考插班成績要求！

Agatha209

D學校要求睇最近成績都正常，但唔明有D學校要求中英數有90分以上先畀考插班試，插得班嘅，一二年級居多，初小中英數89同90差好遠咩？間間學校深淺唔同，上次100分今次插班試70分都有可能，上次70分今次100分又有可能㗎⋯⋯

Charlotte_mom

如果學校係咁講，即一分都不能少，同你理念都唔配合，何必勉強？俾你好彩入到都頻頻見家長

retriever

Agatha209 發表於 19-5-5 23:15
D學校要求睇最近成績都正常，但唔明有D學校要求中英數有90分以上先畀考插班試，插得班嘅，一二年級居多，初 ...

故意門檻姐, 呢D 邊有得拗架....

haihaimom

回覆 Agatha209 的帖子

即係話學校插班位小,但就有好多申請,9字頭都有大把學生揀

bobbob

Agatha209 發表於 19-5-5 23:15
D學校要求睇最近成績都正常，但唔明有D學校要求中英數有90分以上先畀考插班試，插得班嘅，一二年級居多，初 ...

如果降低入場門欖，做場大龍鳳又in又筆試但最終唔收會開心啲？

b3410

可能間間學校出題目深淺唔同，學校一刀切要求一個分數，自綁手腳

好簡單，好似喇叭咁，你來報名任報，我揀人見。

Agatha209

Charlotte_mom 發表於 19-5-6 10:10
如果學校係咁講，即一分都不能少，同你理念都唔配合，何必勉強？俾你好彩入到都頻頻見家長
...

係，如果升小一，我絕對唔揀佢為第一二志願，但最近搬屋，我住呢區插班位競爭實在慘烈，好多有要求嘅，睇唔順眼都要試！

Jane1983

唯有報多幾間。有時學校唔設門欖，好似可親d。但其實一樣揀，交咗表和一堆成績單，佢轉頭都係丢咗去。

Agatha209

bobbob 發表於 19-5-6 11:32
如果降低入場門欖，做場大龍鳳又in又筆試但最終唔收會開心啲？

唔係heat爆既學校，有提供考試時間地方，考5個同考10個差別好大咩？做大龍鳳定扮高竇sale知名度，無人知！

Agatha209

b3410 發表於 19-5-6 11:46
可能間間學校出題目深淺唔同，學校一刀切要求一個分數，自綁手腳

好簡單，好似喇叭咁，你來報名任 ...

無錯，所以唔係好明佢哋為乜？為成績又一刀切？你話揀舊校班級名次都可以理解。

Agatha209

IloveJJ 發表於 19-5-6 11:48
初小中英數都90分都大把喎!

事實係，唔知深定淺啦，數學卷我小朋友嗰班試過最高分都係8字頭，又試過90分以上10幾個⋯⋯

Happy-car

有D學校，初少級頭20名內，平均分都係90分以上，所以插班通常要中英數攞A（90分以上）至in,筆試後再揀人。

Sarahroman

可能學校覺得如果你原本間學校勁過佢都唔使插佢個間，所以如果係原校弱過佢的，佢要求90分以上都唔過份

Sarahroman

講真 我仔仔都報插小二 但佢考全級第7 平均分A 我都怕筆試機會都未必有 所以我自己覺得要有90分要求都好正常

Cheeselover

設限在很多情況下要求是很正常，小一小二只收幾個插班生位，稍微有點名氣的學校，每年幾十個叩門客實少不了，而學校又不想花太多時間尋找漏網之魚，再比較自己和叩門者學校名氣，索性找最高那幾個，差不了太遠。
我覺得如果叩與自己學校相若的學校，成績級二十以內是少不免，如果要上一層，級五名以內才考慮。
所以打算搬家前必須好好考慮。

Cheeselover

Jane1983 發表於 19-5-6 12:10
唯有報多幾間。有時學校唔設門欖，好似可親d。但其實一樣揀，交咗表和一堆成績單，佢轉頭都係丢咗去。
...

除了寶校和學生不足的學校，有哪學校不左挑右選？正如你講，不設限，又歡迎各方來者，最後大龍鳯完又是那幾個，家長可能更火滾。
供求關係，你求人，唯有按人家遊戲規則，如果不達標又不喜歡學校作風，唯多找幾間，天下之大，難道無容身之所？

Yanamami

Agatha209 發表於 19-5-5 23:15
D學校要求睇最近成績都正常，但唔明有D學校要求中英數有90分以上先畀考插班試，插得班嘅，一二年級居多，初 ...

初小9x~100真係大把学生有得俾学校揀，插班位又少，大家100都收唔哂，更何況未过门檻？同样道理，DSE入U都要33222,少个崩都望门輕嘆，所以好多中文科得2就無緣入U.但大学梗係由5**最高分既学生揀起啦~

1998Ruby1998

初小好多人都可以攞 9X 甚至 100，程度教得快、考卷深嘅如 DG、GH 也有人可以科科 9X，更何況係次熱門嘅學校？次熱門學校嘅卷好少出得刁鑽，有做功課、上堂冇訓著嘅小朋友，攞 90 分以上唔難。

你話 89 分同 90 分差別，咁合格唔合格都係 59 分同 60 分，59 就要留班，60 就升班。咁你點都要掂到個門檻。