3歲亞氏保加徵狀

ultra_din

想請教下3歲小朋友如果係亞氏保加/高功能自閉會有啲咩特質？我知道既係會好沉迷某啲野而尋根究底，因為唔理解人地意思而容易情緒激動等等

小菜豆

仔仔剛做完評估,心理學家指出一些行為表現都係自閉症特徵:
如﹕
與別人對話時欠眼神接觸或回應,
或雙眼斜視望人
自言自語
鸚鵡學舌, 即大人問他問題, 他不懂回答, 只能像鸚鵡一樣複述句子
難專注上課或別人說話, 太長時間會遊魂DAY DREAM
下意識擺力動自己手
不停自轉
十分有主見執著

呢D行為會隨著不同階段改變而出現
例如我仔一歲半時經常自轉,
現在三歲沒有自轉, 卻經常跟人口水尾說話

ultra_din

小菜豆 發表於 19-8-19 17:34
仔仔剛做完評估,心理學家指出一些行為表現都係自閉症特徵:
如﹕
與別人對話時欠眼神接觸或回應,

請問你係邊度做評估？

小菜豆

協康會, OK架

ultra_din

小菜豆 發表於 19-8-20 12:43
協康會, OK架

我仔仔係固執有主見，但花啲耐性時間佢係講得通，其他既症狀都唔覺，但就係社交好差，鍾意自己玩，或者同屋企人玩，唔洗同其他小朋友玩都得既，係呢一點令我好擔心。想問評估都係問小朋友問題同玩遊戲？因為我仔對住唔熟既人多數唔會點答人，我都唔知佢點做評估，對住熟人就好多野講好活潑

小菜豆

我仔都係咁架
對住我同工人講唔停, 大大聲
返到學校鵪鶉咁

另外, 補充心理學家話一般自閉症有兩個特點:
1. 英文同數學強 (我仔係講英文多)
2. 記性好, 應付到幼稚園階段學習有餘
3. 因為語言發展遲緩, 所以大部份有認知遲緩, 即是小朋友唔出聲, 無法從語言分辨到佢地識定唔識。但係小朋友發展長遠而多變, 一但語言大爆發又可能追得好快, 所以早d做評估早d透過訓練及治療介入。

心理醫生到時會識同小朋友互動, 若小朋友唔出聲, 都係佢地預料之內。除咗小朋友當日表現, 及家長當日評估(是用台灣標準計分法, 但忘記個名)

還有學校老師問卷, 家長在家平日表現問卷多方面計分評估(通常會高分d, 因為小朋友在家裡表現較佳) 都好全面架喇
其實就算正常三歲小朋友, 都會固執有情緒, 好奇心強都係好事。唔一定係自閉症譜系。點解妳想知呢?

ultra_din

小菜豆 發表於 19-8-20 14:44
我仔都係咁架
對住我同工人講唔停, 大大聲
返到學校鵪鶉咁

其實主要係發現仔仔社交出現問題，同埋會有執著同好有主見既情況，所以就想了解多啲

小菜豆

咁之前仔仔有冇健康院覆診?
我係因為1.5歲起健康院發展監察唔合格,
因為姑娘留意到佢唔望人,
另外C6都係唔望人, 唔回應人, 唔識表達自我惑受,
我覺得大機會遺傳亞氏保加症。
C6講過讀書時期被人欺負, 但係佢羅輯智力方面係叻d,
識投資做管理層。

唔去評估唔治療, 好似daddy咁都成長到嘅,
不過社交方面, 會被人誤會佢自私(其實係自閉傾向)
而家醫療好咗, 早發現早改善社交條路冇Daddy咁慘。有懷疑的話, 若經濟ok, 就去評估下, 全方位了解小朋友嘅能力同程度係好事。

ultra_din

小菜豆 發表於 19-8-21 09:48
咁之前仔仔有冇健康院覆診?
我係因為1.5歲起健康院發展監察唔合格,
因為姑娘留意到佢唔望人,

有去健康院呀，次次都pass, 冇野跟進，daddy 同我都係唔多social 既人，比較內斂，但我地都有正常社交，有眼神既，係擔心個仔，我而家積極同佢參加多啲群體活動，再觀察下。
我仔如果有佢識既大人問佢野，佢會望住我答人，我叫佢望返對方答佢都會望一望但好快又望返我，我地唔係度就應該好啲，之前N 班老師話佢冇眼神問題，但如果我仔唔識既人同佢講野佢就完全唔答唔應。
咁你先生都好叻呀，你同佢相處會唔會有咩溝通問題呢？定係你主動啲同佢溝通就ok?

ultra_din

小菜豆 發表於 19-8-21 09:48
咁之前仔仔有冇健康院覆診?
我係因為1.5歲起健康院發展監察唔合格,
因為姑娘留意到佢唔望人,

協康評估幾錢？我上網睇佢per hr 計，我唔係好知點計(emoji)

小菜豆

協康有好多評估組合收費,
上網揀其中一間打電話去問,
果d姑娘會叫妳填問卷, 建議做哪些評估, 收費幾多。
我雖然有講明係針對自閉症,
不過佢都建議做全方位評估, 價錢$5800。

c6係叻既, 生活上出現問題時, 佢反應好快, 諗solution先
我呢d平庸之輩只會花時間怨天怨地冇晒方向。
不過相處真係冇情感交流, 典型同屋主。
而且有儲物癖, 又固執跟佢果套冇得傾,
更堪係"亞保"多數將另一半當工人咁駛,
我都保證唔到自己忍到佢幾耐。
妳仔仔未必係自閉症, 佢可能大個咗識怕醜。
而且健康院同學校都唔覺佢有問題。
我仔係老師都留意到佢同一般小朋友唔一樣。

ultra_din

小菜豆 發表於 19-8-21 10:55
協康有好多評估組合收費,
上網揀其中一間打電話去問,
果d姑娘會叫妳填問卷, 建議做哪些評估, 收費幾多。

真係好多謝你同我傾左咁耐，我會密切留意我仔既表現，多啲同佢參加群體活動，如果之後情況都係冇好轉就真係去評估下安心啲，希望你仔仔都一路一路進步 我教我仔有時都覺得好攰，要慢慢去同佢講佢先聽，唔急得，一急佢就會有反效果，但比啲耐性佢又肯聽，所以你都加油呀！

小菜豆

小朋友三歲自我意識強咗係咁。
謝謝祝福, 不用客氣。

keelkying

小菜豆 發表於 19-8-20 12:43
協康會, OK架

請問你喺協康排左幾耐先有得做評估？同埋評估後有冇轉介到啲咩服務，thanks

小菜豆

好快啊...4月申請, 5月做評估
評估完心理專家出兩封轉介信一封係轉介政府醫院精神科醫生,
因為申請政府資源要精神科醫生紙
另一封轉介信輪候社會福利署資助的免費早期幼兒訓練服務,即E位(去社區中心上堂)或I位(治療師到幼稚園訓練), 項目包括一般自閉症兒童比較弱的早期語言訓練, 早期社交訓練等

applepie34

回覆 小菜豆 的帖子

我仔2Y7M, 最近都係咁樣, PN老師打黎反映叫我地做下評估. 但CAC排期至2021年. 想問下協康有無教你點樣處理呢方面問題? 謝謝

慳家2.1

我仔21個月大，剛在協康評為自閉，排S位。評估費約6千幾，心理好家寫轉介信同建議報密集及言語課程幫個仔