小學需要學樂器嗎？

honyeeki2004

請教各位資深家長        , 小學需要學樂器嗎？

今日聽完小一入學簡介, 聽得出佢地放左好多資源落中樂及西樂團度, 尤其是係果D出國既交流團；同埋好誇張咁暗示學樂器對升中好有用。

請問各位, 值得向呢方面發展嗎？
1. 我兩公婆對音樂零觸覺, 之前由冇係呢方面培育, 會吾會好夾硬嚟？
2. 小朋友的中英數吾係好, 亦吾算聰敏, 值得再犧牲時間每天練習樂器嗎？
3. 學呢d樂器洗費會好大, 雖然都尚算應付到, 但值得嗎？

縱使有再多的壞處,
但又怕孩子比其他同學缺少機會或成長不夠全面

所以想問下過來人意見

assado

你是聽名小的小一簡介會 ?

MrBeast

學校只是介紹下全人教育的成功，無需過分解讀，音樂唔叻讀書叻就得，除非你係d樣樣都要no. 1 的人⋯

sunnymama2

honyeeki2004 發表於 19-8-30 00:34
請教各位資深家長        , 小學需要學樂器嗎？

今日聽完小一入學簡介, 聽得出佢地放左好多資源落中樂及西樂團度, ...

我覺得係對升中有幫助（for 本身成績好好的學生），但聽番係要學到8級才有用（如果考名中/神中）。 Correct me if I am wrong
咁間學校有冇硬性規定學樂器? 如果兩父母都唔識，小朋友又冇話有興趣去學，我會揀唔學。寧願用時間去玩去温習。

講到底，都要睇吓小朋友有冇音樂天份，冇的話唔好強迫。，到時只1會音樂和學业兩頭唔到岸。

losoco

小朋友連試都未試過你就判佢唔得，好似殘忍左少少

我建議你讓他學大路的，體積較細的，較廉宜的樂器

例如長笛或單簧管

如他學得好，將來可一路玩落去
到中學參加銀樂隊甚至管弦樂團也可

就算學不好，也算體驗過
填中學申請表時，都叫有野寫下

losoco

千萬不要被騙去學甚麼又貴又大件兼冷門的樂器
你學得唔夠精的話，對升中都係幫唔到好多
而且搬運困難，大人細路都辛苦

我仔有同學學巴松管，他媽媽當年二手都花二萬幾買左支full size
出入要工人姐姐幫手揹

又有個同學玩竪琴，好型啦
每次演奏要租架van搬返學校或場地
你話幾煩??

不過你話升中係咪幫到呢?
都有case既

有朋友中上成績
8級長號
入左一間都幾熱門的男直兼有船

gracelam

honyeeki2004 發表於 19-8-30 00:34
請教各位資深家長        , 小學需要學樂器嗎？

今日聽完小一入學簡介, 聽得出佢地放左好多資源落中樂及西樂團度, ...

0音樂 0運動, 成績好一樣可以入到好中學!!

大前提成績好係王道, 音樂及運動只不過係附加!!!

除非音樂"冷門"樂圑樂器6級以上(咁啱該中學缺呢樣樂器人手), 或運動叻到曉飛(學界經常有奬牌), 成績稍遜都有勁中學垂青。

p.s.如果學樂器只在享受過程, 有興趣音樂方面, 小朋友學多樣野係冇壞!

0030

根據小朋友的興趣選擇，小朋友想學就比她試下，至於學費，坊間好多平的社區中心學樂器都不算貴～

sunnymama2

jli008 發表於 19-8-30 11:03
回覆 honyeeki2004 的帖子

孩子會玩音樂是好的,最少能學一樣最好,意見是一中一西就合適. 不為升中需要,衹 ...

請問點解會對1。有好處?

MrBeast

jli008 發表於 19-8-30 11:03
回覆 honyeeki2004 的帖子

孩子會玩音樂是好的,最少能學一樣最好,意見是一中一西就合適. 不為升中需要,衹 ...

你是否從事音樂教育工作 ？
講笑咋，唔好打頭

Yanamami

成績係主菜，体艺係伴碟｡伴碟会令主菜更色香味俱全，但主菜难食，就令人大失所望｡集仲主力係成績，但俾小朋友多接触不同体艺活動，有时禁細个好难講佢長处係边度，話唔埋佢係小飛鱼呢？試左小－、二两年再review－下佢兴趣同强項係边先再集中發展｡

若然你心儀band1津中，成績行先，再有d体艺襯下就可以｡若然心儀傳統直資就要文武两全了，成績体艺都要出色。如靠体艺入某d直資更要有非常突出表現。禁投放既資源精神同时间又自然唔同｡

Jane1983

1. 你兩公婆零天份，唔等于小朋友都係的。
2. 睇小朋友有無興趣。如果係無興趣，确係唔值得人學你學。
3. 學嘢有平有貴。值唔值得，就睇小朋友鍾唔鍾意。拉牛上樹就唔好勉强。

assado

選校要揀合適小朋友的學校, 如學校係重視音樂, 但小朋友係少興趣音樂, 就唔好揀這些學校俾小朋友。
再想, 小朋友將來都不是以樂器謀生, 都係以讀好書為主。

Pigmama1012

學習音樂本是淘冶性情，但不要走火入魔為升中。貴校有沒有必要學習一種樂器？記著，學術永遠是升中入大學最重要的。不要依賴課外活動特異功能去考名中，就算入左，學術追吾上好麻煩。除非小孩找到一樣樂器是很喜歡，努力每天練習也樂在其中，學業又應付到，那麼可以並存。

asweetmom

校方盡可以要求學生十項全能，家長卻不能盲目跟從。

Jane1983

學體藝，全人發展，我係好贊成。

但為學校、為升中，就唔係好值得。朋友個仔讀傳統小學，本身已經唔少功課。佢仔有學琴，加吹另一個樂器，加英數補習和一項運動。佢仔唔只一次呻好忙，無得玩。朋友話“ 佢一日有15分鐘玩，仲嘈！”。我係外人，提過一兩次就唔敢多言。但佢仔咁落去，身心唔健康。