專注力不足但未至於ADHD的小孩，應點應付?

sunnymama2

阿仔小一，佢好難專注做一樣野，做功課永有甩漏，照抄都可以抄漏或抄錯，老師評語上堂似發夢，温默書每温一分鐘就玩3分鐘，温極都唔熟，從冇100分，考試成績唔係最最最差，主因係中英文主寫錯串錯字（有些照抄都要抄錯）
坐佢隔離教佢野時，佢一定手揸第二樣野，如我教佢中文，手楂英文書，教佢數學就揸模型，教佢中文就手揸漫畫等等，完全唔理我講野。

但醫生又話唔係專注力不足，因為佢上堂可以坐定定，出外數學比賽亦可坐定定一個鐘，成績幾好

呢類唔係ADHD但冇乜專注力的小朋友，應該點應付?每日咆哮令我白髮一日比一日多? 定係專注力不足都有分幾個層次?或者而家大部分小朋友都係咁專注力不足?

小曳人

如果數學比賽成績唔錯，IQ一定高，你可以試試聯絡HKAGE嘅教育心理學家傾傾你嘅問題，睇下佢地俾唔俾到意見你
如果學校都有教育心理學家，亦可以試試

mytambb

sunnymama2 發表於 19-5-15 07:13
阿仔小一，佢好難專注做一樣野，做功課永有甩漏，照抄都可以抄漏或抄錯，老師評語上堂似發夢，温默書每温一 ...

找職業治療師或教育心理學家問問。

sunnymama2

小曳人 發表於 19-5-15 09:28
如果數學比賽成績唔錯，IQ一定高，你可以試試聯絡HKAGE嘅教育心理學家傾傾你嘅問題，睇下佢地俾唔俾到意見 ...

佢數學真係ok, 幫學校攞過團體獎，但又唔覺佢特別聰明。

我有同阿仔講過，要揾學校的xxxsir 幫佢， 阿仔好抗拒, 所以唔敢揾學校幫手。
HKAGE? 未聽過，等我 search 吓資料先。

多謝你

sunnymama2

mytambb 發表於 19-5-15 09:36
找職業治療師或教育心理學家問問。

有相熟的教育學家資料嗎?謝謝

mytambb

sunnymama2 發表於 19-5-15 10:59
有相熟的教育學家資料嗎?謝謝

已pm, 你可問下。

Jas-MaMa

mytambb 發表於 19-5-15 16:34
本帖最後由 mytambb 於 19-5-15 16:43 編輯

已pm, 你可問下。

我小朋友有差不多的問題，也可以pm我資料問下嗎？

0030

同我細女一樣，之前我也懷疑系過度活躍症，無坐定定食過一餐飯，都系要動來動去，走來走去，情緒波動很大，一不如願就大哭大鬧大叫，講不聽，不願意溫書，只會完成功課，同學校社工反映過，心理學家評估過，話無問題～但我都系煩惱，之前見到一個post話中學先發現有問題～

mytambb

ar_mak 發表於 19-5-16 11:12
想請教,在香港,家長是可以從何得知對方是一位"教育心理學家"? 會唔會有發牌制度,或者係註冊制度,或者係有認 ...

以我所知，EP香港沒有發牌制度。但你可向心理學協會查詢。私人專家EP/OT報告，學校是會睇的。

http://www.hkps.org.hk/en/
https://hkota.org.hk

評估應該EP較好；但如果想治療，OT較好。以上只是建議，請各位自行向有關學會查詢。

0030

回覆 ar_mak 的帖子

心理學家的評估系小朋友上堂的時候觀察小朋友上堂的情況，是否坐不定，是否專注力不足，因為無老師投訴過我或反映過我女上堂不專心，所以評估後就話暫時無專注力不足的情況

Mrs.Luckycat

sunnymama2 發表於 19-5-15 07:13
阿仔小一，佢好難專注做一樣野，做功課永有甩漏，照抄都可以抄漏或抄錯，老師評語上堂似發夢，温默書每温一 ...

男仔通常都有這種毛病，小問題，不用太緊張。我仔溫書時，隻手又係攪呢樣、攪嗰樣，我每次都要小炳。

emilyhmw

你個title講中我心聲，請問東區或港島有哪間小學能包容/有資源關顧這類學生？或者要避開一些只會罰小息留堂的學校？謝謝！

MrBeast

mytambb 發表於 19-5-16 12:28
本帖最後由 mytambb 於 19-5-16 12:32 編輯

以我所知，EP香港沒有發牌制度。但你可向心理學協會查詢。 ...

唔記得the official term , someting 政府/教局註冊兒童,心理醫生，若之後需要正苦服務，一定要這類才可，見過一些title 臨床,心理醫生，那些不計的。

mytambb

MrBeast 發表於 19-5-17 06:41
唔記得the official term , someting 政府/教局註冊兒童,心理醫生，若之後需要正苦服務，一定要這類才可， ...

其實香港並無「心理醫生」這種專業。一般情況下大家所說的「心理醫生」，通常是指精神科醫生 (Psychiatrist) 或臨床心理學家 (Clinical Psychologist)。

以我所知，SEN來說，政府或個別教育團體會請教育心理學家(Educational Psychologist)做評估及給學習建議。HA Psychiatrist 精神科醫生是真正的醫生，一般醫療嚴重ADHD個案會用藥。

HA Clinical Psychologist 臨床心理學家是另一樣專業，多數是其他醫院精神科病如情緒病或思覺失調等介入，對SEN很少介入。