為溫習日睡3小時 DSE考生患抑鬱

elbar

中學文憑試（DSE）核心科筆試下月開考，精神科醫生指有考生因學業常與家人衝突，月花8,000元補習，日睡3小時致患嚴重抑鬱，曾向醫生透露想輕生；亦有名校男生每日朝9晚9溫習，後被診斷為焦慮症及強迫症。醫生指，青少年情緒行為問題或與家人管教方式有關。


精神科專科醫生黃璐璐表示，一名中六女生高峰期月花8,000元補習，日睡約3至4小時，因成績不理想常與家人起衝突，去年開學後，被老師察覺情緒低落及有負面想法，終診斷為嚴重抑鬱，更被發現曾鎅手，亦向醫生「寫紙仔」透露感「生存在世界上好似喪屍」，甚至表達不想面對考試，有輕生念頭。


該女生與母親一同接受家庭治療，讓母親明白到批評的說話會對女兒構成壓力。


名校生怕辜負家人期望


黃又說，另有就讀地區名校的男生，向來名列前茅，為備戰每日朝9晚9「搏盡」溫習，即使家人無施加壓力，仍害怕辜負家人期望，最終焦慮及強迫症症狀自去年暑假浮現，常失眠多夢，被家人察覺後求診。


她表示兒童及青少年的情緒行為問題，或多或少與家人管教有關。精神科常用到家庭治療，安排患者家庭成員與患者同與醫生傾談，從中了解患者與家人相處模式和關係等。

Honormama

elbar 發表於 19-3-28 15:42
中學文憑試（DSE）核心科筆試下月開考，精神科醫生指有考生因學業常與家人衝突，月花8,000元補習，日睡3 ...

讀名校真係好辛苦，明明自己盡左力，但總有其他同學叻過自己。

Yanamami

呢d文章又係到靠嚇……个人性格同屋企人不切实際期望又賴学校……呢个世界总有人叻过自己，乜野叫天外有天人外有人啫？人比人比死人就係禁解｡

csy_ma

我囡都係應屆考生，佢好遲先進入狀態，study leave每日溫不超過六個鐘，星期六日休息，身體/心情不好也休息。佢咁既狀態，都有提及瞓得唔好，考慮食安眠藥。所以，我冇打算迫佢。我不知道此時扯盡是否可以升呢，但係，過咗龍年樽頸，呢幾年學額都足，其實唔駛咁緊張？

Yanamami

csy_ma 發表於 19-3-28 20:27
我囡都係應屆考生，佢好遲先進入狀態，study leave每日溫不超過六個鐘，星期六日休息，身體/心情不好也休息 ...

哗众取宠文章而矣……

BTW, 試下薰衣草香薰，飲下花茶，药点可以隨便食？仲禁細个~

1998Ruby1998

回覆 csy_ma 的帖子

藥唔好亂食（雖然我高中經常想食安眠藥）
訓得唔好，不如做運動，出身汗，熱飲暖胃之後會容易訓啲。我有時候訓唔著會聽已經睇過無數遍嘅劇、聽飛機聲，通常十幾分鐘就可以入睡。

雖然係學額充足，但大家想入讀嘅大學同科目，都未必充足。除非女女自己覺得 “隨便有大學讀就 OK”，否則好難唔去迫自己衝刺。

上面篇章嘅每日只睡 3-4 小時，月花幾千補習，星期六日都朝 8 晚 8 補習，家人壓力，我都有，身邊同學都有，但又未去到咁嚴重，但真係有覺得唔想生存嘅時候。

2jkidsfather

1998Ruby1998 發表於 19-3-29 03:51
回覆 csy_ma 的帖子

藥唔好亂食（雖然我高中經常想食安眠藥）

"...聽飛機聲.."--------------

csy_ma

Yanamami 發表於 19-3-29 00:08
哗众取宠文章而矣……

BTW, 試下薰衣草香薰，飲下花茶，药点可以隨便食？仲禁細个~

謝，結果佢自己決定唔食

Yanamami

csy_ma 發表於 19-3-29 10:12
謝，結果佢自己決定唔食

根本諗都唔应該諗

Glau

壓力就實有, 小兒心情還OK, 只係有D食慾不振, 應該夜訓, 佢話夜晚係最好既狀態, 不過宜家調整緊睡眠時間, 應付考試.

csy_ma

1998Ruby1998 發表於 19-3-29 03:51
回覆 csy_ma 的帖子

藥唔好亂食（雖然我高中經常想食安眠藥）

謝，佢甲亢，不能做劇烈運動，但有kp住做瑜伽。佢係想早睡早起，但夜半常醒，所以後來放棄咗上午既溫習。佢既目標科系要求不高，PG已過，但氣氛使然，佢已係相熟同學中最hea一個。佢有同學確實由升中六已每日睡四小時，不停溫習和操卷。不過，努力未必與結果成正比。我懷疑，同學弦拉得太緊，所以雖努力數倍於女兒，但成績近似。
其實我囡不大肯操卷，所謂溫習，有時是看英文社科雜誌。她看了篇文章，說操數可訓練哲學頭腦，所以較積極操數，無奈準確度仍有待提升……

我都覺得操中英文同通識卷有點無聊？佢放棄完全唔溫通識，中文近期才溫，我都認同。反正，她的努力度已遠勝我當年。下星期開考了，我只希望時間快點過去

csy_ma

回覆 Glau 的帖子

我囡倒八九點由自修室返家後，就會放空，以便可培養睡眠狀態。不過，自我感覺良好才最重要，還有兩天，我叫女兒星期六日都去自修室（之前她星期六日都休息，聽歌看戲逛網等），以維持作息規律和備試狀態，但她仍在考慮中

Yanamami

Glau 發表於 19-3-29 10:32
壓力就實有, 小兒心情還OK, 只係有D食慾不振, 應該夜訓, 佢話夜晚係最好既狀態, 不過宜家調整緊睡眠時間,  ...

多d湯水……

ELJCHL

csy_ma 發表於 19-3-29 10:54
回覆 Glau 的帖子

我囡倒八九點由自修室返家後，就會放空，以便可培養睡眠狀態。不過，自我感覺良好才最重 ...

唉，我女下星期最後一科Bio,今日考PHY predict 3 （之前想drop) 我叫佢唔好諗，寄望Bio攞好成績。BTW, 佢話整體今年係難左，希望拉curve唔好太低

Yanamami

ELJCHL 發表於 19-4-10 21:54
唉，我女下星期最後一科Bio,今日考PHY predict 3 （之前想drop) 我叫佢唔好諗，寄望Bio攞好成績。BTW, 佢 ...

DSE 考1至5級唔係拉curve的。

LingChiBaBa

ELJCHL 發表於 19-4-10 21:54
唉，我女下星期最後一科Bio,今日考PHY predict 3 （之前想drop) 我叫佢唔好諗，寄望Bio攞好成績。BTW, 佢 ...

BK嗰邊講今年Physics係DSE咁多年最淺。

October.

LingChiBaBa 發表於 19-4-11 08:17
BK嗰邊講今年Physics係DSE咁多年最淺。

我仔老師話今年數學都淺過舊年。

Yanamami

October. 發表於 19-4-11 11:31
我仔老師話今年數學都淺過舊年。

俘咪隔住一年深—年淺？上年我女同学補考数就話深过佢地前年，所以今年淺过上年？

October.

Yanamami 發表於 19-4-11 11:34
俘咪隔住一年深—年淺？上年我女同学補考数就話深过佢地前年，所以今年淺过上年？ ...

舊年數話係深哋既，今年數我仔老師俾佢哋做過幾題，可能唔係最深果幾題，仔話岩晒，冇咩難度。