F2大考範圍

b3410

其實我覺得只有歷史/地理，需要記憶，考試前要溫書，其他科目平時應該已經掌握，考試前操題，已經足夠。

webjen

回覆 jc2009 的帖子

官校考試是否間間一樣我唔肯定,我囡係上下學期1UT1考,只知另外2間官校係一樣!!至於谷唔谷,我囡學校係BKEK見到comment係谷,可能因為band1,d 人就以為谷(所以唔好信晒網上言論),其實唔覺得谷,仲好hea!

1998Ruby1998

好多小學下學期都係考全年，仲要唔係 4 科，有 5-7 科要考，咪一樣要背。得嗰 6-7 歲，都已經要背咁多，你 double 佢地年紀，12 科都唔離譜。

唯有自己平日溫，一科當你 200 頁，讀 9 科，溫書 80 日，都係一日 30 頁姐，更何況好多都係已經唔洗背，例如英文、數學。

我以前讀 Eng Lit，閒閒地一本書 150 頁， 2 本，再加 8+ 個 20 版嘅短篇小說，未計要背電影 script，咪一樣照考。Geog 本身已經有一半系 common sense 可以唔洗死記，120 頁碎料
老師早已教落，要溫得『聰明』，唔需要全部死背，讀左咁多日，點都一定摸到邊啲需要詳細溫，邊啲略過。咁都唔識的話，咁你預計 6 年每年考試都掙扎。

王家爸爸

Yanamami 發表於 19-5-15 18:34
DSE点考？塞哂高中既野入腦？Train得黎啱㗎勒

每科都過千頁，點考？ 認真讀、多思考係唯一既方法。

王家爸爸

b3410 發表於 19-5-17 14:58
其實我覺得只有歷史/地理，需要記憶，考試前要溫書，其他科目平時應該已經掌握，考試前操題，已經足夠。 ...

其實兩科既溫法好唔同，歷史主要靠記，地理需要理解。

1998Ruby1998

王家爸爸 發表於 19-5-20 09:29
其實兩科既溫法好唔同，歷史主要靠記，地理需要理解。

呢樣啱吖，我背野比較差，Geog 小學開始都已經好好，唔洗點背，好 common sense，日常見到，唔抽象。宜家資訊發達，有乜概念唔明，上 YouTube 睇片好快明。

歷史離我太遠，我唔係差但冇我啲同學背得咁叻。Geog 我仲可以跳黎溫，歷史真係冇得跳，要版版背。2000 年嘅歷史 wor，咁易塞入腦咩  

王家爸爸

1998Ruby1998 發表於 19-5-20 09:51
呢樣啱吖，我背野比較差，Geog 小學開始都已經好好，唔洗點背，好 common sense，日常見到，唔抽象。宜家 ...

歷史其實唔難讀，中國歷史朝代分別係：夏、商、周（分東周、西周；西周又可以再分春秋、戰國），秦朝、西漢、東漢（西漢、東漢中間有個新朝）、三國、西晉、東晉（部分西晉、整個東晉都同五胡十六國重疊）、南北朝（東晉之後既混亂年代，分南朝同北朝，南朝有宋、齊、梁、陳，北朝有東魏、西魏、北齊、北周）、隋朝、唐朝、五代十國（唐朝之後既混亂年代，同遼代重疊，五代有後梁、後唐、後晉、後漢、後周，十國有南吳、前蜀、吳越、楚、閩、南漢、荊南、後蜀、南唐、北漢）、北宋、南宋（同金朝重疊）、元朝、明朝、清朝。
五代個個國家都係「後」，十國記得因為 being born in the wrong place at the wrong time 而入錯行既南唐李後主。
中國歷史朝代中，統一王朝得秦朝、西漢、東漢、西晉（勉強叫做係）、隋朝、唐朝、北宋、元朝、明朝、清朝。 任何王朝可以統一，一定有天地人既原因，人主要係強勢領袖（例如秦始皇）而且需要係以前幾代既努力（戰國年代，幾代秦王都係七國中最強）；任何王朝之所以崩潰，都係一定有天地人既原因，人主要係弱勢領袖（例如：秦二世、劉禪等）。非統一王朝、王朝重疊、混亂年代等既發生，一定係無一個超級強勢既領袖，或者係領袖唔差但係出生係唔啱既時間、唔啱既地點。
另外，我當年既記法係影印一堆中國地圖，將每個典型歷史事件發生既時候，各國位置分佈、軍力變化、進攻防守路線等。

妹妹頭

回覆 王家爸爸 的帖子

其實...... 你係咪教書架? 教中國歷史?

王家爸爸

妹妹頭 發表於 19-5-20 14:15
回覆 王家爸爸 的帖子

其實...... 你係咪教書架? 教中國歷史?

我以前教BBA同MBA既，曾經諗過寫書講用管理既角度睇中國歷史，不過資料太多，好難寫，所以放棄咗。

妹妹頭

回覆 王家爸爸 的帖子

原來係高人, 失敬失敬....

妹妹頭

回覆 王家爸爸 的帖子

請教, 阿女中一,  之前考果d, 佢都話ok, 雖然唔叫做高分, 大家都滿意, 但今次考晉, 南北朝, 佢就話好難記, 點搞?

王家爸爸

妹妹頭 發表於 19-5-20 14:38
回覆 王家爸爸 的帖子

請教, 阿女中一,  之前考果d, 佢都話ok, 雖然唔叫做高分, 大家都滿意, 但今次考晉,  ...

有無睇吳秀波既軍司聯盟司馬懿，如果有睇應該對魏晉南北朝既前期（魏晉）好熟（劇情係假既，但係主線唔太假）。南北朝部分，因為係大混戰，所以真係比較難記。

妹妹頭

回覆 王家爸爸 的帖子

冇睇呀! 佢直頭想背左佢, 但又好難背, 有冇HINTS?

gracelam

王家爸爸 發表於 19-5-20 14:27
我以前教BBA同MBA既，曾經諗過寫書講用管理既角度睇中國歷史，不過資料太多，好難寫，所以放棄咗。 ...

  

EK/BK真係臥虎藏龍

王家爸爸

妹妹頭 發表於 19-5-20 14:54
回覆 王家爸爸 的帖子

冇睇呀! 佢直頭想背左佢, 但又好難背, 有冇HINTS?

如果係我，臨急抱佛腳，無時間詳細讀，我會用主要人物做主線去記魏晉南北朝（曹家、司馬家等），再加上啲主要事件（例如八王之亂、五胡亂華、永嘉之亂等）既前因、過程、後果及影響。五胡十六國中既「五胡」，以匈奴為典型代表，佢哋長期盤踞於北方。「十六國」其實唔止「十六國」，但係佢哋既國祚都唔太長，我相信應該唔會考五胡十六國既個別國家，所以我會記匈奴為例既細小國家，點解發展成為大國（南下劫掠資源，中原抵抗不力，滅吳之後既州郡撤兵，用招安既方法對待胡人等），最後搞到好大鑊。

王家爸爸

其實好多成語、口頭禪都係嗰段時間既，可以同中文一齊溫。例如望梅止渴（表現出曹操叻）、「上品無寒門，下品無世」（重視世家所引起）、「我不殺伯仁，伯仁卻因我而死」（因為無做某啲野而害死人）等。
另外，魏晉南北朝係中國文學既迷你版文藝復興，建安文學（建安係漢獻帝劉協既年號），有現實主義既感覺，用現實生活既素材，結合作者既個人情感（喜怒哀樂）、目標、夢想、抱負，例如曹操既短歌行。

妹妹頭

回覆 王家爸爸 的帖子

你真係好勁, 衷心佩服, 我會用你既方法, 試下教下阿女先, THANKS

Yanamami

王家爸爸 發表於 19-5-20 14:12
歷史其實唔難讀，中國歷史朝代分別係：夏、商、周（分東周、西周；西周又可以再分春秋、戰國），秦朝、西漢 ...

生係古代你－定係軍司参謀之类

bbkingdom

王家爸爸 發表於 19-5-20 15:42
如果係我，臨急抱佛腳，無時間詳細讀，我會用主要人物做主線去記魏晉南北朝（曹家、司馬家等），再加上啲主 ...

勁.  簡潔清晰, 已cap 圖比阿仔睇

jc2009

webjen 發表於 19-5-17 16:17
回覆 jc2009 的帖子

官校考試是否間間一樣我唔肯定,我囡係上下學期1UT1考,只知另外2間官校係一樣!!至於谷 ...

多謝你的回覆, 係, 網上傳聞不能盡信....