雅士圖國際幼稚園 - 感恩遇到好學校

chrischris1206

Siber1234 發表於 19-4-10 23:58
回覆 pp328 的帖子

我平時只看，但不留言。見到激烈既討論也不禁多口留言。 同意呀！我個朋友雖然唔洗上班 ...

我自己根本都就只是路過，不是用家（不過上年的確有諗過報Aristle PN），只是有朋友係Little Aristle 同KV讀。我之前回覆的原意都不是要比兩間學校，只是4月1日討論區删除左一篇批評Aristle的文章，轉過頭立刻有幾篇超長文讚Aristle我覺得好可疑，文章有提佢係用家，先PN放棄英藝、明慧，K1報左根德園同聖羅撒有offer但唔讀，成個package有啲可疑啫。我本身都唔會報KV。不過樓主不斷發文為Aristle䕶航先越講越離題

Siber1234

回覆 chrischris1206 的帖子

咁去年點解你又想報道aristle pn, 有什麼吸引你？
其實我未玩這個遊戲之前，都好緊張，聽朋友講一個offer都沒有、勁驚！

之後，我小朋友報10間10間都收，唔覺得什麼問題。英藝，明慧不是咁難入。KV, 聖羅撒可能難、但我身邊好多朋友放棄左，不是不好，只是他們有其他計劃…… 特別大B，好多時好多名幼都收，令我認為都不是看能力，只是看月份。又好像我朋友小孩是1月考KV, 無唱歌及無答老師問題。另一個8月有唱歌及有答問題，他收一月份的小孩。 好像我另一個月friend 考入蘇浙幼稚園、入了去考不喜歡，又入維記，又不喜歡現在又去了解esf.  這些都是大家認為不會放棄這些出名既校，但其實係有呢d人。 所以考幼稚園也不用太緊張，好多時你以為好難入，但做插班不難，隨時打电話有位
重申:我朋友無錢、普通人、無關係、無買債券、都入到了esf, Victoria... 之前我仲唔知聽埋d人話比$50萬排呢條隊、比$200萬果條又快d…… 我個朋友咩都無比過，好多時自己親身經歷會清楚d

離題下: 我當年生BB時，有人介紹左個婦產科醫生比我係好貴，我當時都有上baby kingdom check 過，佢比人話佢見錢開眼咁…… 有負評！但我結果找佢生，我記得佢手勢好到，一、看不見刀傷、佢在我摺地方到开。二、除了第一二日痛外，係唔痛！當然對住老公投訴晒，咋死…… 所以要信自己親身經歷。根本每樣東西有好及不好，選擇適合自己就叫好東西。網絡世界講好既東西、可以參考。抹黑也不能盡信、否則咪錯過自己接受好的事物。到今天我也不明白他為什麼被抹黑、可能我也要為他平凡一下

jellymiugut

誰是打手有眼看。（按你批評我背景而說）

你好勤力，勤力抄番指控但唔抄澄清。

環觀都唔明係咩，中文落差係好大。（按你批評我用字而說）

所有澄清都寫晒點解，你又好似好明咁淨係重複指控果幾句....抄埋d學校解釋出黎丫麻，唔抄就知咩原因了，真路過定假打手有眼看，哈哈..

大家有興趣就自己開封信看看，呢d學校家長無掩飾過。

講到自己好公正，純討論，卻批判誰可以討論誰唔可以，但自己在以上提過的學校家長都不是就來做判官（按你批評版友而說，你更似判官），語氣比粗口更難聽。留心睇一開始各家長去分享時，都不會這樣批評別人，這就是尊重。品行由此可見。

你那些points.....我樣樣都知，人人都知，只是你唔知，4捨5入都講得出....無知最是可怕的。

唔陪你玩了，不過這樣可能你又會叫人地去信你看透了世事，你最正確 ;) 因為我唔再回應喇。

已說，若重新要解釋一次就唔會了，拜拜啦。

到 此 為 止.

jellymiugut

jellymiugut

Siber1234 發表於 19-4-11 01:37
回覆 chrischris1206 的帖子

咁去年點解你又想報道aristle pn, 有什麼吸引你？

公正的討論

chrischris1206

Siber1234 發表於 19-4-11 01:37
回覆 chrischris1206 的帖子

咁去年點解你又想報道aristle pn, 有什麼吸引你？

因為有朋友讀佢個playgroup，所以留意一下。再加上之前FB有碌到校監隨筆，所以有睇過下呢間學校。但最後無報到。原因主要是：
1. 本身不太喜歡又新又商業化的幼稚園
2. 學校歷史短
3. 放左好多勁小學的活動照片係網頁，令我覺得佢要靠呢樣嘢sell家長
4. 學校派位不確定性大
5. 唔buy佢資優教育，因為我小朋友唔係資優
6. 太多小朋友相係Facebook
7. 呢點雖然無咩關係，但係佢地網頁有個advisor揸住杯champagne，觀感上同幼稚園格格不入。

其實好多家長都話要㨂一間合適的，我自問唔知每一間幼稚園係唔係每個老師都有愛心，每一日上堂係教咩，亦唔見得interview 30分鐘可以睇到老師好多嘢，我最多咪見2至3個老師，再睇下校舍，睇下報個陣的行政，通告的文筆等等。反而校長/校監的見面可能會令我有啲掌握。唔係話Aristle唔好，但同佢地相似的幼稚園真係太太太多，歷史長過佢既有，派位好過佢地既有，Aristle沒有一些誘因去蓋過我以上的疑慮。同埋學生叻唔叻都好睇家長，我不反對吹谷，也不反對快樂學習。

Siber1234

回覆 chrischris1206 的帖子

你朋友讀過，你無？
其實呢間學校好特別，無讀過佢playgroup 係無人識，佢又唔係靠廣告的，好多時係靠朋友親戚讀過后既口卑，而走去報。
我識好幾個同事有讀佢哋little aristle, 普遍讚多過彈。最多大家話佢貴，但見到小朋友英文好又願意繼續比佢讀。

讀呢間幼稚園既家長大部分中意佢地既教學模式，好少盲摸摸無學校收而是旦報佢哋。所以你之前話諗過報，純粹八卦點解你想報！

其實interview 等既過程都看到老師nice 唔nice, KV 及明慧都見到校長，我聽聞同事話 aristle 2nd interview 見校監成個鐘頭Tim.

helloadrain

這帖的題目是感恩遇到好學校，見到在讀這校的家長紛紛表達對學校的感謝是真情表露。說真看不出他們是'打手' ，只感覺是不憤自己兒女所讀的學校被抹黑作回應。我主要是想了解學校才看討論區，偶然看到 '差' 的學校帖子更加有興趣看看，看了都對該校有負面印象，再看下去見當時有該校家長的回應，內容是很實際的反映，感覺又好些，但很快被刪除了，即時都愕然有冇咁快呀。不知是否內容不切合 '差' 的題目所以被刪除。相信只有在雅士圖國際幼稚園的家長才有資格品評，最能反映學校教學狀況，我這種塘邊鶴不敢隨便就此發言。
不過樓主及各雅士圖家長可留意在這裡發言的另一塘邊鶴已說明他不是用家及他是不喜歡這學校，你們也不用跟他再說下去，雞食放光蟲-心知肚明，明眼人都見到他的目的啦，愈描愈比他多作幾篇帖子，洗版。

chrischris1206

helloadrain 發表於 19-4-13 02:20
這帖的題目是感恩遇到好學校，見到在讀這校的家長紛紛表達對學校的感謝是真情表露。說真看不出他們是'打手' ...

相信家長正面的回應唔會因為不切合'差'的題目被刪除。這帖都係講感恩遇到好學校，但版主都沒有把那位不喜歡這學校的塘邊鶴的帖刪除，如果版主有認為洗版的清況出現，就讓他們公正的處理吧

helloadrain

綜合上面帖子所知, 雅士圖國際幼稚園1. 小班教學。
2. 教師、姨姨都好好，好有愛心。
3. 校監Ms Wu 對學生愛護，了解孩子性格，能給恰當意見予家長。
4. 學校與家長有緊密聯繫。
5. 用資優教育模式教學。
6. 2017/18 升學成績也不差。
平心而論也是好的學校。

sherryc0823

是否同行打手，本來無意參與討論，但你們現任的呂燕華校長確實在很久以前已經和同區SH的 曹*樂校董 簽署合約，眼見你們家長這樣團結，相信學校懂得處理。

你們也不需要懷疑這個消息：
1）學校可以親自向呂燕華校長查證這份合約是否屬實
2）或等待9月呂燕華校長是否在一間名叫躍思（柏惠）幼稚園擔任校長 （亦是曹*樂擔任校董）
3）或在余*明或陳*炘擔任校董的學校任職 (接洽的代表)

支持大家，支持用心的辦學團體，同意樓主的話，相信日久見人心

jellymiugut

我咁睇，作為家長我自己立場而言，幸好直接照顧我們的小朋友、提供策略和教育意見的都是ms wu及前線老師們.

校長無實質很大影響我地小朋友，而管理層又不只一兩人，其他事情留待學校處理了。

不過我也好奇sherryc0823既身分和得此消息的來源和在這提出的目的。雖然不知你立場不過也不重要。

如果是真，我們遲早也會收到通知，不打緊。否則，亦沒有影響。重要的是寶寶們得到什麼。

joyliana

好認同呢個題目, 感恩遇到好學校

呢間學校有幾好, 上面好多家長已經講咗, 包括校監喺interview嘅短短時間內已經講得出我個囝嘅性格特點, 之後一直都會留意每個學生再俾升學同教育意見我哋

學校成日搞好多活動, 好多都係免費, 亦都好認真好俾心機搞, 令到學生同家長都好開心好投入

班主任每次見到佢都係笑容滿面, 而且講嘢好真誠好為小朋友著想, 返咗半年學嚟緊已經有第三次見家長嘅安排, 每次老師同埋校監都俾到好實用同埋好貼心嘅建議, 未必係關升學事, 更多係點樣培養小朋友嘅成長, 過程中無提過/sell過小朋友上ECA, 相反係教我點用一啲環保慳錢但有趣嘅方法去培養小朋友, 知道我囝囝鍾意睇書但數學比較弱, 就提議我試吓借一啲邏輯性比較強嘅書同囝囝睇, 呢啲建議都好有用

真心喜歡呢間學校, 亦見到囝囝每日都好鍾意返學, 放學又會講到老師教嘅嘢, PN班嘅人仔喺新年嗰陣見到我哋貼揮春, 即刻話老師話貼咗揮春喺門上面就唔會有年獸, 真係好驚喜囝囝嘅成長

係咪打手其實真係好易睇, 只係真心替學校同埋學校嘅員工不值

Palpupu

我是雅士圖PN學生的家長，因跟丈夫意見分歧，小朋友來年K1要轉校了離開雅士圖了，現在我每天在倒數日子，每天早上給小朋友量體溫時，發現手冊又少了一頁，就快學期尾了，滿滿的不捨。
剛剛的星期六，按常同小朋友做功課，課本到最後一頁，我跟小朋友說：再過幾星期，我們要到第二間學校了，校車沒有了黃叔叔、沒有了姨姨，老師也會換了，好嗎？

小朋友：見唔到老師呀？唔好喎！

一路講時我眼濕濕了，雖然好似好誇張，但這間幼稚園對我們小朋友的關懷，有時還多於我們，小朋友在家時不時跌親撞瘀，有時老師會打電話給我，問問小朋友ok嗎？點整親？有時我打回學校，跟老師傾偈，老師隨口也能說出小朋友那裹那裹又紅了，還能說出由幾時開始，我有時覺得比我還清楚。

教小朋友，有時真的好氣餒，愈叫唔好愈做，做功課偏要不跟，有時氣餒了，打電話回校給老師，除非老師在上ECA不能接電話，不然一談便談上半小時，老師好似一個跟我小朋友好熟的一個朋友，講下小朋友上堂反應，說下可愛事、頑皮事、鬼馬事、還有小朋友出人意表的說話，真的好感謝雅士圖老師，給我們對教導小朋友時的支持鼓勵，又給我們信心堅持做對管教。

題外話，我今日打電話去來年的K1的幼稚園查詢（大校來啊），老師一問一答，沒有解釋，答完那句dead air 等你收線🤷🏻‍♀️，口吻都大概是：係咁㗎喇、唔會既！

Palpupu

回覆 chrischris1206 的帖子

Hater?!

Palpupu

回覆 chrischris1206 的帖子

用家的我們，知道刪走的是不實的
學校給我們示範為自己伸張亦教懂小孩子，什麼是是勇敢

鍵盤戰士，回家吧！