補中文同英文

jacksonchan0625

我個仔嚟緊九月升中五。佢今年中四開始補中文。
我本身叫佢去補遵X嗰個林X欣。但係佢話佢自己上網睇完之後覺得英X嗰個徐X豪好啲，所以就去補佢。

但係臨到大考，佢竟然走來同我講佢閱讀好冇信心，寫作都有啲驚，覺得徐X豪教嗰啲寫作框架只係可以適用於好少部份嘅題目，唔知點算好。

依家首要嘅係希望可以幫到搵到個補習係幫到佢白話文閱讀理解， 其次嘅可能係寫作同說話。

除此之外，見到佢呢兩年來英文作文完全冇好過，係學校只不過維持到中上，上唔到最top個批。
而佢嘅說話卷係中下嘅成績，完全唔掂
本身搵咗個英國人同佢講英文，但係佢又話冇乜用

請問各位有邊度嘅補習可以適合佢？諗住中四升中五呢個暑假好好搞掂番。尤其是英文作文，我想佢每個禮拜都作，亦都希望會有詳細嘅評語俾返佢。我個仔aim中文5英文5**
感謝大家嘅幫忙

jacksonchan0625

jacksonchan0625 發表於 19-6-1 21:44
我個仔嚟緊九月升中五。佢今年中四開始補中文。
我本身叫佢去補遵X嗰個林X欣。但係佢話佢自己上網睇完之後 ...

CMMANDY

中四升中五, 唔洗太擔心, 樓主, 仔女同妳講, 他的擔心, 唔一定係唔店, 係他對自己無信心, 有壓力, 如果妳反應, 係即刻找水泡給佢, 咪代表阿媽也承認, 他唔店囉, 咁佢會好焦慮的,

妳先聽他點講, 聆聽他的擔心, 告訴他, 分數夠就得架喇! 對自己有信心, 媽媽相信你, 書那有讀得哂, 如果暑期, 你想試下其他老師, 是否更適合自己, 無問題呀! 試下無坊, 媽媽相信你, 其實已經讀得好好,
人唔係咩時段, 都保持在同一狀態, 有上有落, 這就是人生, 耍學習經得起, 樓主, 囝囝在band 1 校嗎?

jacksonchan0625

CMMANDY 發表於 19-6-2 08:14
中四升中五, 唔洗太擔心, 樓主, 仔女同妳講, 他的擔心, 唔一定係唔店, 係他對自己無信心, 有壓力, 如果妳反 ...

其實佢今年已經試過兩個老師，無論測驗同埋考試出嚟個結果都係強差人意。佢係話綜合同埋寫作有用，所以我先信左佢繼續俾佢去。始終我真係對依家佢學緊嘅中文完全零認識，佢唔識的話都唔知道點樣幫佢⋯⋯我唔知俾佢再繼續試係唔係浪費緊金錢同時間，始終我資源有限。
係呀佢讀B1學校，不過老師好hea，佢嗰班有一半人都要出去補中文。

CMMANDY

jacksonchan0625 發表於 19-6-2 08:36
其實佢今年已經試過兩個老師，無論測驗同埋考試出嚟個結果都係強差人意。佢係話綜合同埋寫作有用，所以我 ...

語文係要浸的, 原來阿囝任教中文老師, 有半班唔合格, 哦, 咁即是唔係阿囝唔努力, 阿囝肯面對, 去找補習, 值得讚許, 起碼肯面對現實

wawaliluk

jacksonchan0625 發表於 19-6-1 21:44
我個仔嚟緊九月升中五。佢今年中四開始補中文。
我本身叫佢去補遵X嗰個林X欣。但係佢話佢自己上網睇完之後 ...

你仔有冇交文俾補習老師改？
齋上堂唔交功課的話，是會冇嘜改進的。

rubycourt

jacksonchan0625 發表於 19-6-1 21:44
我個仔嚟緊九月升中五。佢今年中四開始補中文。
我本身叫佢去補遵X嗰個林X欣。但係佢話佢自己上網睇完之後 ...

我女又係好擔心科中文，我女都係補習社補緊，但補習老師話她好好，仲成日讚她，但學校老師又話她唔得，所以我都唔知邊個真.其實都唔知邊間補中文好.我女根據學校以往成績，應該5係無問題，但希望她還再進步些有5*或以上.
有朋友介紹了個專補中作的我，話佢補過的學生好多5**，因為私補中作600/堂，所以考慮吓先.

jacksonchan0625

wawaliluk 發表於 19-6-2 11:58
你仔有冇交文俾補習老師改？
齋上堂唔交功課的話，是會冇嘜改進的。

報咗成年 咁耐剩係見過佢作兩次綜合同埋一次寫作
佢話徐X豪係淨係交果份卷嗰個月嗰陣先有相關嘅練習 所以先得咁少
我記得總共派過三次作文同埋三次綜合 但係有兩份都係大考之前兩個禮拜先派 所以佢話冇時間作就唔做