用戶登入
用戶名稱:
密      碼:
搜索
教育王國 討論區 升中派位 SPCS 2019 面試後記
查看: 10757|回覆: 68
go

SPCS 2019 面試後記

Rank: 2


97
發表於 19-4-4 23:16 |顯示全部帖子
本帖最後由 legofigure214 於 19-4-4 23:40 編輯

先利申:我係呢度做左CD-ROM一年,新豬肉,新手DADDY,如有得罪,唔好意思呀!


首先,感謝呢度各位前輩的留言、數據、在校經驗同面試經驗,特別鳴謝Charlotte_mom、 HKPAPA852、憫父、王家爸爸、2jkidsfather、Cliokohonda(下刪幾十人),參考奧C卡做法……太多人要多謝呀!過去一年,偷偷刨左你地係EK的留言呀、數字呀、意見呀,獲益不少。雖然有不少地方仲唔係太清楚,不過我已經盡力刨架啦!為左寶貝女升中,而老婆又成日飛,唯有我頂硬上啦。當然係好多資料搜集地方,我知我係要求其之人,希望大家唔好嫌棄我係呢個時候盡力回饋EK,我驚過多幾個月,我十成十懶懶下之後唔記得寫。


好啦!要CUT廢話,入正題啦!


小女今年小六,有幸得到SPCS 的取錄,九月成為熊貓鞋一份子。

佢係港島區讀書,只報左3間女校:SPCS、YWGS同MSS,係學校,佢成績算中上,不是TOP 10,我估大約 B1B。


第一階段:報名

報名表一份、3年成績表(交左P4、P5、P6上學期)

英文個人簡介(約200字)

4份BOOK REPORTS (兩中兩英)- 1本ROALD DAHL、1本繪本、1本歷史、1本名人傳記,每本約300字 - 500字

好似仲要交一段你對學校有咩貢獻 - 都係百零字,是但講下服務人群之類。


個人覺得BOOK REPORTS 選咩書不是重點,我任我個女自己選,佢選嘅書除左ROALD DAHL叫大路,另外三本都係好冷門,唔係咩高深、有見地嘅書。


第二階段:1ST IN 面試

當日(12月),年宵咁多人。約600人面試,分上下午兩場。睇返當日阿女同啲同學面試時間,見上午或下午對入第二輪應該冇咩關係。


根據阿女轉達的話,九成時間係呆坐,可睇自己書,不可玩手機,有段時間有電視睇,一個一個排隊入課堂進行面試。

今年,阿女被要求向老師PRESENT 全部 BOOK REPORTS,我地冇預備POWERPOINT,只拎左 4張 PAPER SLIDES,一個REPORT,一張PAPER。


PRESENT完,老師有根據書本內容問問題,每本都係兩三條,冇咩特別地方。


之後,用英文同阿女傾左幾句,同自己的PROFILE有關,例如:你參加某項活動,你學左咩野呀?點幫助你成長呀等等。

另外,都有問非PROFILE 問題,叫你講一條香港特色街道,點解?


仲有,抽波波答問題,好似一條定兩條,我唔太肯定。阿女其中一條係 “What is your favourite season?” Why?”, 其他聽返嚟嘅問題有: “What is your favourite subject? Why”? , “If you were an inventor, what would you like to invent for human being?”, “How to solve global warming?”


面試九成時間用英文回答。


面試後,全部人一齊放,基本上,呢個面試係花左4小時。


當日係門口大堂貼左通告,2018年12月 1ST IN後要2019年3月先至會出2ND IN 面試名單。而我地就咁亦放低呢件事,將重心放晌另外2間面試啦。

老實話,我係冇諗過阿女入到 2ND IN的。


插曲:阿女話面試等候期間,有人問佢你入左去啦?問左你咩問題?可唔可以講定俾我知。跟住俾PREFECT 姐姐見到阻止左,最後我個女冇答佢。


仲有第三階段:2ND IN 面試未寫,聽日要早起,大家有興趣我先寫啦!


唔好怪我手腳慢呀!我仲用緊手寫筆呀……


點評

2jkidsfather    發表於 19-4-5 16:25

Rank: 2


97
發表於 19-4-4 23:22 |顯示全部帖子
唔知點解第一個POST 啲字咁細⋯⋯ 點樣改大返  

Rank: 3Rank: 3


119
發表於 19-4-4 23:31 |顯示全部帖子

回覆樓主:

等待

Rank: 3Rank: 3


415
發表於 19-4-4 23:32 |顯示全部帖子

回覆樓主:

報spcs真係好唔簡單,從預備報名,寫report、上網填報名資料、4小時第一次面試、即日取二面証、二面見學生加家長,想起都覺得不可思議。

佩服你的細心,連女兒面試問題都非常清楚,我女一面後都不敢多問,只講鼓勵說話,因為12歲小朋友要面對多次難度很高的面試,實在不易。

Rank: 3Rank: 3


415
發表於 19-4-4 23:33 |顯示全部帖子

回覆樓主:

等待x2

Rank: 12Rank: 12Rank: 12


73937
發表於 19-4-4 23:34 |顯示全部帖子
多謝你既summary. 最吸引我既地方係竟然有人问你女被问左咩问題……真無言

Rank: 7Rank: 7Rank: 7


11079
發表於 19-4-4 23:36 |顯示全部帖子
legofigure214 發表於 19-4-4 23:22
唔知點解第一個POST 啲字咁細⋯⋯ 點樣改大返

按右上角有選擇字体大小,明天繼續寫啦!個帖會有用嘅!
你只報港島2自1直算少有,多數女仔都報3/4間女直,anyway 恭喜你!SPCS不易入的!

Rank: 2


97
發表於 19-4-4 23:36 |顯示全部帖子
回覆 Yanamami 的帖子

個位同學問左我個女兩次,第一次問,PREFECT 見到阻止左。
隔左一陣,PREFECT走左,又問。我個囡話老師話唔好講野喎。

Rank: 2


97
發表於 19-4-4 23:38 |顯示全部帖子
回覆 fatman69 的帖子

我漏左多謝你呀!你的留言我都成日翻睇架!

Rank: 2


97
發表於 19-4-4 23:42 |顯示全部帖子
回覆 Yanamami 的帖子

可能好行,但我都漏左多謝你呀!你的留言我都成日翻睇架!

點評

Yanamami    發表於 19-4-4 23:46

Rank: 12Rank: 12Rank: 12


73937
發表於 19-4-4 23:47 |顯示全部帖子
legofigure214 發表於 19-4-4 23:42
回覆 Yanamami 的帖子

可能好行,但我都漏左多謝你呀!你的留言我都成日翻睇架! ...
我無乜貢獻㗎喎……

Rank: 2


97
發表於 19-4-4 23:52 |顯示全部帖子
回覆 Yanamami 的帖子

唔係架,唔駛謙喎。
我仲未好識用EK,所以咩POST 都睇,我見你地一個男校POST又會提女校,跟住我就諗係唔係是但咩POST都要睇下,所以我發覺只係睇POST都唔容易,何況你地仲要出意見呀、比較下,提醒呀,解難呀,啲數據同選校心得真係十萬個佩服。

Rank: 12Rank: 12Rank: 12


73937
發表於 19-4-4 23:58 |顯示全部帖子
legofigure214 發表於 19-4-4 23:52
回覆 Yanamami 的帖子

唔係架,唔駛謙喎。
乜你禁認真睇C9吹水

Rank: 7Rank: 7Rank: 7


11079
發表於 19-4-5 00:28 |顯示全部帖子
legofigure214 發表於 19-4-4 23:38
回覆 fatman69 的帖子

我漏左多謝你呀!你的留言我都成日翻睇架!

如果留言能夠幇到人升到好中學,我也很開心!正如你呢個post,將來其他人睇番都可清楚地看到整個流程,也會幫到好多人。

Rank: 4


583
發表於 19-4-5 15:12 |顯示全部帖子

回覆樓主:

本帖最後由 Ak112318 於 19-4-5 15:13 編輯

很少爸爸會如此關注小朋友的升中,仲可以無私分享,你嘅貼會幫到好多人,比個讚你  

Rank: 9Rank: 9Rank: 9


23649
發表於 19-4-5 16:19 |顯示全部帖子
本帖最後由 2jkidsfather 於 19-4-5 16:25 編輯
legofigure214 發表於 19-4-4 23:22
唔知點解第一個POST 啲字咁細⋯⋯ 點樣改大返

試下:

編輯原文->全選文字->編輯格内工具中改變字大小

Rank: 2


97
發表於 19-4-6 11:02 |顯示全部帖子
本帖最後由 legofigure214 於 19-4-11 10:54 編輯

第三階段:2ND IN 面試


2019年係3月19日網上公佈入選兩輪面試名單,大約有270人(我冇數過,係其他POST度執人口水尾咋)。當日,早上8點幾已經有得網上睇名單,即刻開心到要去食一個 FULLDAY BREAKFAST 自己慶祝一下。


根據規定,入選者要即日去SPCS 拎住第一輪面試證換取兩輪面試證。我下午去取證時,離遠係門口分別見到三位阿太由SPCS走出嚟,三位都係笑瞇瞇,一個拎住米黃色紙,一個拎住橙紙,一個已經收埋左張紙。根據呢度形容,橙紙係勁人,我即刻諗到呢位阿太的女兒等同勁人,而佢嘅笑容亦都係最燦爛架!


我一入侯門,兩位書記姐姐在門口歡迎我啦!我一手交第一輪面試證,佢地用左5秒便找到我女的兩輪面試證—— 登登登 — 藍組人仕。


(EDIT 11/4/2019)

第二輪面試共有五組:橙(orange)、紫(purple)、藍(blue)、白 (ivory)、綠 (green)
(更新 11/4/2019)


根據我第一輪目測同探子回報(即我女),我地學校大約有20-25人申請第一輪面試,入選第2輪約10人。10人裡面,咩色都有,橙組佔多,紫組次之。藍組與白色應該最少。無獨有偶,我地嘅橙組人士都係在校成績最好個一批,同樣紫組次之。所以,我心裡預左入左第二輪當贏左。面對阿女,當然係表現另一個信心滿滿的老頭啦!


好啦!知道2ND IN係面見阿女加家長,好彩係有MSS面試經驗(今年仲係SPCS前一個星期六),當時都係阿女加家長,所以我地算係有經驗人士啦!


阿女一向補英文一科,小型補習班,一星期一次,勝在老師好彈性。我早兩個月同左老師講會考呢幾間女校,講左模式大約點考,叫佢幫手TRAIN下阿女的自我介紹,基本對答等等,所以老師都算有為阿女準備過幾堂,阿女亦進入左要面試的狀態。


係屋企,有兩三晚我地都試過三人會議咁講下,不過,真係得兩三晚,每次30分鐘左右。同時,一齊睇下學校網站,至少要知道考咩學校,MOTTO為咩,風格係咩啦……



面試當日,冇左人山人海的場面。


出示面試證後,每個家庭被SPCS姐姐引領去所屬課室等候。所以,應該係好幾個等候課室。而真正有考官坐陣的課室只有4個。我地係等候課室等左15分鐘就叫我地個號碼,心情輕鬆(我係)。SPCS姐姐引領去某個課室門口等一等,因為上一個家庭尚未完成,又等左5分鐘,到我地啦!


原來,藍組係三師會審,我有種感覺係見BOARD,政府工咁。


MSS 面試係兩位老師,比較CASUAL,似家長日。


三師會審係左右兩唐人(面試之後朋友話其中一個係副校),中間係外籍人士(面試之後朋友話我知係 HEAD OF ENGLISH 喎)。

我地係左右家長,中間係阿女。


枱上有計時器,一按鐘,外籍人士主攻問問題,頭盤:個人介紹,之後,環繞PROFILE同興趣問問題,途中,副校都有插入問問題。


中段時間,問情境題。(以下問題不是真實個一條,我改左少少)


假設你係環保署的署長,你會推行咩政策去改善環保?點解?


佢地從你的答案再問相關問題,係呢個位,確實係有點難度嘅。


尾段,枱上有一本ROALD DAHL的書,已經夾好某一頁,外籍人士叫阿女讀某兩段(好似),阿女係呢度讀得有點緊張。我唔知係我緊張聽唔清楚佢講咩,定係佢講得唔算好好啦(心個句我梗係覺得佢講得唔好啦)!


之後,外籍人士問左一兩個有關時間管理的問題。副校有問我地考左咩學校(3間),有咩OFFER(零OFFER)。


面試差不多尾聲。


而一位冇問過問題的老師係呢個時候問左最後一個問題:你地家長有冇問題?


我地相對而笑,我話冇咩問題啦,阿女應該今次充分表現出佢的想法架啦(明顯我硬銷自己個女)。


經過三師會審車輪問左15分鐘,阿女表現強悍,(扮)好有信心咁走出課室。而我地亦都鬆一口氣,因為心想暫時唔駛再被邀請去陪面試啦……

註:面試十成時間用英文回答。


面試個日係星期六,根據呢度指引,最快星期一會有電話消息。


而我,亦係之後的星期一收到個一個神奇電話(25XXXXXX),開心到去食譚仔放題獎勵一下自己!


PS 第一次係呢度寫POST,可能有啲錯漏,我會之後執下。

Rank: 2


97
發表於 19-4-6 11:05 |顯示全部帖子
回覆 2jkidsfather 的帖子

我盡哂力,都係攪到啲字體一舊舊

Rank: 2


97
發表於 19-4-6 11:07 |顯示全部帖子
回覆 fatman69 的帖子

Thanks Fatman69. You helped a lot!
可能我份人一向均真,係呢度拎左野,得到想要的好野,有能力都想還返一啲。
如果人人做少少,大家都好呀!

Rank: 2


97
發表於 19-4-6 11:20 |顯示全部帖子
回覆 fatman69 的帖子

你只報港島2自1直算少有,多數女仔都報3/4間女直 --> 應該咁講報幾多間係個人取向,我個人不想報咁多間。首先,目的為咩先?冇目的咁報,冇咩意思。

呢3間係我女想報,其實,仲有一間佢想報,佐敦女校。


不過,我冇報,主要因為佢成績不足以令我幫佢報名,我知道1ST IN都應該冇機會。 我講左佢同校有好幾個係佢前面,佢地都會報佐敦女校,我睇唔到有咩機會佢有1ST IN。所以,無謂浪費珍貴的時間。對學校,對自己,其實時間一樣珍貴。


於我而言,俾信心個女 /趁呢個機會教個女評估情況係可以同時進行。
你需要登錄後才可以回帖 登錄 | 註冊