啟思小學附屬幼稚園

貓皮

想請教用家意見呀！即將要決定阿仔來年k1安排，想知情牛津道嘅啟附幼主打訓練小朋友自信心及表達力，唔知英普嘅語境如有呢？
另外，我見學校升小成績不錯，唔知多唔多要狂外補呢？
因為我本身住區離學校遠，要坐個多鐘先返到學，我要考慮清楚係咪作呢個選擇，謝謝!

piglover

你是否心儀啟小? 如果你想考其他真私，啟小附幼唔值得搭咁遠車讀。

鑽石仔

貓皮 發表於 19-4-29 07:32
想請教用家意見呀！即將要決定阿仔來年k1安排，想知情牛津道嘅啟附幼主打訓練小朋友自信心及表達力，唔知英 ...

啟思附幼唔值要坐咁遠車

boojiji

咁要睇下你其他choice係邊間....

貓皮

回覆 boojiji 的帖子

本身有一間語境唔錯嘅學劵學校N之後可以直升，仲有一間冇學劵的OFFER，心目中都係考直私

貓皮

回覆 piglover 的帖子

呢間係我其中一個目標，但當然都會試其他，始終啟小唔算平

piglover

如果要試其他，就唔好摶啟小幼。

sunnymama2

咁樓主其他的offer 的升小成績如何?

每人揀的幼稚園的取決因素唔同，有些重學術，有些重自信訓練，，有些重思維訓練，有些重關愛。

樓主你重邊樣? 如果係重學術，啟小幼幫唔到你，因為學術偏淺（以考小一程度黎講），但其他方面做得好好。

至於雖唔雖要狂外補，每個人都唔同，作為前用家，我自己小朋友冇外補，以及零課外活動。但升小成績算過得去。

貓皮

回覆 sunnymama2 的帖子

其實我唔鍾意谷嘅學校，如果唔計距離，首選一定係啟附幼，因為我想小朋友係活動中學習，至於升小，我仔本身收個兩間都係多入區內直資，如果睇成績，都係啟附幼好D。只不過成個幾鐘頭校車，唔知小朋友可唔可以

sunnymama2

貓皮 發表於 19-4-30 08:38
回覆 sunnymama2 的帖子

其實我唔鍾意谷嘅學校，如果唔計距離，首選一定係啟附幼，因為我想小朋友係活動中 ...

其他兩間是否步行距離? 語境如何?  如果唔係差太遠，可以揀另外兩間。
其實考直私，學校之外，最重要都係家長如何培養子女。

miriam

版主通知


全面禁止開立/邀請/宣傳任何親子王國以外之通訊群組.


鑑於近期不斷有用戶開立親子王國及教育王國以外之通訊群組，並在版面邀請其他國民加入，過往管理團隊只會在版面作出溫馨提示，但情況一直未有改善，更有不法份子通過站外群組進行宣傳活動及滋擾國民。為保障國民安全及個人資料免被外洩，由即日起，全面禁止開立/邀請/宣傳任何親子王國以外之通訊群組，一經發現，有關帖子將會移除或屏蔽，屢次或嚴重違規者，將可被警告或禁言。

再次提醒各位國民，在參與討論時，請勿隨便透露自己的個人或通訊資料，更應避免在版面公開自己的真實姓名、電郵地址或聯絡電話，以免受到不必要的滋擾。謝謝！

虎DAD

貓皮 發表於 19-4-30 08:38
回覆 sunnymama2 的帖子

其實我唔鍾意谷嘅學校，如果唔計距離，首選一定係啟附幼，因為我想小朋友係活動中 ...

如唔要太催谷又活動教學，啟小絕對符合妳要求，每天都會有Net跟普通話老師上堂語境都不太大問題，雖然學術比不上其他名幼，但我反而喜歡佢地係教學術以外嘅知識，有時放工返黎佢都會問啲好奇怪問題，連自己都要上網搵資料，比個機會我地大人都識到，原來自已都唔知嘅事情。

考小一就睇妳要咩心儀學校喇，我地兩公婆目標係無咁大壓力嘅小學，所以學術上無特別催谷，放工返去都係睇下功課，再加15~30分鐘溫習，其他時間就係玩，玩，玩，K2開始就逢星期六就返兩個鐘英文班。
最後都有唔少offer：啟小，啟基，聖31，音小，崇真，禮賢，德箤同九龍灣聖約瑟。最後揀左第一目標啟基小學。

雖然啟思學術真係比唔上好多名幼，學校又唔會特別催谷，但都有唔少同學入到出名嘅直私，亦都有唔少扣到名 津，所以啟小都係一個唔錯嘅選擇。