小小年紀已經要面對不公平現實

samhongkong

小女初小，就讀沙田熱門小學之一。昨天放學回家後很不高興，問她時便激動地哭，很傷心。
原來上英文堂時，同學按英文能力被分成不同組别而坐，有一位外藉英文教師，偏坦英文較弱的一組同學，每當他們答問題便加分，而小女的組別，答問題卻甚少加分。

我跟女兒說，老師只是想鼓勵較弱的同學，你就當幫幫同學吧。然後女兒說，明明是那一組同學說話大聲，自己一組沒說話，老師卻懲罰女兒那組，要減她們分，而且不是一次了，其他同學也覺得老師很不公平。然後便又大哭起來了。

身為家長，我知道世界上的不公在所難免，但我不希望她少少年紀便要面對社會的灰暗面，但我又怕打電話給學校後，那位老師會從此針對小女。

請問我應該怎樣解決，和怎去開導小女好？我還想女兒對世界持有正面的看法。

vpo0615

升咗班仲會有機會由呢個外藉英文教師教嗎?
仲有幾個月就捱完呢一級....

vpo0615

當然呢幾個月都要開導女兒.....
有無其他同組同學家長嘅聯絡電話? 睇吓其他同學係咪都有情緒受困, 如果個個同學仔都一樣, 絕對可以搵班主任傾傾.....

lulumelody

其實你女囡囡已對英文能力弱的同學有偏見，囡囡講的亦可能偏面，而且，老師幫能力差的亦正常，根本不是不公平。家長應努力令小朋友明白。

Jane1983

呢d梗有既，當係社交訓練。唔係針對佢一個，好容易get over。開解吓佢，細路哥好快唔會介懷。

samhongkong

唔知道升班之後，係咪仲係呢位老師。

有可能真係誤會，所以我會叫女兒同其他同學傾下，睇下其他人點睇，以及跟同學商量解決辦法。
一星期先一堂外藉老師教，我等女兒報告埋下次情況，有需要就同其他家長商量辦法。

yovin

samhongkong 發表於 19-4-3 18:04
唔知道升班之後，係咪仲係呢位老師。

有可能真係誤會，所以我會叫女兒同其他同學傾下，睇下其他人點睇，以 ...

如果熟實:
因能力弱就→被過份偏袒、被老師強化保護，老師不是幫助，而係害緊小朋友。

不過，我一定存疑去多方查證， 唔會聽片面之詞，也會客氣地向老師了解事件， 好似傾計咁 、而唔係質問 、更不是投訴。  了解清楚事實真相，方知下一步方案……

sinam

如果小朋友太介意成敗輸贏，未必是好事。除了多方求証加以開解，也要多留意小朋友在其他範疇是否也有這種「唔輸得」的情況。

vestzs

你要明白公平待遇和平等待遇的分別先

asweetmom

不讓孩子認識真實的世界，除非父母可以一輩子圈養/保護。

ABC-DAD

如果以一個學習嘅遊戲去睇，無 羞辱或者喝罵學生嘅成分， 我覺得可以先認同小朋友唔開心嘅感受嘅，照顧左佢情緒之後，亦適當要問下有無開心嘅部分，分享下自己細路仔讀書嘅故事，遇到問題自己點面對。
不失為一個學習經歷小小逆境嘅機會，大人睇得開，處之泰然，小朋友自然慢慢可以自處。

fadgare

為什麼沒有說話就減分？不明白. 可否打去學校問一下了解情況？

pekovian

其實都係玩下遊戲啫，教個女睇開d，初小都唔細架啦，係時候學下點處理自己既心態/情緒。

samhongkong

回覆 sinam 的帖子

女兒真係有唔輸得和太重視成敗既性格。但看她的情緒，她的激動是出於受到委屈，因為她覺得無理受罰。

samhongkong

今日我再問她上學心情如何，她平伏了很多，說已經習慣了，也沒有再找同學商量。

我想是因為今天沒有外籍老師堂，她小息和午休時肯定只顧著跟同學玩了。只好等下次有外藉老師堂，再問清楚情況。

暫時不想直接找學校先，怕因為誤會而另老師覺得我們是麻煩家長。

picamama

samhongkong 發表於 19-4-3 14:03
小女初小，就讀沙田熱門小學之一。昨天放學回家後很不高興，問她時便激動地哭，很傷心。
原來上英文堂時， ...

我覺得小孩子有時講出來只是發洩下不滿，不用太大反應，像佢地平時玩都愛投訴別人點點點，自己錯又永遠話人錯。我會講老師想鼓勵英文冇咁好的同學所以咁做，令佢站在英文弱同學的角度想。再觀察先不要咁快驚動老師，除非之後覺得有影響她學習情緒才再聯絡老師。
講真小孩很受大人想法影響，我女上體育課比老師鬧回來也説老師不公平只話佢，不想上課，我告訴她是因為老師覺得佢有天份可以做得好好，但佢卻沒有用心做好，老師緊張佢所以才話佢，這個老師是好老師因為她對自己教學很認真，咁我女之後又喜歡上體育課了。

gracelam

samhongkong 發表於 19-4-3 14:03
小女初小，就讀沙田熱門小學之一。昨天放學回家後很不高興，問她時便激動地哭，很傷心。
原來上英文堂時， ...

玩遊戲比賽最終目的係學習, 除學習課程內容, 更可學習團隊合作, 比賽過程可能有"不公平"出現, 呢D亦係人生路上學習的一課。

如果老師冇惡言相向, 無故責罵孩子, 其實小事一樁, 孩子需要長大, 家長亦無需每每為佢地"出頭", 爭取所謂公平。

可能第2日已經忘記件事, 只係父母太著緊當時一刻小孩的感受。

ABC-DAD

新環境引出新體驗同有情緒，關顧下自己小朋友也是人之常情，慢慢也就適應到。