用戶登入
用戶名稱:
密      碼:
搜索
教育王國 討論區 小學雜談 【開學系列】N個幫助孩子收拾心情的好辦法 ...
發新帖
查看: 1044|回覆: 0
go

【開學系列】N個幫助孩子收拾心情的好辦法

Rank: 14Rank: 14Rank: 14Rank: 14


1419
發表於 19-8-26 17:33 |顯示全部帖子
本帖最後由 BK_Milk 於 19-8-26 17:33 編輯




作者:王國編輯


開學日即將殺到,除咗要為小朋友準備新一年嘅衫褲鞋襪同一堆硬件所需之外,更加要為佢哋嘅心理做好調節,好好收拾心情上學。放完長假期,莫講係小朋友,就連大人都會出現「長假後遺症」嘅症狀,例如:不能專注、悶悶不樂,總之就係難以回歸有規律嘅生活軌道,而首次迎接校園生活嘅小朋友,就更需要做好準備。


>>>相關文章:解決悠長暑假養成的問題



臨床心理學家黃詠詩就為大家提供以下幾個方法,可以提早為小朋友孩子收拾心情,準備上學嘅小方法,好讓佢哋更輕鬆應付開學日。


1. 開始回復上學作息


一般小朋友喺放假嘅時候,作息時間都會同返學日子有所不同,比較常見嘅係放假時會較遲起身,亦會較遲睡覺。若果想為小朋友做好開學準備,可以安排喺兩個星期前逐漸調教佢嘅作息時間,好讓身心理都有足夠時間作出調節。


2. 安排與學習相近嘅輕活動


有唔少父母都會趁住長假期帶小朋友出外遊玩,又或者為佢哋報讀不同類型嘅興趣班,與此同時,小朋友喺家中嘅自由活動時間都會增加,不過活動性質似乎就未必同返學相近,所以開學前,除咗要開始習慣早起早睡,仲可以喺呢個時候為小朋友安排一啲與學習相近嘅輕活動,例如:去圖書館一齊睇書等……


>>>相關文章:應付開學日 幼兒4個減低上學焦慮的好方法


3. 在家中回復時間表與規矩


臨床心理學家黃詠詩提到,曾經遇過一個家庭,因為小朋友平日都忙於學習同返學,所以根本無時間睇電視,於是喺暑假嘅時候,家長就放寬小朋友嘅睇電視時間,給予佢無限嘅自由度。

結果一開學嘅時候,孩子就成日「扭計」,唔比佢睇電視,就唔做功課;而事實上,暑假去到尾聲,作為父母可以慢慢幫小朋友調節時間表同活動,協助孩子適應開學後嘅生活。


4. 開始準備新學年用品


最後,家長可以選擇同小朋友一起準備新學年要用嘅物品,等佢哋都有機會參與其中,從另一角度滲入將要返學嘅信息,好讓小朋友有心理準備,同時營造開心同令人期待嘅感覺。


>>>相關文章:開學兩天,孩子仍未適應?

>>>相關文章:升小家長是如何鍊成的—小一開學100天前準備篇