我想了解學琴啲嘢

shirley2014

我小朋友小二，以前佢都經常提話想學琴，近日佢興起睇學校音樂書，對住電子琴自學彈書本嘅歌（自己摸索啲音，簡單可以彈到出來），彈完口話好想學彈琴，話好鐘意，但是我好猶豫。
一來：其實我也想佢學一種音樂，但琴又大好佔地方（如果學可能租琴室練）
二來：鋼琴現正有D中學5計分
三來：越上越貴

我已經好鄭重同佢講，如果學5可以輕易放棄一定要考到八級為止；而且經常練習時間一耐係一件「苦悶」的事，因反復要練。5知佢究竟明唔明，反正就話冇問題⋯⋯

唉…樂器我真是唔懂，只知道有級考（唔知要學幾耐），又話要考樂理（又5知幾時點考），其它乜都唔知了⋯⋯

LeeCC

系囉，現階段都係俾佢試下，或者到高小佢又變心，想學其他樂器

或者你可以俾佢先學琴，有個底，遲些就讓他接觸不同樂器，讓他揀一種樂器學落去和承諾堅持到八級

Jane1983

鋼琴初學其實唔貴，幾百元4堂。佢好想學，就比佢試吓，一來音樂修養陶冶性情，二來學識睇譜等基本樂理，對日後係學校的音樂科亦有幫助。

一日未買琴，一日未算太大commitment。佢學落去真係唔鍾意，換過第二樣體藝亦唔係咩大事。

gracelam

shirley2014 發表於 19-4-8 00:01
我小朋友小二，以前佢都經常提話想學琴，近日佢興起睇學校音樂書，對住電子琴自學彈書本嘅歌（自己摸索啲音 ...

學樂器唔一定要對升中有幫助先去學, 音樂可以開拓腦部發展, 可以陶冶性情, 可以培養專注力及耐性。

如果經濟唔係最大問題, 小朋友主動話學, 一定比佢地學, 當然事前約法三章, 唔好半途而廢, 到買琴先再認真考慮都未遲。

little_yolky

shirley2014 發表於 19-4-8 00:01
我小朋友小二，以前佢都經常提話想學琴，近日佢興起睇學校音樂書，對住電子琴自學彈書本嘅歌（自己摸索啲音 ...

拿, 小朋友學樂器, 就唔好諗升中有無幫助, 諗升中, 就唔好學琴。學琴, 除非你屋企有會所可以租琴, 否則, 要練, 都係要買, 不過, 依家有D數碼琴, 相對薄身D, 無咁嘥地方, 幾千蚊, 又可以做分期供, 你計下租琴抵D定買數碼琴抵D。

至於練琴係咪苦差事呢, 其實好相對。初學彈歌仔都好有趣, 學學下要彈scale就真係有D悶，不過, 如果你有時間, 可以陪佢聽住佢彈, 有D歌好好聽, 你表現得開心又陶醉, 小朋友會練得份外落力。


開頭就唔好諗級住, 因為考級主要練3首歌仔, 不如等佢開心下先, 好多人目標為本, 一年一級, 但真係只識彈考試果三首歌仔。樂理係考六級至要, 所以好多人都考到5級唔玩。

hkspiderman

學琴唔一定要考琴， 我女齋學無考， 升中前有8級能力（老師話）， 亦贏過學界，到依家佢都話冇興趣考只為開心。

Lu324

1/ 放棄固定餐枱轉用蝴蝶枱
2/ 如為升中應學其他
3/ 初學唔貴
我個學左幾個月既仔, 有日教我彈, 佢彈一個八度，叫我彈另一個八度, 二人四手聯彈. 當然係BB歌, 不過果下好開心. 搞到我都想自己去學埋一份. 大仔見細仔彈又走去玩下. 感覺係屋企多左個大玩具咁

GreenMaDad

如果為考中學，小二先開始學琴應該太遲。
如為興趣，可以試下學電子琴，不過不多地方有班，因為大多人認為鋼琴才是正宗。但其實電子琴做到的效果很不同，喜歡流行音樂的會喜歡電子琴，我見到這世代做音樂揾到大錢的，都是用電子琴作曲、编曲。

心急媽媽xxx

GreenMaDad 發表於 19-4-8 13:47
如果為考中學，小二先開始學琴應該太遲。
如為興趣，可以試下學電子琴，不過不多地方有班，因為大多人認為 ...

搵到大錢其實唔關用咩琴，只關乎那人的音樂天份

nkd

shirley2014 發表於 19-4-8 00:01
我小朋友小二，以前佢都經常提話想學琴，近日佢興起睇學校音樂書，對住電子琴自學彈書本嘅歌（自己摸索啲音 ...

佢經常話好鍾意好想學，應該支持。一定貴，越好老師越貴，要預個個月二、三千元學費（幾年前價錢）。學學下，都要預買鋼琴。

佢明白屋企為佢學琴付出好多，佢真有心會努力學。起初租琴室給佢機會吧。

MrBeast

shirley2014 發表於 19-4-8 00:01
我小朋友小二，以前佢都經常提話想學琴，近日佢興起睇學校音樂書，對住電子琴自學彈書本嘅歌（自己摸索啲音 ...

set target 不是問題，但個人認為八級太遙遠，how abt, 先試一兩個月是否三分鐘熱度，再想繼續就要彈到某幾首歌，分幾次定一些短期achievable targets

little_yolky

shirley2014 發表於 19-4-8 00:01
我小朋友小二，以前佢都經常提話想學琴，近日佢興起睇學校音樂書，對住電子琴自學彈書本嘅歌（自己摸索啲音 ...

樓主，初學唔駛咁貴，一般小朋友30分鐘，能坐得定就45分鐘。我阿細學一級都係88X四堂，一星期一堂，響通利。有D社區中心仲平D添。家姐三級都係9XX四堂而已，唔駛2-3000蚊一個月

小黃豆B

假如經濟許可，小朋友又願意，學音樂真係一個好興趣。
我兒子小時候人性急又情緒化，但從小一俾佢學琴，不知不覺已七年，年紀越大越睇得出改變既明顯，成個人平靜左懂得控制情緒。

我親眼見過朋友為左考級迫兒子練琴，仲要錯音即閙，搞到小朋友直頭喊出來，所以我同兒子講學琴係興趣，有一日佢無興趣我就唔會浪費錢，我地從來無用考級迫佢學習，只要老師話佢程度夠我地先去考，雖然進度係比人慢，但佢無壓力下反而開心學左咁多年...

小黃豆B

IloveJJ 發表於 19-4-12 07:24
咁你小朋友肯練琴嗎？我覺得無壓力學唔難，無壓力又肯練琴先難。

咁我亦有同佢講你唔認真練琴就即係無興趣，咁就唔好再去學。佢因為想繼續學，所以就會練，雖然有時都會偷下懶，但慢慢就養成習慣!

bobbob

IloveJJ 發表於 19-4-12 07:24
咁你小朋友肯練琴嗎？我覺得無壓力學唔難，無壓力又肯練琴先難。

以我仔為例，學琴係為咗應付學校考試，所以臨考試前會練熟啲，其餘日子就hea練，都無乜壓力

bobbob

IloveJJ 發表於 19-4-12 12:57
咁又唔值得喎，如果學琴而唔練平時教既歌，覆琴都無進度，咁係嘥錢嘥時間。
...

唔係唔練，係hea練每星期彈少少，人哋可能2、3個星期可以彈完首歌，佢可能要4、5個星期。。。我對佢無要求，得閒肯去彈下都幾開心，考試過到骨已經叫賺咗，我驚迫佢練反而會適得其反