鬥心是如何練成的?

faikam

大家覺得鬥心呢樣嘢, 係先天還是後天?

mamaishere

我覺得係先天佔多數！討厭比賽同鬥爭嘅人，就算俾佢贏咗都唔會好希罕當中嘅快感

faikam

IloveJJ 發表於 19-6-2 17:25
兩樣都有。
有人天生既。
亦可以後天培養出來。首先令佢有成功經驗，有自己形象，就唔會想衰，就開始有鬥 ...

本帖最後由 faikam 於 19-6-2 17:50 編輯

以我家公子為例, 即使佢曾經贏過個比賽, 但下次輸返佢都無乜嘢咁。 就算嗰樣嘢佢一路贏開, 贏足幾年, 縱使突然有次輸咗, 佢都只係會唔開心一日。

最大鑊係佢輸過之後, 仲更加放開心情, 覺得下次再輸都無所謂, 而唔係諗方法點樣贏返人.....

我覺得輸完輕鬆面對係非常好, 證明佢有一定抗壓能力, 但係完全無爭勝鬥心呢下我就真係唔知點處理

assado

呢個係好大题目, 牽涉到人生目標係乜嘢。
甘樓主有冇理想, 人生目標, 夢想。

b3410

我覺得天生的多些。我自己小朋友一樣教法，有D好有鬥心，有D完全冇。

faikam

assado 發表於 19-6-2 17:49
呢個係好大题目, 牽涉到人生目標係乜嘢。
甘樓主有冇理想, 人生目標, 夢想。
...

我性格都係一個相對隨遇而安嘅人, 我通常做嘢都係自己行多步, 覺得自己蝕抵啲無所謂, 最緊要做到件事就得, 所以就算我叫佢提升個鬥心, 其實都無乜說服力, 哈哈。


理想同目標嘅, 我諗我都叫做做到自己想做嘅嘢, 除咗提早退休同移民未做到之外

assado

要小朋友有志向先, 家長鼓勵小朋友向其志向進發。

faikam

assado 發表於 19-6-2 19:07
要小朋友有志向先, 家長鼓勵小朋友向其志向進發。

其實呢啲階段都叫做過咗, 但就欠缺個強勁鬥心更上一層樓

Yanamami

faikam 發表於 19-6-2 18:31
本帖最後由 faikam 於 19-6-2 18:33 編輯

我性格都係一個相對隨遇而安嘅人, 我通常做嘢都係自己行多步, ...

順其自然啦媽咪，我同你幾似｡个女甚至測考唔識做都唔会唔开心我都想佢有鬥心，不过性格既野，七、八歲後都幾乎定型，如要改变，就如楼上講，要佢自己遇上一d經历，而佢自己內在又感受到，觉得自己有需要改变，先会变，旁人逼唔到劝唔著吖~唔係点解成日听见d阿媽係度呻，阿仔/女好大意，好多careless mistakes呀~日哦夜哦都改唔到咪係禁解｡我地恨鉄不成鋼都無用㗎~

faikam

Yanamami 發表於 19-6-2 19:16
順其自然啦媽咪，我同你幾似｡个女甚至測考唔識做都唔会唔开心我都想佢有鬥心，不过性格既野，七、 ...

印象中Yanamami你個女好似都係運動人, 唔知有無記錯, 應該係游水。

同埋我都好順期自然同極高自由度, 因為我細個都唔鍾諗俾人點俾人逼做呢樣做個樣, 但有時都會諗下點樣用點陰力去推一推佢

Yanamami

faikam 發表於 19-6-2 19:20
印象中Yanamami你個女好似都係運動人, 唔知有無記錯, 應該係游水。

係呀~上到中学，佢唔要五点起身操水，放学又操水，更怕左比賽，所以掛靴啦~轉左玩其他运动，當强身健体算｡大个啦，佢自己決定啦……其実小六时佢大病－場，我都醒左－醒，还原基本步，佢健康开心，乖乖做个好人同勤勤力力就算，其他唔强求了。

assado

faikam 發表於 19-6-2 19:10
本帖最後由 faikam 於 19-6-2 19:11 編輯

其實呢啲階段都叫做過咗, 但就欠缺個強勁鬥心更上一層樓 :igi ...

帶小朋友放眼認識下呢個世界, 接觸周圍事物, 讓孩子自己選擇自己走的路。

faikam

assado 發表於 19-6-2 19:59
帶小朋友放眼認識下呢個世界, 接觸周圍事物, 讓孩子自己選擇自己走的路。
...

啱呀, 我個理念一向都係唔好做個複製人, 做自己想做嘅嘢, 開拓自己嘅道路。

我地一家去外地旅行, 係去露營, 潛水, 滑浪, music festival, 呢啲未必開到眼界同見識到啲乜嘢, 但起碼係非主流嘅旅遊體驗, 齋去食玩瞓個啲, 留返比佢大個同女朋友或者男朋友去啦

faikam

IloveJJ 發表於 19-6-2 19:35
咁比賽係應該要咁喎，唔通應該唔輸得咩？佢肯繼續練，繼續比賽就夠啦！
我係指讀書方面，製造成功經驗，令 ...

點講呢, 有時讀書仲抽象, 因為份卷可深可淺, 分數高低又唔一定代表好咗定壞咗, 相對客觀啲嘅可能係個名次。

反而好似游水跑步咁, 其實好實在同實際, 所有嘢有晒客觀時間同分數, 名次有時反而唔緊要, 好多時都係睇時間。而我個仔嘅問題, 就係佢有時去到啲頂級比賽明知無機會贏, 佢就會hea住去比賽, 然後又好阿Q用啲次一級嘅比賽去擦下成功感.....

faikam

Yanamami 發表於 19-6-2 19:26
係呀~上到中学，佢唔要五点起身操水，放学又操水，更怕左比賽，所以掛靴啦~轉左玩其他运动，當强身健体算｡ ...

5點起身操, 放學又操, 應該係港青

Yanamami

faikam 發表於 19-6-2 20:48
5點起身操, 放學又操, 應該係港青

佢乜都唔係只係听见教練提下已打定退堂鼓。

MrBeast

faikam 發表於 19-6-2 17:49
本帖最後由 faikam 於 19-6-2 17:51 編輯

本帖最後由 faikam 於 19-6-2 17:50 編輯

覺得冇人賞識？
個奬對佢冇意義？

佢根本對那項目冇興趣，只是大人叫所以去？

如其他網友說，可能要遇到某些經歴，又或伯樂，先fire up 到佢