記幾時開始同她講英文........應該大約6-7mth吧,之後就我只講英文，爸爸只講中文。依家3歲，英文流利，中文聽到，講到但不太流利，因為爸爸同她小d講野。

notcool

回覆 lompus 的帖子

最重要的順序。
聽，說，讀，寫。
因此，需要經常使用母語與孩子交談。

英語
您每天可以閱讀英語書籍。
觀看適合她年齡的英語cartoon。
使用英語玩遊戲。讓它變得更有趣。

fibe0313

我同丫女講中文，爸爸同佢講英文，但因為爸爸要工作，對既時間比較少。我又想佢可以同爸爸溝通到，所以一星期上2堂英文，屋企只播英文卡通片。so far ok. 丫女宜家3歲4個月，但簡單英文溝通無問題

boyboobee

我兩個女都係出生後先學英文，2嵗半前家庭中只用英文，2嵗半後學普通話，家中會用英文+廣東話。兩個孩子的兩文三語基本上都可以。大女兒10歲，英文書已可看中一程度的英文課本或課外閱讀書籍，中文跟本身4年級程度。5歲小女兒的中文比英文稍為好一些，英文亦可自己簡單拚讀(有學RWl phonics)。 英文拼音最開始由一隻朋友送的Leap Frog Letter factory 的DVD開始，兩個孩子通過此DVD故事的歌曲，學會26個字母發音，之後再報讀phonics, 就很容易跟上了(自己沒學過phonics)。
不過自己這方法有很大缺點，報考N班面試時仍不懂中文，建議其他家長還是中、英一齊教，在家庭生活中，可分時段運用中、英文會較好。

maylin88

我當時都係系日常生活中講下英文單詞距聽下，融入生活係學習噶最好途徑

omoinoyukue

lompus 發表於 19-9-4 15:03
兒子剛15個月﹐語言進度較慢﹐識講爸爸媽媽謝謝﹐請問幾時開始可以同佢講吓英文同教吓佢英文生字﹖
因為佢 ...

我小朋友出世開始已有講中+英文, 我仔都係15個月大, 像日常生活的"洗白白"+"take a bath" 一起講, 講多幾次阿仔就明, 他也會跟著講 "bah bah".
其實語言很 casual, 記得小朋友細個指著我的耳環, 我就話 "earring", 她就學了, 之後其他大人講返中文, 她又會學到. 至於會否中英夾埋來說, 一定有, 但只要講返全中或全英他慢慢就知道.

最緊要同小朋友多溝通, 就算可能他未明都照講, 聽多了就會自己講.