如果沒有告訴孩子他是資優的請進

Chantalchan

請教！因為常常會參加大學裡我心理測試 （做研究 subect),所以帶孩子去做IQ TEST的時候，他不知道具體是什麼測試，只當是玩，他亦知道測試他的是大學裡的教授。不告知他的最大原因：不想他貼著這label 做人，更不想別人這樣 label 他請問有家長會這樣做嗎？
絕大部份人的答案：他根本自己會知道自己是資優
我的情況是他真的不具體知道自己是，只覺得自己與其他同齡的人想法不一樣，請問你有遇到像我一樣的情況嗎？

Radiomama

Chantalchan 發表於 19-5-3 16:14
請教！因為常常會參加大學裡我心理測試 （做研究 subect),所以帶孩子去做IQ TEST的時候，他不知道具體是什 ...

孩子幾多歲？我兒七歲時到中大做評估，也未知是做什麼的。但後來就慢慢明白了，因為他先後參加中大資優課程、CTY online course, 兩者都要先做評估再上課，他會不斷見到gifted/talent這些詞語，所以就會知道啦。

我覺得最重要是父母如何解釋和處理，每個人都是gifted, 有些在音樂、有在繪畫、有在文字、有在數學、有在體育，因此不存在他是特別與眾不同。

planetearth

Radiomama 發表於 19-5-3 19:56
孩子幾多歲？我兒七歲時到中大做評估，也未知是做什麼的。但後來就慢慢明白了，因為他先後參加中大資優課 ...

年幼時不會講，因為講他不會明，四年級學校有資優 選拔，他入左，每星期課後有一堂資優班，佢都唔系太明點解自己是資優，因爲他成積一般，所以唔覺得自己叻。到而家就開始問gifted child有什麼不同。他也開始感覺到某些方面他沒花什麼努力都比別人學得快，尤其數理上的理解。但我不斷強調成積/成功要靠努力。反而，他很怕無朋友，唔想被 標籤爲nerd, 説不想成積太好……

deco99

Chantalchan 發表於 19-5-3 16:14
請教！因為常常會參加大學裡我心理測試 （做研究 subect),所以帶孩子去做IQ TEST的時候，他不知道具體是什 ...

我有，如無必要我都唔會俾我小朋友做測試，只係我估佢有可能係資優。我自己其實都接受過資優教育，但唔係本地，都係考試入，果時我老師都唔建議家長俾小朋友測試iq，話無咩意義。

小曳人

你今日唔講，他日佢都會知，無緊要...
我仔自少就知，佢諗野方法同人好唔同，佢覺得自己係怪物
你唔去label 佢係gifted，佢就label 自己係怪物....


仲有，你唔講，其他人都一樣可以label
我就唔會理其他人點諗..

最大嘅歧視，就係唔了解...

miffythepooh

班主任家長日時傾開，佢話懷疑小朋友係marginal資優 or marginal 專注力不足，建議我地去做test...
諗咗一輪同小朋友講⋯⋯之前做咗「學童牙科保健」、「學生健康檢查」，而家做埋「學童智能保健」⋯⋯😅😅

當去到centre reception 問我地時佢仲搶答話唻做智能保建⋯⋯

班主任當日都只係喺小朋友隔離做口型同我地講「資優」，所以仲未穿煲⋯

不過紙包唔住火，等收到詳細report 會同小朋友坦白傾一次，我認為只要態度正面心態正確這是一定要同小朋友一齊坦白面對嘅事情，令佢放心信任我地並一起一直支持佢地成長⋯不過坦白之前當然先要自己做定功夫，調整好心態同方向⋯

我地都在摸索學習中，大家加油！💪💪

Chantalchan

回覆 小曳人 的帖子

Thanks!多謝你的input就是太多人不了解了。

kkgai

Chantalchan 發表於 19-5-8 14:36
回覆 小曳人 的帖子

Thanks!多謝你的input就是太多人不了解了。

我都從來無同阿仔講過，我唔想佢覺得自己特別奇怪，但佢成日都自己一個人玩，話鐘意自己玩多d, 有時做媽媽的我，都覺得佢有d 古怪，又唔覺得佢比其他小朋友聰明好多，但心理學家又話佢係資優，不過無論點，我都無諗過要講比佢知，唔想比佢覺得自己比其他人特別，我當佢係普通小朋友，佢開心就可以。

小曳人

其實，似乎家長們有需要多了解資優先

唔係你話唔話佢古怪
而係佢覺得自己同其他人唔同！你都知佢地唔蠢，咁點會唔覺得其他人慢/奇怪/蠢呢？

有d野係避免唔到，但資優兒成長教育中，有一課好重要：了解資優係乜明白當中分別，先可以接受呢d差異，體諒他人嘅不足 (同時，當然希望他人體諒佢地嘅不足)

資優無俾你神功，只係學野比人快，但要得到成果，一樣要付出，而付出當中一樣同常人咁~ 會辛苦，有好多野要克服，有犧牲... 比人快係事實，但唔付出一樣唔會有成就
可能你地小朋友仲細，你仲未見到，其實每個獎背後，都係付出比人多嘅証明
我由仔攞嘅第一個獎開始，都不停強調佢嘅努力，當然，係興趣令佢開心地投入/付出，就係呢d努力，先會得到回報

kkgai

心理學家係建議不需要特別同小朋友講，當佢係普通小朋友就得，不過個個小朋友情況都唔同，要睇返自己嗰個的情況

Radiomama

小曳人 發表於 19-5-8 17:22
其實，似乎家長們有需要多了解資優先

唔係你話唔話佢古怪

十分感謝你的分享，very well said! 阿仔與他兩位好友均是資優學生，三人一起成長，都是常常互相學習，一起切磋的。

小曳人

kkgai 發表於 19-5-9 11:34
心理學家係建議不需要特別同小朋友講，當佢係普通小朋友就得，不過個個小朋友情況都唔同，要睇返自己嗰個的 ...

yes or no

資優教育學院做學員，必需完成情意教育部搞嘅let us shine
SFA talent pool 學生，都有認識自己嘅課程，呢d唔係教育心理學家設計嘅咩？！

唔駛特別講，但又要佢認識自己囉~

b3410

小曳人 發表於 19-5-11 07:53
yes or no

資優教育學院做學員，必需完成情意教育部搞嘅let us shine

去到做學員，個大大招牌都寫了“資優學苑”，點可能唔知

小曳人

b3410 發表於 19-5-12 12:31
去到做學員，個大大招牌都寫了“資優學苑”，點可能唔知

咁~ 即係有d家長會為咗孩子唔被label，連免費培訓都會避開
資優呢樣野，如果唔keep住用腦，就自然會失去
到時，唔駛擔心，一定唔再係資優！

Anniemun

小曳人 發表於 19-5-12 15:47
咁~ 即係有d家長會為咗孩子唔被label，連免費培訓都會避開
資優呢樣野，如果唔keep住用腦，就自然會失去
到 ...

阿仔話HKAGE 的學員能力相約，上 course 有不同體驗。畢竟資優比例人口只大約有 2~3%，平時學校一級得幾個。

Chantalchan

回覆 小曳人 的帖子

從來無提過攞獎

Chantalchan

回覆 kkgai 的帖子

認同，這也是我沒有跟他講的原因，每人都有強項弱項，佢的強項我寧願說是一些好的特質，而非他的IQ

hehababy

我帶仔去做test時有大約同佢講，始終6，7歲都會奇怪點會無啦啦去做test, 出左結果之後我地有同佢傾過，但就強調佢只係呢方面比人吸收得快，但每個人叻既野都唔同，果排亦有講啲相關報導，同佢講唔努力一樣冇前途

Chantalchan

回覆 hehababy 的帖子

明白，謝謝你！

02413124

小曳人 發表於 19-5-11 07:53
yes or no

資優教育學院做學員，必需完成情意教育部搞嘅let us shine

Agree 阿仔上完let us shine 我覺得佢對自我認識係正面地好左
其實正如其他家長講，你唔講，佢地係gifted特別讀書叻或記憶力好既慢慢自己都會知。