用戶登入
用戶名稱:
密      碼:
搜索
教育王國 討論區 教育講場 小孩喜英怕中(左丁山)
查看: 4510|回覆: 26
go

小孩喜英怕中(左丁山)

Rank: 13Rank: 13Rank: 13Rank: 13


75496
發表於 19-3-10 19:01 |顯示全部帖子

「集團業務總監」W小姐請左丁山到Octavium食午餐,左丁山都係第一次上去啫,Octavium甚有名氣,係8 1/2總廚Bombana開辦,不少食客慕名而至。人客以外籍人士為主,左丁山大鄉里,若非時代女性(即懂得流行時興潮流嘅人)W小姐帶住,都唔會諗起去Octavium食飯。食過嘞,感覺上價錢唔算克己,菜式可口程度未必好得過以前太古廣場嘅Domani,一款Mozzarella芝士更有不如Domani之處。唉,一講起,就懷念舊時請W小姐與秘書V在那裏吃午飯之活潑時光。好餐廳唔易搵㗎。


聽餐廳R講,Domani以前嘅經理,意大利人S君已經去咗杜拜打工,主理一間大型意大利菜餐廳,佢上星期特登去杜拜探班,住在最豪華嘅酒店,房間寬大,有全海景,餐廳有最佳美食,唯一遺憾之處就係冇酒飲,全酒店不准賣酒,令餐廳R周身唔聚財,但S君之餐廳設於金融區外幾哩路,佔地甚廣,居然有酒牌,在耶曆星期四晚(星期五例假)全場爆滿,晚上一點還坐滿人,餐廳R靜靜雞問有幾多營業額,一聽就幾乎醉倒,聽到話做兩晚嘅收入好過在香港做半個月喎。


杜拜係中東金融中心,有的是中東油錢,外國人到此打工,當然係為咗搵銀,餐廳R話杜拜之上層工作幾乎由歐洲美國白人壟斷,底層工人盡是南亞裔或菲律賓印尼工人,本地人做乜?大概係老闆或享福人士啩,一個特點係在餐廳見歐洲美女多到數不勝數,睇打扮又不似係寫字樓OL!


與餐廳R講完杜拜八卦,行到電車路,碰到虎媽A到中環辦事,佢一定要左丁山同佢去飲下午茶,於是走咗入「華豐」,佢話要問吓如何谷起兒子中文水平。從手機圖片見到佢位公子讀緊一本好厚嘅英文書,虎媽A話:「佢老師都讚佢英文好好,但叫佢讀中文書,就冇乜興趣,如何是好?」呢個係幾乎所有國際學校學生嘅家長所面對之難題,中環周圍都聽到一批又一批青年男女講英文,全無香港口音,走在前面,還以為後面係一群美國人在交談,故此識英文,在中環金融機構並無競爭優勢,中文與英文都一樣好掂就變成奇貨可居咯!番書仔盧安迪係理科尖子,但寫中文好暢順,勝過一位著名本地社會學教授(呢位教授經常在報紙發表評論文章,好似係從英文翻譯過嚟),上次見到盧安迪,佢話讀消閒書就讀中文書,如論語孟子,當時佢正讀緊「陳寅恪詩集」。唔怪得佢中文咁好,但知易行難,如何令兒女喜歡中文呢?虎媽A話肯畀補習費,叫左丁山介紹名師,但一定唔要谷考試攞5**嗰種,哎,去邊度搵呀!





Rank: 11Rank: 11Rank: 11Rank: 11


32340
發表於 19-3-10 20:38 |顯示全部帖子
elbar 發表於 19-3-10 19:01
「集團業務總監」W小姐請左丁山到Octavium食午餐,左丁山都係第一次上去啫,Octavium甚有名氣,係8 1/2總 ...

一般中外學校,也最少修一主一副語文。語文優勢,和其他優勢如頭腦優勢,態度優勢,解難優勢,健康優勢,人(emoji)優勢,樣子優勢一樣,只是眾多優勢的其中一項。
The more bizzare a thing is, the less mysterious it proves to be.

Rank: 5Rank: 5


3700
發表於 19-3-11 22:02 |顯示全部帖子

回覆樓主

若父母也重英輕中,孩子怎會好,想中文好,首先不以考試為先,老是為DSE成績,想中文好也難。

Rank: 5Rank: 5


2608
發表於 19-3-12 12:59 |顯示全部帖子
Cheeselover 發表於 19-3-11 22:02
若父母也重英輕中,孩子怎會好,想中文好,首先不以考試為先,老是為DSE成績,想中文好也難。
...
一般來說

想中文好,讀中文小學。想英文好,讀國際小學。

想中英文都好,讀直私小學。

點評

Sing13    發表於 19-3-13 15:12

Rank: 6Rank: 6


9298
發表於 19-3-12 15:09 |顯示全部帖子
nkd 發表於 19-3-12 12:59
一般來說

想中文好,讀中文小學。想英文好,讀國際小學。

一般來說




想中文好,睇中文書。想英文好,睇英文書。




想中英文都好,中.英文書都睇。



同學校沒有直接關係. 學校的課程只能去到一般水平, 去不到好的程度.

點評

hot_cho    發表於 19-3-19 23:03
2jkidsfather    發表於 19-3-14 20:24

Rank: 5Rank: 5


2608
發表於 19-3-12 16:13 |顯示全部帖子
cafeva 發表於 19-3-12 15:09
一般來說

\\一般來說
想中文好,睇中文書。想英文好,睇英文書。
想中英文都好,中.英文書都睇。
同學校沒有直接關係. 學校的課程只能去到一般水平, 去不到好的程度.\\

問題是,為什麼國際學校的中文沒有中文小學的好?中文小學的英文沒有國際學校的好?單靠自己睇書是可以,但困難,所以一般來說,學校有關係。

\\好的程度\\ 指什麼?比較一下就清楚了。
如果直私學校中文不及國際,英文不及官津,那麼誰會去讀呢?直私可以挑選學生,學生程度平均,可以因應學生自定教學深淺、方式,又有資源聘用良師,學生中英文程度不會差到那裡。


Rank: 5Rank: 5


2608
發表於 19-3-12 17:09 |顯示全部帖子
cafeva 發表於 19-3-12 15:09
一般來說

話說回來,閱讀對語文的幫助是最直接。入了學校但無心向學、應酬功課、不好讀書,語文不會好。

同樣地,究竟名校出狀元是因為學校還是因為學生本身,難說。

Rank: 11Rank: 11Rank: 11Rank: 11


43228
發表於 19-3-12 17:17 |顯示全部帖子
我相信暫時在香港外資行工作都是英文優勢大d,但當大陸大學生英文程度catch up 到,中文又好過你時⋯⋯

要中英文都好,文章好明顯已指出要讀spcc

Rank: 11Rank: 11Rank: 11Rank: 11


32340
發表於 19-3-12 22:44 |顯示全部帖子
MrBeast 發表於 19-3-12 17:17
我相信暫時在香港外資行工作都是英文優勢大d,但當大陸大學生英文程度catch up 到,中文又好過你時⋯⋯

要 ...

當大陸大學生英文程度catch up 到,中文又好過你時⋯⋯香港人重有其他優勢。

語文重要,雙語重要,但孩子的發展不能過份地專注語文而忽略其他考量。
The more bizzare a thing is, the less mysterious it proves to be.

Rank: 11Rank: 11Rank: 11Rank: 11


32340
發表於 19-3-12 22:52 |顯示全部帖子
nkd 發表於 19-3-12 16:13
\一般來說
想中文好,睇中文書。想英文好,睇英文書。
想中英文都好,中.英文書都睇。

本帖最後由 shadeslayer 於 19-3-12 22:54 編輯

一些學校中文不及本地,英文不及國際,但英文好過本地,中文好過國際,又如何呢?

Rank: 5Rank: 5


2608
發表於 19-3-12 23:48 |顯示全部帖子
shadeslayer 發表於 19-3-12 22:52
本帖最後由 shadeslayer 於 19-3-12 22:54 編輯

一些學校中文不及本地,英文不及國際,但英文好過本地 ...

這好正常。

你意思是:中文比國際學校強不算得上好,英文比本地學校強也不算得好。對吧?

這也對,要求高一些要靠自己,多讀寫兩文,多聽說雙語罷。

Rank: 5Rank: 5


2608
發表於 19-3-13 00:13 |顯示全部帖子
shadeslayer 發表於 19-3-12 22:52
本帖最後由 shadeslayer 於 19-3-12 22:54 編輯

一些學校中文不及本地,英文不及國際,但英文好過本地 ...

嗯,好是主觀,即係看你要求高到那裡。要求英文好像英美學校才滿意,而中文又要像大陸台灣學校那樣,便會覺得本土學校水準不夠,而得出「兩頭唔到岸」的感覺。把中英文尺度放在深得像太平洋中心,兩頭是不到岸。把尺度放在維港,兩岸便近了許多。

可以選擇兩語一高一低,或者兩者平均合格,哪樣較好?各人有自己選擇。

Rank: 5Rank: 5


2608
發表於 19-3-13 00:51 |顯示全部帖子
shadeslayer 發表於 19-3-12 22:44
當大陸大學生英文程度catch up 到,中文又好過你時⋯⋯香港人重有其他優勢。

語文重要,雙語重要,但孩子 ...
同意,除了語文和溝通,其他重要的考量包括
學習過程和方式
思考訓練
創意啟發
合作處事

國際學校教育是比傳統填鴨先進,在上述各方面都比傳統教學做得好。

越早接觸到當然越好,不過我相信到中學才接觸也不會損失太多。

Rank: 11Rank: 11Rank: 11Rank: 11


32340
發表於 19-3-13 08:12 |顯示全部帖子
nkd 發表於 19-3-13 00:13
嗯,好是主觀,即係看你要求高到那裡。要求英文好像英美學校才滿意,而中文又要像大陸台灣學校那樣,便會 ...

兩頭是不到岸。把尺度放在維港,兩岸便近了許多。

可以選擇兩語一高一低,或者兩者平均

Xxxxxxxx

可惜社會顧主要求的那把尺,不一定如你所願,定在維港,看公司職位而定。

中英合格,定一強一稍弱,我的選擇明顯不過。
The more bizzare a thing is, the less mysterious it proves to be.

Rank: 5Rank: 5


2608
發表於 19-3-13 09:23 |顯示全部帖子
shadeslayer 發表於 19-3-13 08:12
兩頭是不到岸。把尺度放在維港,兩岸便近了許多。

可以選擇兩語一高一低,或者兩者平均
//看公司職位而定//
也看是那樣的公司。外資公司要求英文一定高,同事間傾談也用英文。

===

恐怕沒有兩全其美的學校,因為中英雙語的要求太高,可以做到兩樣都接近第一語言的學生實際上很少很少,學校要顧全整體程度,幾乎不可能編製出雙母語的課程。連雙語水準高的新加坡也沒有。個別有天分的學生要做出同時中英俱佳,也得付上別人雙倍努力讀兩文書本。

所以,不必奢求如此學校。反而,把握黃金時機在不同階段專攻一門語言,可以做到英文能媲美西人高中,社交自如;中文能熟讀古文詩詞,出口成文,粵普流利。箇中原因,就是在小學把中文學好,喜歡上中英閱讀,不怕古文,不畏與西人傾談。

Rank: 6Rank: 6


8834
發表於 19-3-13 13:11 |顯示全部帖子
MrBeast 發表於 19-3-12 17:17
我相信暫時在香港外資行工作都是英文優勢大d,但當大陸大學生英文程度catch up 到,中文又好過你時⋯⋯

要 ...

大陸大學生英文幾時先catch up到香港? 唔使擔心喎,大家見唔到啦。 你真係信局長話人有120歲?

點評

2jkidsfather    發表於 19-3-14 20:25

Rank: 11Rank: 11Rank: 11Rank: 11


43228
發表於 19-3-13 13:24 |顯示全部帖子
JustAParent 發表於 19-3-13 13:11
大陸大學生英文幾時先catch up到香港? 唔使擔心喎,大家見唔到啦。 你真係信局長話人有120歲?
...
身體有大6人回流在港工作,英文都好好,子女學業又好,不過我會consider 他們是香港定居,算半個香港人。大6教育我冇乜exposure, 不過發展中地方要改善通常是否較易

Rank: 6Rank: 6


8834
發表於 19-3-13 13:31 |顯示全部帖子
MrBeast 發表於 19-3-13 13:24
身體有大6人回流在港工作,英文都好好,子女學業又好,不過我會consider 他們是香港定居,算半個香港人。大 ...

土生土長大陸學生,我理佢清華北大,我從來未驚過。反而,依家有班大陸富二代,中小學讀國際學校,大學去外國名校浸,畢業海歸用人事關係,一入職就做咗你仔女老細既老細,呢啲真係冇仇報。

Rank: 5Rank: 5


4556
發表於 19-3-13 13:51 |顯示全部帖子
大把呢的人,國内,國外,香港都有,以商業,金融最多.中資就更加唔使講.跟住就見倒"跟班"呢個行業蓬勃起来.見唔少...

Rank: 11Rank: 11Rank: 11Rank: 11


32340
發表於 19-3-14 08:54 |顯示全部帖子
JustAParent 發表於 19-3-13 13:31
土生土長大陸學生,我理佢清華北大,我從來未驚過。反而,依家有班大陸富二代,中小學讀國際學校,大學去 ...

本帖最後由 shadeslayer 於 19-3-14 08:55 編輯

靠人事,相信原始人社會已經存在,社會不太過分便可。改變不了的,想咁多做乜?