肥中文讀本測驗

YolandaTam

洋蔥頭媽咪 發表於 19-4-1 13:58
目標最好定高小小好啲，我仔當年咪又係打算拎3就可以，最後2左

咪就係囉，中文咁主觀，點話得埋

Yanamami

YolandaTam 發表於 19-4-1 12:36
佢成日有個觀念：補習＝唔掂。成日以毋須補習為榮。
但其實唔掂嘅唔一定係佢，佢校長喺家長會 ...

唔掂咪唔掂！係衰左打就要企定｡不过無人可以俾我女中文更差嘞~小学—至六年班从未A过，中学唔係E就D, C要开香檳……－額汗考个3番黎~

YolandaTam

Yanamami 發表於 19-4-1 15:45
唔掂咪唔掂！係衰左打就要企定｡不过無人可以俾我女中文更差嘞~小学—至六年班从未A过，中学唔係E就D, C要 ...

多謝你，呢個女硬頸 要佢自己諗通。佢總想自己再努力吓，但係時間唔等人架嘛，中三咯都，容乜易 DSE  

Yanamami

YolandaTam 發表於 19-4-1 15:53
多謝你，呢個女硬頸  要佢自己諗通。佢總想自己再努力吓，但係時間唔等人架嘛，中三咯都，容乜易 ...

不过範文好dd? 我女果年係最後－年無範文

YolandaTam

Yanamami 發表於 19-4-1 15:55
不过範文好dd? 我女果年係最後－年無範文

佢今次咪係測範文囉
希望只係個別老師唔夾啦，佢13/30, 屬於尾嗰25％。背足晒都咁，無符。

October.

YolandaTam 發表於 19-4-1 15:59
佢今次咪係測範文囉
希望只係個別老師唔夾啦，佢13/30, 屬於尾嗰25％。背足晒都咁，無符。
...

會唔會範文都唔係背咗就叫做識咗呢？都要講靈感。

學校如果中文取3既％高，就唔洗擔心。

洋蔥頭媽咪

Yanamami 發表於 19-4-1 15:45
唔掂咪唔掂！係衰左打就要企定｡不过無人可以俾我女中文更差嘞~小学—至六年班从未A过，中学唔係E就D, C要 ...

你错啦，我仔衰過你女多多聲，小學大部份時間中文都唔合格或6字頭，到呈分试先追到7字，數長期9X英文都8-9字頭，唔明點解中文可以咁差，你话佢语文唔得咩，但佢考dse英文卷有星，吹漲，中文根本係佢死穴  

洋蔥頭媽咪

YolandaTam 發表於 19-4-1 15:59
佢今次咪係測範文囉
希望只係個別老師唔夾啦，佢13/30, 屬於尾嗰25％。背足晒都咁，無符。
...

一次啫仲有時間追，dse有範文已經比早幾屆好啦！

1998Ruby1998

我以前都有補習=唔掂嘅概念，所以唔多肯去。但事實我又唔係年年考第一。問下考頭 20，有幾多個係完全冇補習？同自己成績鬥氣，最後受苦係自己，仲要果科係中文！除非佢每次作文都可以接近 7 字，否則唔係次次都咁好彩可以靠作文拉分，離題少少你都即刻玩完。

我做補習，10 個有 4-5 個都係本身成績好好，又讀名校，點解仲要外補？精益求精，亦怕老師教得唔好。人地狀元受訪，係感謝補習老師，唔係學校老師吖。呢個年頭，補習好普遍，唔洗覺得羞恥，放學去補習社行一轉，睇下有幾多係名校生。基本上攞 5 以上，10 個有 8 個本身都係成績好又讀名校啦，你覺得補習老師真係咁神奇，Band 3 變 Band 1，叻果批從來都係錦上添花。

我當年父母避免我逃課：1. 專門接送 2. 最好有朋友一齊上，方便監察同鼓勵我去。

1998Ruby1998

回覆 洋蔥頭媽咪 的帖子

我小學中文老師話我中文好好添，完全睇唔出我中文可以 80 分滿分，我連雙位數字都攞唔到。
人地話語文唔得，按道理作文應該係最反映到，但偏偏我作文就係最高分，閱讀同說話就掹車邊。我唔明白點解人地作文會唔識分段，講夠咪分段囉，但閱讀理解人地問我點分段，我就真係答唔出。

YolandaTam

October. 發表於 19-4-1 17:30
會唔會範文都唔係背咗就叫做識咗呢？都要講靈感。

學校如果中文取3既％高，就唔洗擔心。

係評卷老師唔跟校本教材裏面嘅分析呀。佢學校好得意架，唔同老師教同一課出入可以好大。佢隔離位29/30，但大部份長答內容同佢一樣。

YolandaTam

洋蔥頭媽咪 發表於 19-4-1 18:39
一次啫仲有時間追，dse有範文已經比早幾屆好啦！

多謝，希望追到啦。

YolandaTam

1998Ruby1998 發表於 19-4-1 19:42
我以前都有補習=唔掂嘅概念，所以唔多肯去。但事實我又唔係年年考第一。問下考頭 20，有幾多個係完全冇補習 ...

佢啲 fd 一係聲稱冇補，一係私補

October.

1998Ruby1998 發表於 19-4-1 19:42
我以前都有補習=唔掂嘅概念，所以唔多肯去。但事實我又唔係年年考第一。問下考頭 20，有幾多個係完全冇補習 ...

我覺得補習增潤既效果係好過補底,成績好去補習係錦上添花,成績弱係各有各既問題,复雜啲.


我仔成個初中數學成績穩定係8X分,一直突破唔到9字頭,升中4暑假去咗補習社操數, 跟住中4統測及中期考都取得9X分, 有啲人可能覺得為果幾分去操數好冇謂,但果幾分可能就等於一粒*, 同埋佢唔去做數,在家都係多啲時間打機(佢已經做唔少運動), 佢依家要去補習社上埋M1堂,我叫佢不如唔好補CORE數啦, 佢都唔肯, 佢都要去, 我知道係好成績俾咗成功感佢, 亦是推動佢去學習既動力, 比起咩物質獎勵有效得多.

MrBeast

4月1日不但是愚人節，更是中學文憑試被俗稱「死亡之卷」的中文科卷一（閱讀）和卷二（寫作）的開考日。今年3篇閱讀理解篇章的長度，均比歷年精簡，但題目較去年困難。

白話文的閱讀篇章部份，分別為中國當代知名作家魯迅的寓言故事《聰明人和傻子和奴才》及錢鍾書《談教訓》的節錄。前者更附有寫作背景，包括當時中國正面對列強瓜分、外憂內患的困境。考生需要解讀出文章中主人、奴才、聰明人及傻子所比喻的人物，並要解讀出文中「破小屋」、「開一個窗」的寓意。考生在說明題，亦要闡釋「聰明人」的聰明之處，以及作者對「聰明人」的批評。考生也須比較兩篇文章，表明哪一篇諷刺文章更值得欣賞。

而文言文的閱讀篇章部份，佔30%分數，考核範圍是12篇指定文言文範文。考生須閱讀清代文人劉熙載的《海鷗》，以作答試卷中部份的問題，並須作答範文《論仁、論孝、論君子》、《山居秋暝》及《始得西山宴遊記》之問題等。

教協理事、資深中文科老師張珉聰表示，今年的卷一較去年困難，尤其是乙部課外篇章的部份，選取了兩篇近代的諷喻文章，考生要利用高階思維能力，理解文章背後的意思，別無他法，「如果淨係睇字面意思，無可能拎到高分數。」他稱，魯迅終其一生都通過文字，針砭當時中國人的流弊與缺點，所以如學生理解這點，應可理解在《聰明人和傻子和奴才》一文中，聰明人代表讀書人、傻子是革命家、奴才則代表當時的百姓、破屋子則隱喻當時動盪不安的社會，而「開一個窗」則代表激烈的改革行動。

張老師續表示，以往卷一多選取抒情文章作為考核篇章，諷喻文章在一般學生的學習歷程或測考經驗中，較少接觸。他估計考評局有因應考生的能力高低，提供背景資料，並提醒考生要注意時代背景。張老師預期考生在卷一的表現極端，如能掌握作者的思路，自然能理解文章的中心思想，「一係好叻，一係茫無頭緒。」至於範文部份，張老師稱今年的題目不算特別困難。


至於卷二方面，張老師認為今年的寫作卷與往年難度相若，大多考生應可輕易取得及格成績。他稱，第1題是傳統的記敍文且不算艱難，「正常識中文都可以理解到」，考生只要立意清晰，情節詳略得宜，應可正常發揮表現。第2題則要求考生閱讀一篇以「想想別人」為題的新詩，再就此表達體會或聯想。張認為，題目容許考生就該新詩述說自己的聯想，相信考生作答時，只要有回應該首新詩，即使稍有偏題，也不致「全軍盡墨」。第3題則要求考生談談對「讀書無用」的看法，是傳統的議論文題型。張老師稱，如考生能夠善用範文中《勸學》的內容及典故，可令文章論據更飽滿豐富，相信考評局出題時，或希望作答此題的考生對題目不感太陌生，不致沒有論據，無典可引。

src appledaily

YolandaTam

IloveJJ 發表於 19-4-1 23:04
問佢如果最終中文攞唔到3會唔會後悔?

佢死拖，唔正面答，例如佢會話要補都唔係而家即刻去到，最快中四先至算，另外又或者係同評卷老師唔夾......

洋蔥頭媽咪

YolandaTam 發表於 19-4-1 23:37
本帖最後由 YolandaTam 於 19-4-1 23:48 編輯

佢死拖，唔正面答，例如佢會話要補都唔係而家即刻去到， ...

有範文後，考核模式已經有變，我细仔中文不差，但明年都想佢去yy度收下風，我認為唔值得同自己前途鬥氣。

洋蔥頭媽咪

1998Ruby1998 發表於 19-4-1 19:42
我以前都有補習=唔掂嘅概念，所以唔多肯去。但事實我又唔係年年考第一。問下考頭 20，有幾多個係完全冇補習 ...

讀書好靠自己，由其上到中學如果冇心讀，父母迫都未必有用，所以良好學習態度必須從小培養，培養自學能力自己負責。
我仔個老師直頭同學生講，冇心學就唔好浪費家長金錢，要迫就無谓去了。