repeat 定轉校? 求意見

樹熊MA

Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...

我想法比較大膽，建議不轉校也不留班，趁暑假搵老師一對一追成績。你阿仔上得B1直資，基礎應該唔太差。雖然話現在是倒數，但區都明白學校是冇問題，咁問題係區自身，可能年輕人輸唔起。同區開導，冇必要看著名次，最緊要自己真係學到野，自己成績有進步。要攞曬考試測驗和功課出來，搵個補習老師從頭到尾逐項PASS.利用暑假時間改善，比轉校或留班都好。留班的心理影響好難消除，仲難過“輸唔起”的影響。轉校到B3學校，校風差左，成績排第一都冇意義。關鍵係搵到個好的補習老師。不放暑假，認真追上來。只要區功課跟得上，其他問題就解決了。

joecbobo

樹熊MA 發表於 19-5-10 10:56
我想法比較大膽，建議不轉校也不留班，趁暑假搵老師一對一追成績。你阿仔上得B1直資，基礎應該唔太差。雖然 ...

認同

mcl203

樹熊MA 發表於 19-5-10 10:56
我想法比較大膽，建議不轉校也不留班，趁暑假搵老師一對一追成績。你阿仔上得B1直資，基礎應該唔太差。雖然 ...

似乎，留班與否並非學生或家長可以決定～～～

chunchunpa

elbar 發表於 19-5-3 21:36
或試 銀禧、丘佐榮、蒙民偉、呂郭碧鳳、可立。

人地band2學校都試過唔得, 好難理解" elbar "為何推介人以上中學 ?? 請分享一下.
起碼銀禧、丘佐榮 一定唔會收.

http://dse.bigexam.hk/zh-hk/ssp/school/123
http://dse.bigexam.hk/zh-hk/ssp/school/134

ericby

repeat

王家爸爸

樹熊MA 發表於 19-5-10 10:56
我想法比較大膽，建議不轉校也不留班，趁暑假搵老師一對一追成績。你阿仔上得B1直資，基礎應該唔太差。雖然 ...

老實講，如果小朋友真係可以做到，就唔會搞成咁，所以趁暑假搵老師一對一追成績，好可能只係一廂情願既諗法。

Band5

回覆 Chunyan 的帖子

我覺得只要小學基礎唔差（band1B)，語文唔差，成績跟唔上嘅原因，好大可能係未搵到學習興趣同自信問題，開始時遇到困難，成績比其他同學差，慢慢就開始抗拒，只要解決得到，要短時間追返中一中二兩年成績其實唔會太難。
我嘅建議係要先搵番學習興趣同自信，可以試下訂個好細嘅目標，例如2個月，甚至2個星期，目標要集中，只要求3科（方便將來DSE選科），甚至先以一科做嘗試（成功後先至追其他科），每科只揀選一兩個topic，搵個好嘅補習老師，同佢重新學習（當由零開始），唔好要求佢識做作業同考試卷，只可以要求佢明白了解內容，唔好操練，只可以用同佢傾計形式睇佢明唔明白，例如數學，唔駛佢計答案，只問佢計算方法，歷史就只要佢講得出重點，答得到就俾多啲稱讚，如果佢覺得題目唔難，自己都明白，興趣同自信都可能會返嚟，呢個時候如果佢唔抗拒嘅話，先至可以俾佢試做作業同試卷！一兩個topic得嘅，其他嘅topic應該都會可以，那時候只需要嘅只係時間問題！

我建議趁著今日父親節，同佢傾下，要求佢用2個月或2個星期嘅時間（當然係考完試後）當做父親節禮物，只需要佢下決心去嘗試同肯用心聽補習老師講，完咗之後再檢討，無論任何結果都支持佢！

唔知成功機會有幾高，但作為父母，幾細嘅機會都會想嘗試！

haihaimom

回覆 Chunyan 的帖子

主科中英數合格嗎？表現如何？其他科有邊啲表現好啲?

Jane1983

王家爸爸 發表於 19-6-10 14:33
老實講，如果小朋友真係可以做到，就唔會搞成咁，所以趁暑假搵老師一對一追成績，好可能只係一廂情願既諗法 ...

其實係中二呢個位，仲有機會扭轉局面，當然要小朋友有决心，同埋家長要幫佢。

小朋友唔識諗，勉强升班或留班亦係低處浮沉，捱到畢業，早一年遲一年亦無太大分别。

moon88

elbar 發表於 19-5-3 21:36
或試 銀禧、丘佐榮、蒙民偉、呂郭碧鳳、可立。

好多唔收的.

moon88

Band5 發表於 19-6-16 11:51
回覆 Chunyan 的帖子

我覺得只要小學基礎唔差（band1B)，語文唔差，成績跟唔上嘅原因，好大可能係未搵到學 ...

你要想想到中三科目更多更加辛苦. 留了中 2, 上到中3又點算?

Band5

moon88 發表於 19-6-20 16:06
你要想想到中三科目更多更加辛苦. 留了中 2, 上到中3又點算?

對大部份學生嚟講，中三會好辛苦，但對於成績本來已差嘅學生，就其實冇乜分別，因為佢嘅目標已好難要兼顧每一科，我建議佢全力放在中四嘅科目去追，其他科唔得嘅就不如放棄，總好過冇科掂！

moon88

Band5 發表於 19-6-21 18:54
對大部份學生嚟講，中三會好辛苦，但對於成績本來已差嘅學生，就其實冇乜分別，因為佢嘅目標已好難要兼顧 ...

但是平均分會拉底, 也是升不到班.

洋蔥頭媽咪

Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...

我都建議 repeat 一年S2.  小學B1成績唔代表中學就一定能應付，要睇小學本身課程是否偏淺，又或是家長是否習慣貼身督促，呢類孩子通常升中後一放手好大機會跟唔上。
既然中學唔錯又肯比小朋友留班，應好好利用留班呢年時間努力去追返，打番好底子，因S3係最多科目嘅一年，若S1-2基本功差S3都幾難讀得好，勉強升只會更大錯敗感，而且S3成績要選科，成績差未必能選心儀科目，影響深遠。
樓主孩子既然仍受教，要多引導佢思考讀書係為自己嘅將來，讓佢明白學歷低將來條路會好難行，唔係讀書材料唔緊要，畢業後可以學門手藝一樣揾倒食，但大前題係要盡力做好本份先，最少科科合格升倒班。

Band5

moon88 發表於 19-6-25 11:57
但是平均分會拉底, 也是升不到班.

點至可以升級，間間學校可能唔同，以我所知，好多學校都睇重主科，而且留班只係考最後果幾個，如果力追主科加兩三科，要贏到最後果幾個，機會可能更大，總好過科科兼顧科科唔到岸！

即使升唔到班，既然已先搞掂咗主科同某幾科，到時轉校讀中四可能易啲，如果唔走，留班果年再追剩餘嘅科目，都會容易啲！