CPSKG vs CCKG vs SC

muppetmuppet

K2 有以下offer：
啟思小學附屬幼稚園
基督堂幼稚園
國際英文幼稚園

點揀好？
大家點排名呢？

piglover

Cckg for sure

muppetmuppet

piglover 發表於 19-6-15 18:31
Cckg for sure

但CPSKG 有小學backup(emoji)

Mava

Cckg > SC > CPSKG

piglover

muppetmuppet 發表於 19-6-15 18:53
但CPSKG 有小學backup(emoji)

你能夠入到cckg ，升小都一定入到啓小。

Mava

有cckg , 不用擔心咁多！

Bighamster

piglover 發表於 19-6-15 19:58
你能夠入到cckg ，升小都一定入到啓小。

sunnymama2

容我作為CPSKG 的前用家講吓少少意見。

眾所周知，CPSKG係一間課程淺的happy school, 佢的課程係係比普通的券校更淺。再加上我又冇同小朋友練字，,又冇外補學術，可能係咁，小朋友上小一在中文寫字，writing各方面都較吃力，呢一年有猶豫過是否幼稚園時選錯了。

在最近一次中文評估中，老師評語是這次卷係頗深，但小朋友懂得分析題目，懂得思考，識衝破框框，雖然寫錯很多字，比大部分同學考得好。

除此之外，英文老師評語係小朋友唔識運用佢所學的knowledge, 但可以睇得出佢係good at thinking，只要努力，一定追得上。在最近一次writing 卷亦得到接近滿分。

讀CPSKG小朋友只靠學校，學術一定唔勁（對考小學），但CPSKG 俾到我仔的係，creative thinking and think out of the box. 。學術易追，思維難練。所以再揀一次，我依然會揀CPSKG

CCKG 一定考上啟小?不要太天真。我只知有好叻的小朋友都未必考上，因為還要天時地利人和配合。

PS:CPSKG 的考小成績唔錯，上年龍年有男女拔，英華， 蔡繼有，SFA, TSL, APS, 港同，救恩，德望等等。亦有人叩門入民生等等。我小朋友亦有幸入到當中一間心儀學校。

fltpanda

sunnymama2 發表於 19-6-16 18:02
容我作為CPSKG 的前用家講吓少少意見。

眾所周知，CPSKG係一間課程淺的happy school, 佢的課程係係比普通 ...

哇...原來啟思附小咁勁！真是孤陋寡聞！請問上男拔女拔有幾多人？有無cckg/sc咁多？

sunnymama2

fltpanda 發表於 19-6-17 09:21
哇...原來啟思附小咁勁！真是孤陋寡聞！請問上男拔女拔有幾多人？有無cckg/sc咁多？
...

人數一定冇咁多，主要原因有三
第一，畢業生人數都遠較SC少

第二， 其實好多揀CPSKG的父母，都係鐘意學校的IB原素，負擔得起小學學費，會升啟小， 亦有好多都揀左國際學校或其他活動教學的直私學校。

第三，家長唔太熱心考直私（以我仔嗰班同學計)。不過熱衷考學校的，大多數成績都唔錯。

總結，啟小附幼平均學術能力唔高，但家長間着重伴讀和玩，好少聽到佢地有外補，我小朋友亦係零興趣班零外補。

polyyim

(SC用家)若然為升小考慮、日後唔出國、而你又想考好多直私, CCKG > SC。SC都多元化的, 各方面均勻, 出去考小一直私叩門都唔輸。CCKG應辛苦D, 但學術再保證少少
若你打算出國之路, 由隨你啦。CPSKG一定係HAPPY, 當然creative thinking都好重要, 但冇話CCKG, SC呢方面係零栽培。


若都愁升小之路, 又唔多考慮番啟小, 我會揀CCKG/SC。

sunnymama2

polyyim 發表於 19-6-17 10:34
(SC用家)若然為升小考慮、日後唔出國、而你又想考好多直私, CCKG > SC。SC都多元化的, 各方面均勻, 出去考 ...

有道理。
其實身邊朋友如果係一心考直私，我唔會第一時叫佢揀CPSKG。因為學術淺，父母要額外時間train 學術，所以揀其他名幼應該會更cost effective 。

如果唔拒啟小，又喜歡啟幼的教學模式，又想試考直私，我又覺得CPSKG係一個唔錯的選擇，至少大部分小朋友考小能力冇大家諗得咁差。（其實大部分直資學術要求唔高的，家長要做的係要多伴讀）

polyyim

sunnymama2 發表於 19-6-17 11:12
有道理。
其實身邊朋友如果係一心考直私，我唔會第一時叫佢揀CPSKG。因為學術淺，父母要額外時間train 學術 ...

我考過直私, 又剛叩了門。真係深刻感受到SC對我幫助好大。000都 IN到講明要填過1先俾IN的學校, 我覺得都係同見到你係SC仔有關。
IN叩門真係好睇學術。IN直私都仲話有D CRITICAL THINKING/ CREATIVE會考下。
所以, 若然真係留守本地升小, 我始終覺得課程深少少有保障D.....

幫到呢度。

sunnymama2

polyyim 發表於 19-6-17 12:05
我考過直私, 又剛叩了門。真係深刻感受到SC對我幫助好大。000都 IN到講明要填過1先俾IN的學校, 我覺得都係 ...

係呀! 名幼喺叩門階段有好大優勢，相反d人一見到happy school 白3名會自動filter out.

muppetmuppet

polyyim 發表於 19-6-17 10:34
(SC用家)若然為升小考慮、日後唔出國、而你又想考好多直私, CCKG > SC。SC都多元化的, 各方面均勻, 出去考 ...

CPSKG 係happy school, 學術淺，但升小一個成績好亮麗

而且都有女拔男拔等一線既offer

其實學術係小一面試中係咪最重要呢？還是有禮貌，懂得待人接物既小朋友反而佔優勢呢？

因為啟思附小D小朋友老師都出名有禮貌

CCKG/SC 個扣門能力是否特別高呢？求分享

Bighamster

有男女拔 offer和有幾多男女拔 offer係好唔同嘅概念。果一個半個你又知人地無狂外補？而且如果已經認為升小成績夠亮麗，又happy，那還猶豫什麼(emoji)其實你想小朋友升咩類型小學先

CCKG/SC扣門能力是否特別高？咩為之特別高，百發百中無可能，平均水平高都要睇下貴子弟是龍是蟲！又想happy，又掛住考男女拔，兩頭不到岸係最慘的！

Ps，學術和待人接物從來不是反義詞，特別後者更多要靠家長教育

Bighamster

muppetmuppet 發表於 19-6-18 00:48
本帖最後由 muppetmuppet 於 19-6-18 00:50 編輯

CPSKG 係happy school, 學術淺，但升小一個成績好亮麗 ...

我當樓主target直私先，君不見很多小朋友著住CCKG/SC校服去interview就知咩叫brand recognition，點都會有啲著數

sunnymama2

muppetmuppet 發表於 19-6-18 00:48
本帖最後由 muppetmuppet 於 19-6-18 00:50 編輯

CPSKG 係happy school, 學術淺，但升小一個成績好亮麗 ...

對我黎講，SC 的名好響，叩門好有幫助。
啟幼叩門就難好多，因為一見happy school 個名都自動filter out 先。不過對好多家長黎講，啟小有back up,壓力細好多。如果唔接受啟小，當然揀SC。

講開考直私，無論係SC定CPSKG, 相信機會係一樣的。直私會學術深嗎? 我小朋友考小前，我都有呢個迷思。但考完呢個遊戲，就係發覺好多直資學校，學術要求其實係基本。佢地更重面試對答和反應能力，所以即使CPSKG學術淺，但升小成績考得唔錯。

不過亦聽過有些學校學術要求高，如三私一直等等。所以如果主力考學校又對啟小冇興趣，當然揀SC啦

sunnymama2

Bighamster 發表於 19-6-18 09:43
有男女拔 offer和有幾多男女拔 offer係好唔同嘅概念。果一個半個你又知人地無狂外補？而且如果已經認為升小 ...

女拔唔知，要男拔 offer 真係唔需要狂補，補都冇用，反而IQ要高。

creambun

報得CCKG, 目標明確，不用多考慮吧！