用戶登入
用戶名稱:
密      碼:
搜索
教育王國 討論區 教育講場 SEN學生比老師針對
發新帖回覆
查看: 2379|回覆: 8
go

SEN學生比老師針對

Rank: 1


27
發表於 19-7-2 18:52 |顯示全部帖子
我小朋友小一開始確診自閉症,學校清楚知道,今年6年級了,在畢業典禮晚上,班主任不停打電話給我說,你可以過來嗎?冇咩事,不過佢同人傾計騷擾緊同學,叫左我3次過去,我影低相片做証明,因為班主任打左5個電話比我,我當然覺得很嚴重,我就行過去話我小朋友,到完畢業典禮小朋友喊住同我講有同學問佢攞電話號碼,所以佢攞睇電話睇,同人傾計,但班主任就不停打比我話我小朋友影響緊其他同學,其他同學都有睇電話同傾計,但班主任又冇話,彩排的時候,我小朋友明明排中間,但臨上台影相唱歌的時後突然調走我小朋友去邊邊企,攪到佢好唔開心,係咁喊,佢自己整爛自己件衫,全晚低頭,我問佢你有冇同老師講你唔想調位,佢話有,但班主任唔理佢,佢同我講佢想死呀,我不停同佢講唔駛喊,唔好敢諗,自閉症小朋友很難適應轉變的突然事情,本來係和好朋友一齊企,但突然調走佢,佢接受唔倒,學校比得老師教得6年班學生,冇班由唔清楚自閉症學生的固執,同埋所有同學買畢業相,我一樣比左錢4張相片錢,但其人有4張相,但我個仔得2張相,我叫佢返去問左班主任好多次,但班主任都唔班佢,我打比班主任問,佢話派相比較混亂幫我睇睇,其實之前我小朋友同精神科醫生講過話班主任成日針對佢,我亦去學校同校長講過,社工亦介入,(不過畢業典禮這事校長不知道)本來我想都畢業就算數啦,但佢令到學生咁唔開心,跟本唔應該教高年班,佢補唔返個畢業典禮比我小朋友,請問大家有咩途經令教育局清楚知道這件事,佢有冇需要打5個電話比家長,又唔係咩大件事,班主任無能到不能處理?

Rank: 5Rank: 5


4926
發表於 19-7-4 18:44 |顯示全部帖子
本帖最後由 haihaimom 於 19-7-4 19:31 編輯

回覆 Tsoiyin123 的帖子

估計樓主和小朋友在這間學校六年下來累積了很多不愉快經驗,到畢業終於爆發。自閉症的小孩社交弱,容易被老師、同學誤解。因為我有做過家長義工,亦遇過自閉症小孩,所以多少明白家長同老師的困難。唔打算幫學校講說話,不過試下從另一個角度去睇件事。

1. 學校訂東西: 明明簽咗通告 ,訂咗當冇訂我都試過(親身經驗)

2. 班主任: 佢未必有受過SEN訓練 ,有SEN訓練嘅老師唔多 ,通常教初小,教高小嘅老師會比較著重教學成績。

3. 傾計: 其他同學可能見到老師就停,但你小朋友冇留意老師繼續傾計(可能)

4. 表演:一班小孩表演總有人企中間有人企側邊

5. 畢業禮係大event, 老師有責任管理秩序,令到畢業禮流暢地進行,在場有好多家長好多學生,所以調開一啲傾計嘅同學,其實做法合理。不過就冇顧自閉小孩嘅需要係事實。

班主任打五個電話,明顯有啲玩嘢,我諗冰封三尺非一日之寒,佢覺得你小朋友難合作,而你亦認為佢一向處理得唔好,投訴佢。於是咪叫你過嚟等你自己搞。我覺得你好難投訴,不如向前看 ,諗下中學點同老師預早溝通 ,例如你小朋友嘅困難,老師需要注意的地方等等,希望你小朋友可以忘記不怏,中學重新開始

Rank: 3Rank: 3


138
發表於 19-7-5 10:16 |顯示全部帖子
很同情你的遭遇。我小朋友都是自閉症(較輕微一類),確診時已經是小六上,即今學年。但從三年前起學校已有專責輔導老師跟進,由四年級開始更是同一位班主任帶至今年,因為同班有另一個。微小的變動都會牽動小朋友的情緒,尤其是他們比較難理解和抒發自己心情的變動。

Rank: 3Rank: 3


138
發表於 19-7-5 10:18 |顯示全部帖子
請問樓主學校有否叫你簽輔導檔案轉移給中學的同意書?

Rank: 1


27
發表於 19-7-7 23:29 |顯示全部帖子
其實好多時班主任未必有受過SEN訓練,小朋友覺得老師無幫佢/話佢,積埋積埋就都有可能對老師有偏見。不過當然老師都有做得不足既地方,所以我地作為家長真係要同老師溝通多啲,比低知清楚小朋友既情況

Rank: 3Rank: 3


340
發表於 19-7-8 21:26 |顯示全部帖子
回覆 Tsoiyin123 的帖子

你的事例不足以投訴,老師一句話只係誤會已解決,事實上係咪誤會你永遠都唔會知,亦毋需耿耿於懷,不如做好準備上中學,唔好驚人label你個小朋友,一定要知會中學,咁等於設了一個安全網,有乜事係用來幫你小朋友的。

Rank: 3Rank: 3


236
發表於 19-7-13 21:45 |顯示全部帖子
學校老師一定會偏心的,若他知道你孩子有自閉症,加上自閉症學童社交係有問題,老師需要放多些時間在這些自閉症學生中,處理又不可大細超做到出面,可以講老師都會有壓力,怕家長會投訴,這次突然調位企令你孩子難過不開心,做家長嘅要向孩子解釋,企旁邊都未必是不好,盡量把事情放細佢,平時家長都需要跟老師多些溝通

Rank: 6Rank: 6


6099
發表於 19-7-22 08:22 |顯示全部帖子
karman0608 發表於 19-7-7 23:29
其實好多時班主任未必有受過SEN訓練,小朋友覺得老師無幫佢/話佢,積埋積埋就都有可能對老師有偏見。不過當 ...

本帖最後由 conniewktang 於 19-7-22 08:23 編輯

好多學校老師其實受過SEN訓練,但個basic course對照顧SEN學生的作用不大!我覺得冇用!

Rank: 4


557
發表於 19-7-24 23:35 |顯示全部帖子
Tsoiyin123 發表於 19-7-2 18:52
我小朋友小一開始確診自閉症,學校清楚知道,今年6年級了,在畢業典禮晚上,班主任不停打電話給我說,你可 ...
明白見到兒子唔開心,會很難過。其實你的情況,無Sen 的都遇過。

老師畢業派禮物,都有甩漏。有人有4件,有人得三件。
老師要照顧咁多同學,一定唔夠你細心和咁多包容。

與其諗投訴老師,不如諗下如何同加強老師合作。同埋你成日投訴,仔仔更加恨老師,更不願返學。

你和仔仔 都一要學習同理心

你需要登錄後才可以回帖 登錄 | 註冊