小一這一關- 留給有緣人的拙見

sunnymama2

chiumingchun 發表於 19-6-23 02:49
本身唔諗住再覆任何嘢, 但見有不少回應, 咁就再分享一下. 純粹個人經歷及意見, 可以自行選擇性參考:

首先 ...

你講的野令我有些感觸。
阿仔讀happy 私幼（程度淺到so far我諗唔到有邊間淺過佢），你講的寫字串字，什至x數可能喺其他私幼好普通，但我的仔考小時係完全唔得。所以有自知之明，唔會考3私一直。可能阿仔肯講野，都有直私收。

我要多謝阿仔幼稚園，因為train up 佢好肯講野，所但另一方面，入到去學術追到我氣咳，有“埋怨”過點解當初唔揀學術多d的幼稚園。不過調轉諗，可能谷學術多d，阿仔講野可能冇咁叻（只apply to 我仔only, 因為實有人學術又叻，把口又叻)。

我同事今年個仔揀K,.我作為過來人同佢分享，其實考小大部分學校的學術都唔深，英普都唔係最重要，好多神校名校仲只問中文或極少量英文。對中文反應對答才是最重要（based on 我阿仔考過的學校，重申冇考3私一直，或聽聞面試深的wkf, 培僑等等）。

不過有得揀，點都揀名幼或學術好d的學校，因為即使考唔到直私，但叩門好有用，小一學術都可以比同學前列好多，輕鬆得多。
講黎講去，學術要有基本認知，但更重要係小朋友present 到有自信，唔怕錯，肯講野，考直私的機會都大的。

mytambb

chiumingchun 發表於 19-6-18 15:01
今個升小之旅終於完結, 有以下經驗總結給有緣人借鑑:

1.        如果係細B又想考直資私校, 最好係等多年先玩呢個 ...

大部分應用於叩門階段都對。但如果面試階段，未必對。我相信你心儀的是叩門入，對嗎？

CxN_2013

chiumingchun 發表於 19-6-18 15:01
今個升小之旅終於完結, 有以下經驗總結給有緣人借鑑:

1.        如果係細B又想考直資私校, 最好係等多年先玩呢個 ...

絕對同意

chiumingchun

回覆 sunnymama2 的帖子

常聽有人話要happy school, 快樂童年, 但咁諗要貫徹始終, 接受小學入唔到比較好的, 成績無咁好, 之後中學如是, 大學如是.... 但如果你係要佢之後追返, 咁唔好玩啦, 先苦後甜好過.

chiumingchun

回覆 mytambb 的帖子

錯了, 全部是應對面試, 一線直私.

wongszehang

chiumingchun 發表於 19-6-23 02:49
本身唔諗住再覆任何嘢, 但見有不少回應, 咁就再分享一下. 純粹個人經歷及意見, 可以自行選擇性參考:

首先 ...

多謝前輩無私的意見，祝您搵到心儀學校

sunnymama2

chiumingchun 發表於 19-6-23 11:13
回覆 sunnymama2 的帖子

常聽有人話要happy school, 快樂童年, 但咁諗要貫徹始終, 接受小學入唔到比較好的 ...

我又唔認為讀happy school 會去到中學，大學不如人。係初頭辛苦d。阿仔期終試都比之前有進步。
學術係追得辛苦少少，但揀多一次，都會揀happy school, 阿仔真係過左3年無憂無慮的幼稚園生活。

同埋happy school 同是否入到好小學唔一定有掛勾，家長是否伴讀，有質素的親子對話亦關鍵。

jxhmy517

sunnymama2 發表於 19-6-23 08:28
你講的野令我有些感觸。
阿仔讀happy 私幼（程度淺到so far我諗唔到有邊間淺過佢），你講的寫字串字，什至 ...

扣門都未必有用！很多小學面試，第一輪係團體面試，考個唔係學術，去到第二關先考學術，所以學術好，其他團體表現、表達過唔到關都係冇用！
所以我個人感覺，考小學最最重要都係個小朋友的溝通和應變能力，唔怕醜！
我個小朋友兩文三語都算唔差，學術方面都跟OK,每日都有伴讀，總係超大B!但係性格好慢熱，表達能力唔好，考邊間邊間唔得！灰心到爆！好在派位后有一家心儀個小學CALL waiting

hkbu

chiumingchun 發表於 19-6-23 02:49
本身唔諗住再覆任何嘢, 但見有不少回應, 咁就再分享一下. 純粹個人經歷及意見, 可以自行選擇性參考:

首先 ...

好認同你的睇法! 謝謝分享

Lomum

剛玩完考小一遊戲，覺得父母栽培最重要,栽培並非指上面試班補習班，而係培養軟實力同豐富生活體驗

吉蒂小豬

Lomum

Chan343 發表於 19-6-22 22:51
真心想問學術要不要谷。話要達一定程度，但其實都唔知邊個位是Standard ，例如Starter，有些人串字認字好 ...

睇學校路向，有d學校唔太睇學術，但有d會重視少少

Lomum

sunnymama2 發表於 19-6-23 08:28
你講的野令我有些感觸。
阿仔讀happy 私幼（程度淺到so far我諗唔到有邊間淺過佢），你講的寫字串字，什至 ...

同意！自信、肯講野、心口掛個勇字最重要

chiumingchun

不好意思, 可能我表達不清晰. 我說happy school 的小朋友上到去會不如人是假設一直讓童年happy落去. 當然如果用初小幾年去追是不會有問題. 我只覺得既然要辛苦追, 咁只係將快樂和痛苦搬前搬後. 3-5歲快樂童年, 但6-8辛苦追趕進度, 那何苦?
見太多家長同身邊嘅朋友話要有快樂童年, 我有唔少要happy school幼稚園嘅朋友嘅小朋友因為關係或運氣考入或派入一啲一線嘅小學, 就算係地區名校都已經完全跟唔上, 初小要谷更加痛苦, 日日補習停不了, 有部分小朋友更加喪失自信, 問父母點解成班同學都識係我唔識? 點解人地咁快做晒功課? 點解人地放學可以去玩課外活動我要補習?

個人見解, 幼稚園嘅小朋友跟本唔知咩係辛苦唔辛苦, 咩係無憂無慮, 返到幼稚園見到身邊所有小朋友都係咁做, 所有嘢係理所當然, 唔會特別有負面情緒, 反而上到小學開始識嘢, 人識我唔識, 人去玩我去補, 感覺更差. 當然我唔係話要谷佢去考咩劍橋試, 要考幾多級鋼琴, 又畫畫又外語 (我全部都冇,只係ABC學phonics,另外佢鐘意嘅學踢波同游水, 完了. 想夾個仔學琴但佢唔鐘意就唔學). 但入讀程度深少少嘅幼稚園, 平日做晒啲功課, assessment跟得上進度, 咁之後升小會舒服好多.

可能有些家長同我嘅觀念不同, 角度不一, 唔緊要, 因為結果最後都係殊途同歸, 就係希望小朋友開心快樂而學有所成. 大家一同努力!

sunnymama2

chiumingchun 發表於 19-6-24 00:36
不好意思, 可能我表達不清晰. 我說happy school 的小朋友上到去會不如人是假設一直讓童年happy落去. 當然如 ...

好多研究都講左過早催谷（包括寫字和學數）的壞處。我因為抱着呢個信念，給兒子找一間唔駛考默和k3都好少寫字的happy 私幼。結果.。。。我兒子學術最弱的並非知識層面上，係寫字。
好多研究都講睇片對小朋友將來閱讀能力和分析能力有負面影響,我抱住呢個信念唔比小朋友睇YouTube。。。結果，喺冇外傭和英文語境及冇外補下，我兒子英文比同學（會睇youtube）弱。

那些所謂研究是否正確或會否過期我唔知，但肯定的係我兒子小學階段係“輸在起跑線”，但我揀多一次，都係覺得寧願給3，4，5歲人仔開開心心，每日上學學吓和人相處，唱吓歌仔，玩吓玩具，建立自信和創意（呢d軟實力越早發展越好），享受佢短暫的3年珍貴的童年。

你的說話很有道理。特別係能力差的小朋友上到小學，見到人識自己唔識會唔開心。所以我開學前，已和兒子心理預備，同佢講好多同學都大過你（兒子在校中是細B）,而且校長揀的全部都係叻的小朋友，包括你在內，你差過人時唔好唔開心，反而應該高興，因為你可以跟好多叻的小朋友學習，你自己亦有得益呢。

picalo

重覆抄寫未必好
但可以用每日寫d來練字
而且要同小朋友分析字嘅結構
點先叫寫得個字四正
開始寫字前train好小手肌自然冇咁辛苦

我極少俾個女睇YouTube
亦從來唔相信外傭英文會比自己講得好

我女d英文oral靠自己執同出去上oral, phonics

tiger1106

chiumingchun 發表於 19-6-23 11:18
回覆 mytambb 的帖子

錯了, 全部是應對面試, 一線直私.

英華, 拔萃, 陳守仁, 聖方濟各... 樓主考到其中一間，仲去扣二線官校？

sunnymama2

picalo 發表於 19-6-24 08:05
重覆抄寫未必好
但可以用每日寫d來練字
而且要同小朋友分析字嘅結構

請教如何教小朋友分析字的結構? 如何才可寫端正的字?

sushimama

我都相信世上沒有free lunch ，上到小學不能再完全happy 學術冇要求。

但我也不相信讀學術強的幼稚就一定能是先苦後甜，入了一線小學後，咪又係要繼續追，不進則退，什麼是「甜」的定義呢？

讀卷幼happy school 學了一些非學術的價值觀，莫非又會是在整個人生中都不需要學嗎？

選擇不同幼稚園只是父母安排了小朋友在不同地方和不同階段去學習。

無疑happy school一般學術的確不足應付小一銜接，家長需要自己跟下或外補；但不能否定happy school 某些方面的優點和得益。

chiumingchun

回覆 tiger1106 的帖子

就係一間都考唔到, 又派得唔好要周圍叩, 所以先有此檢討.