應唔應該為小一入學而讀私幼？

greatdadckh

女兒3.5歲，讀全日制卷幼。我其實想佢讀卷校，因為我覺得中文仲難過學英文，所以覺得越多學習上的中文語境，對學中文製造更多有利條件。
至於英文，女兒一星期有2日monkey tree, 我自己和先生也可專業地教英文，經常伴讀，在家也有語境，所以女兒現在也可以用英語完整句子表達。(當然不及用中文表達好)
我自己也是十分熱衷教她的。
將來也有意考直私，但好多成功例子也是和名幼、私幼有關。
現在有意請教各位：

1. 我想問各位有無聽過出自卷校(免費教育), 考上熱門直私小或成功叩熱門學校的成功例子？

2. 考直私小和叩門時，學校會否因不是私幼而不接見呢?(特別係叩門，是否專見學術勁的名幼呢?)

monodad

1）一定有，只係比例上嘅問題。

2）叩門時，某D學校會對某D幼稚園生有偏好，私幼都要視乎係邊間。直私就報得名交得錢都要俾你in，收唔收就另一回事

fishball_cream

我囡讀卷幼，但較內向，都有私直offer。而家讀緊直資英小，囡身邊同學比例上係多私幼畢業生，但我相信父母栽培佔了重要的一環。

直私收生相信係睇面試表現多。

mytambb

greatdadckh 發表於 19-5-26 17:32
女兒3.5歲，讀全日制卷幼。我其實想佢讀卷校，因為我覺得中文仲難過學英文，所以覺得越多學習上的中文語境 ...

考直私，但好多成功例子也是和名幼、私幼有關 - 其實您已經提到了重點。

如果有心考直私，建議還是讀私幼較好。

greatdadckh

fishball_cream 發表於 19-5-26 17:47
我囡讀卷幼，但較內向，都有私直offer。而家讀緊直資英小，囡身邊同學比例上係多私幼畢業生，但我相信父母 ...

我女兒也是內向的(emoji)
聽說卷幼程度較淺，請問你女兒可以適應直資英小(而大部分同學來自私幼)的課程嗎?

monodad

Btw, 卷幼嘅中文語境比私幼好呢個邏輯有D問題。

legolas625

目標直私，都係私幼好，有名氣，如果入到間龍煩少D。

利申: 學券幼入直私

fishball_cream

greatdadckh 發表於 19-5-26 17:59
我女兒也是內向的(emoji)
聽說卷幼程度較淺，請問你女兒可以適應直資英小(而大部分同學來自私幼)的課程嗎? ...

無問題呀，她喜愛英文，小一暫時成績中上，但坦白說我們父母也出了不少力，自小每天伴讀，學術從沒外補，我自己跟的。

assado

直/私收生主要看面試表現。

私幼, 學卷幼都有机會考到直/私小, 只是比例上, 私幼生會較多。

adriantai

我覺得應該, 不過你既情況可以唔洗

chriskaan

回覆 greatdadckh 的帖子

其實以你的條件 , 應該讀讀全日制卷幼就可以 , 因為中文的確係難過英文好多好多....!!
因為 , 起碼小朋友的自理同自律能力會好D , 好弘家長話考小學 , 係睇小朋友表現的 , 培養小朋友有自信同肯嘗試係好緊要...!!  

legolas625

咁睇你讀咩券幼，有d券幼好淺好廢，只係託兒所，搞到我自己要跟番中文数学，英文同普通话自然唔掂，我又要跟，揾外補堂，用的$同私幼差不多，又另外用上大量時間，辛苦死我。樓主有要求，就揾間深的券幼。

baby7

monodad 發表於 19-5-26 18:23
Btw, 卷幼嘅中文語境比私幼好呢個邏輯有D問題。

同意
私幼中文唔一定淺過卷幼架
（甚至乎出名嗰d私幼仲深過卷幼都唔出奇）
呢樣樓主要做多d深入了解

講返正題
如果有心入直私
我都認為樓主應該為小朋友報私幼
始終學校嘅課程設計同自己家長自家安排嘅都唔同

南丁媽咪

我仔九龍塘私幼
去到k3真係教得深
學卷幼稚園的小朋友原來真係冇教咁深

不過，我地in 三私其中一間，都只係考單數加減數。我覺得除了學術，反而更選擇適合學校"氣質"和"style"的學生。

greatdadckh

叩門時係咪要做卷的？我知道私幼操寫字較多

pekovian

身邊的確有朋友讀券幼而滿手直私甚至神校offer，但小朋友資質好而父母功力深厚。

有要求有能力，揀私幼，課程設計、家長配合、學生能力、考小支援都同券幼有分別。（著名龍券另計）

pekovian

仲有，唔見得券幼中文語境會好過私幼，LH、KV既中文語境同課程一d都唔淺！

小曳人

中英文水平，我相信大多數情況下，私幼會教得深d

至於小學收生比例問題，其實好簡單，願意俾多d錢响教育上嘅家長，大多都會俾孩子讀私幼，再教直私小學，所以自然直私收得多私幼學生啦！根本連申請表都係大多來自私幼！