本帖最後由 se6b03 於 19-6-5 10:28 編輯
hellobb3 發表於 19-6-5 09:48 
真心想知, 基全點解會變成寶校?
因為近大酒店?近舊工廠?
津校以24班為基礎，24班以下的學校，老師及校長人工及職級都會不同。以校長為例，24班以下係二級小學校長，24班以上係一級小學校長。基全幾經辛苦，本學年終於開夠24班，校長當然想維持來年班數啦。未來幾年適齡學童人數回落，基全再次面臨縮班壓力。同區同一辦學團體協和跟基全兩者收生情況及成績差太遠。辦學團體開會，校董校長方面難免會互相比較。
早年同區鮮魚行學校面臨多次殺校威脅，雖然最後有得留低。但基全看在眼裡，總會覺得不是味兒。一方面殺校威脅迫到埋身。但鮮魚行最後獲保留，基全自己變左多個相同競爭對手。
如果寶校有自己定位，收生目標係清晰就一樣可以生存到。以31區方樹泉為例，雖然有人話係寶校。但主力收新移民、南亞裔及非洲裔學生，加上學校老師熱心教學，無太大收生壓力。本身油尖旺區有足夠南亞裔生源，不過因為宗教原因，南亞裔好多不會選擇基督教學校入讀，方樹泉就無呢個問題。基全由於係基督教學校，難以吸引南亞裔學生，本地生更不在話下。所以最近幾年的收生問題都非常嚴峻，除非進行大規模改革，否則局面難以改變。
基全還有一個問題就係教育局統一派位階段無係佢果度借位出去，全部位留晒係本區派，最後當然派剩好多啦。隔離31網有一批寶校年年都借位出去派，收生不會集中於同一區。
有d學校例如鮮魚行及廣官等，本身規模小，課室數目小，縮班後都唔會話有太多吉課室。基全有27個課室，如果開得個果10班8班，太多吉課室係度，比人感覺已經唔係太好。
| 
發表於 19-6-4 20:50
