你哋嘅仔，幾時開始識緊張呈分試？

Lu324

放鬆D

lamtw2011

今年小兒呈一到呈三也沒緊張過，也是踢一踢郁一郁，但功課自己搞点，出來成績也可以在，順其自然吧！

B.B.BaBa

tong831 發表於 19-4-27 18:52
男仔始終係養家主力，經濟之柱

時代唔同了，好多家庭唔會分邊個係支柱，邊個負責教細路。唔少家庭係兩公婆共同分擔家用及教務，當然女方可能在教務方面會著緊多D

kiukiupig

除非細training到大, 小朋友對自己要求好高, 默書取99分都喊餐死嗰啲。否則多數小朋友都係父母緊佢唔緊, 好似唔關佢事咁, 真係激死你!

b3410

唔識緊張，其實係好好的性格，我仔都係。好處就係每次考試自我感覺良好，零壓力。

chrischeung

回覆 swytca 的帖子

你講得好正,竹門對竹門,鐵閘對鐵閘

LeeCC

我個無中英數每日溫習，只係評估前的weekend 溫下

我都想佢可以養成每日溫習的習慣，但見佢做完功課，練完樂器，想睇書，想玩一陣就睡覺，都唔忍心要佢溫習

hohoho36

簡直同路人！我仔都係小五，發覺成績開始大跌。我仔要踢先郁，有時踢都唔郁，我要返工，放工返黎其實無乜時間跟功課啦，又要食飯又要沖涼，功課基本上佢自己攪掂，但你睇得出佢係求其做完就算數，對自己0要求，乜都無所謂，只愛打機同睇電視。我教佢教到好倦了！

little_yolky

tong831 發表於 19-4-27 18:52
男仔始終係養家主力，經濟之柱

女仔想嫁個好老公，都要生得靚。唔靚又係靠自己。乜你唔知依家香港女仔工資平均比男仔高咩？

其實中英數唔駛日日溫，除非你要求佢考top3。我細個日日預習兼溫書，阿女只係臨測考前溫，我考級二佢考級六，唔差好多，中學都係咁考。但我付出成本高好多，唔划算。

阿女係P4參觀完中學開始alert，P5開始緊張+發力，一次好過一次。

little_yolky

hohoho36 發表於 19-4-27 20:12
簡直同路人！我仔都係小五，發覺成績開始大跌。我仔要踢先郁，有時踢都唔郁，我要返工，放工返黎其實無乜時 ...

俾D心機啦，我當初教阿細都教到好攰，依家P4，好咗好多了。雖然無家姐主動，但起碼「想」有好成績，同埋有入咩中學既目標。男仔可能係差D，我都等到呢日，你俾心機呀！

Soundervolt

學習動機、自理等等都需要從小開始培養，去到呈分先至開始搞已經遲，如果用責罵就會改善，咁養兒育女就唔使咁頭痕。五年班已經大個仔，開始明白事理，平心靜氣同佢傾下目前情況（唔好講讀書唔成將來做乞兒呢尐虛無飄渺嘅說話），用鼓勵嘅語氣同信任佢嘅口吻，同埋俾佢一個能力內可以達到嘅目標一齊面對，讚得小朋友多，有時佢地反而唔好意思，唔想冇咗父母嘅讚許。

little_yolky

swytca 發表於 19-4-27 22:06
容貌總有天會老個麼，40，50歲總會亮過20多歲後生女，所以自己要貨正價實
...

如果諗住嫁個老公等養果D，唔該2X歲就上岸啦，仲等3X咩！BTW，我係覺得4X歲既洪欣靚過⋯⋯

faikam

tong831 發表於 19-4-27 18:18
幾時識主動溫習，唔洗你勞氣，唔會等你收工返屋企，再罵一輪，催佢一輪，才郁手做嘢？
我仔完全唔理唔緊張 ...

以你嘅描述, 好難會識得緊張呈分, 就算順利完成你投訴緊嘅嘢, 都未必會緊張自身呈分成績, 更何況連佢仲要你督促住佢。

其實, 你細個識自動自覺做晒啲嘢, 可能係你叻啫, 你又唔可以將你細個做到嘅嘢, 覺得理所當然。

每個人都有唔同特性, 所以我覺得父母主要係幫個小朋友發掘長處, 而唔係想佢實現你嘅期望。