升小遊戲後感

islz

係架, 依道好多文都係定期出一出, A小學 vs 全港小學. 住住都冇咩內容, 之後就VOTE FOR A小學. 完全低級廣告. 比我賣我諗好好多. 可能係價錢問題啦.

升小係要起碼玩9個月. 我地都好大壓力, 但不論結果, 都係小朋友成長一部份.
又刺激, 又驚又喜.
最重要係真係見到小朋友成長起來, 由幼稚園轉變成小學生了.

大家一齊加油!~!~!

tummypooh

回覆 Soskcc 的帖子

放鬆啲，小學只係開始。最緊要成家一條心，開開心心。


如果你自問平日同小朋友溝通足夠，咁點會有人比你更清楚你小朋友，其他人的意見、評論，聽下就得了，我明可能有時都會想聽到啲相同的聲音支持下自己。


總知記住，讀書係讀十幾年，名校神校光環當然好，但背後的壓力又唔一定係所有小朋友同大人都承受到，咁早入去未必係好事。預其日諗夜諗點解我咁失敗，幫唔到小朋友入呢間學校，不如諗下點樣教佢思考好過。學校教的嘢，如果真係有心學，唔會學唔識，但小朋友的思考能力，學校未必幫到你了，尤其係傳統學校，而呢樣嘢係佢完成學習步入社會係更重要。


我地今年呢一班功成身退了，20-21個班家長加油了。希望你地記住時刻欣賞你地的小朋友，唔好咩都去同邊個邊個比較，十隻手指都有長短，但各有用途。有咩好比？

tummypooh

回覆 islz 的帖子

咁又唔好話人賣廣告，我都好想問 XX vs XX 架。有時都係迷茫中。

睇評論，因為大家的出發點，要求都唔同，所以都係睇下開心下。
我都係上黎發洩下，透透氣，幾好~~~

iyhas

八個字:  謀事在人, 成事在天