九龍區有冇出名小學不用上游水課？

JustAParent

LeeCC 發表於 19-2-28 16:26
既然有醫生紙唔洗上游水堂，教小朋友講醫生話我暫時唔適合游水就可以，唔洗甘坦白話俾人知我驚水架嘛，小 ...

教小朋友講大話走堂？ 咁係保護還是縱容？ 我唔識講。

LeeCC

JustAParent 發表於 19-2-28 18:28
教小朋友講大話走堂？ 咁係保護還是縱容？ 我唔識講。

我無話教講大話wor ，既然醫生寫得紙唔上游水堂，即係唔適合啦，你話我教小朋友講大話，即系話醫生講大話啦，醫生紙系假啦。我以上的建議基於醫生認為小朋友心理狀態暫時不適合上游水堂而出的

如果小朋友真係怕到有anxiety或驚恐的情況，系心理問題，點解唔係暫時免上遊水堂的合理的理由呢?

我教小朋友唔坦白講自己的困難，只係需要向同學解釋醫生話唔適合，只係避免一些多事同學製造話題，教小朋友保護自己，有問題嗎?

JustAParent

LeeCC 發表於 19-2-28 18:55
我無話教講大話wor ，既然醫生寫得紙唔上游水堂，即係唔適合啦，你話我教小朋友講大話，即系話醫生講大話 ...

可能係我誤會你意思。 不過如果小朋友只係怕游水驚水，醫生點會咁輕易開醫生紙免學生上堂？ 如果個醫生咁隨便，佢確實好有問題。

LeeCC

JustAParent 發表於 19-2-28 19:00
本帖最後由 JustAParent 於 19-2-28 19:01 編輯

可能係我誤會你意思。 不過如果小朋友只係怕游水驚水， ...

正如我上面講，如果有心理問題，暫停是合理的

cowmoon

picamama 發表於 19-2-28 08:45
佢幾歲開始學游水？我自己都怕水學不成，我當年就係唔想呀女似我咁，兩歲巳捉佢去學游水，都比人話怪獸， ...

我同你的情況一樣，不過我好少少，小學游泳課、中學游泳課都學唔識，但結果讀大學時，同房教識左我游水 － 佢好有智慧，話「你咁怕水點解一定要學自由式，學蛙式容易 d 同冇咁驚！」雖然我到依家都有D怕水，最少，我後來都可以去到潛水。
因為咁，我比你怪獸得多，我女9個月就開始學游水，學到升小學前，因為佢唔鐘意練水比賽，直接停學，但因為係 bb，佢好自然地識游，沒有喊過。所以我唔覺得浪費金錢，游水始終係 survival skill。

picamama

cowmoon 發表於 19-2-28 19:14
我同你的情況一樣，不過我好少少，小學游泳課、中學游泳課都學唔識，但結果讀大學時，同房教識左我游水 － ...

MrBeast

cowmoon 發表於 19-2-28 19:14
我同你的情況一樣，不過我好少少，小學游泳課、中學游泳課都學唔識，但結果讀大學時，同房教識左我游水 － ...

其實當年我都好早比小朋友學，心態和好多人一樣，是survival skill, 咁通常都是summer 學，游到少少天氣凍跟著就停，第二年又重新開始過。如是這過了幾年我開始反思，其實這些年除左泳池和一兩次star ferry, 跟本同個海冇接觸過，只是自己有點己人憂天，之後就放鬆很多，最後就是升小一前學識，但我好相信，就算之前冇上過堂，都一樣會可以在升小一前的summer學到，即是話之前上過的堂是完全冇用。
在外國好興在bb 階段就放落泳池，話係基本功能，自己識在水中閉氣，不過好似要早過9個月開始。

anyway, 上到中學，就真的最好識，因為開始有自己social life, 父母睇唔到，去船河party 一個唔覺意就有機會出事

Yanamami

MrBeast 發表於 19-2-28 19:42
其實當年我都好早比小朋友學，心態和好多人一樣，是survival skill, 咁通常都是summer 學，游到少少天氣凍 ...

我女细时就俾佢地学游水溜冰踩单車……游水為自救外，学禁多野希望可以多d野玩，点知第日有边个同学約去溜冰踩单車甚至船P唔識好似少左好多野玩……仲有好多水上活动，第日同屋企人去旅行玩水上降傘、香蕉船、去漁排約魚，或者独木舟之类……

cowmoon

但係因為我自己的經歷，所以我會好理解樓主個仔想轉校的心理。我小學同中學游水都係必修的。我怕水，學極都唔識，結果每一年有兩個月體育堂都係掹住池踢水，其實心裡也不覺得好受。如果我媽媽肯幫我轉校我會好開心！。。。任何 phobia 都係，唔怕的人唔會明白怕的人點解怕。

LeeCC

其實我以前都認為越早學越好，加上身邊的小朋友都係三四歲就開始學，個個五六歲就4式，所以當年我都俾小朋友4歲開始學游水，結果系點呢? 學了2年，都仍然系泳池大叫掙扎，第三年我因為知道小朋友感統問題，所以去揾一個有經驗教特殊小朋友的教練，教練問左小朋友情況，叫我暫時不要浪費金錢交學費，應該自己陪小朋友落水，抱住佢浸水玩水，俾安全感佢，等小朋友不再恐懼，先去揾教練學

我和老公在陪伴小朋友浸水玩水接受浮力的2年時間，發覺最好的教練是爸爸媽媽，所以決定自己教，小朋友一個暑假學懂了自由式，踩水和蛙腳，來緊夏天會繼續教埋佢完成蛙式

MrBeast

Yanamami 發表於 19-2-28 19:52
我女细时就俾佢地学游水溜冰踩单車……游水為自救外，学禁多野希望可以多d野玩，点知第日有边个同学約去溜 ...

係呀，前一兩年興船河、香蕉船⋯我地都有去過，當時已識游，不過有些朋友未識，一樣好勇照玩，之前咪有單船河玩滑梯遇溺嘅，我都少少登佢地擔心。
講開激鬼氣，去學kayak 做反艇就呢樣個樣，玩香蕉船又唔見話驚跌落海

LeeCC

MrBeast 發表於 19-2-28 19:42
其實當年我都好早比小朋友學，心態和好多人一樣，是survival skill, 咁通常都是summer 學，游到少少天氣凍 ...

呢代的小朋友大部分識游水，人地都假設個個都識，人地唔知你唔識游水，中學生玩起上來，一腳伸佢落水就出事了，所以我目標系要佢升中前識游水

LeeCC

cowmoon 發表於 19-2-28 19:58
但係因為我自己的經歷，所以我會好理解樓主個仔想轉校的心理。我小學同中學游水都係必修的。我怕水，學極都 ...

所以要揾出佢驚乜野，有小朋友驚浮力，有聽覺敏感小朋友驚水底的聲音，有小朋友驚腳唔到地，有小朋友怕頭頂濕水好凍，有小朋友怕面濕水，有小朋友怕耳朵掂水，揾到原因，對症下藥

MrBeast

LeeCC 發表於 19-2-28 19:59
其實我以前都認為越早學越好，加上身邊的小朋友都係三四歲就開始學，個個五六歲就4式，所以當年我都俾小朋 ...

爸媽絕對是最好的教練，有次去正苦大人池教小朋友踩水，小朋友起初驚，於是我就拖住佢手一齊潛落水底，咁就成功左，on the other hand，小朋友怕高，有時唔想迫小朋友，去公園叫佢唔好玩/試高架，反而佢有些失落

Yanamami

MrBeast 發表於 19-2-28 20:04
係呀，前一兩年興船河、香蕉船⋯我地都有去過，當時已識游，不過有些朋友未識，一樣好勇照玩，之前咪有單船 ...

欺山莫欺水，識游有时某d情况都会出事，更何况唔識？如我女唔識游，我就唔敢俾佢玩水上活动……其实仲有好多野玩，如激流……真係好似少左d人生樂趣。

picamama

Yanamami 發表於 19-2-28 20:13
欺山莫欺水，識游有时某d情况都会出事，更何况唔識？如我女唔識游，我就唔敢俾佢玩水上活动……其实仲有好 ...

絕對要識，中學生就算唔識游，好多時都一樣膽粗粗跟同學去玩水，羣衆壓力之下點可以咁瘀，中學生真係唔識死的...所以我無論如何一定要女學識。

picamama

LeeCC 發表於 19-2-28 19:59
其實我以前都認為越早學越好，加上身邊的小朋友都係三四歲就開始學，個個五六歲就4式，所以當年我都俾小朋 ...

咁你識吖嘛，我地自己都唔識亦不喜歡水，唯有比銭教練陪佢玩下水先，之後再慢慢學，所以冇話太早，只要我冇比壓力教練短期內要學識。

MrBeast

Yanamami 發表於 19-2-28 20:13
欺山莫欺水，識游有时某d情况都会出事，更何况唔識？如我女唔識游，我就唔敢俾佢玩水上活动……其实仲有好 ...

山都唔欺得呀，可以中暑，又或6落山，不過受傷被困可能有直升機坐。
激流自己冇乜興趣，scuba diving 應該會玩，不過要再再大d先

MrBeast

picamama 發表於 19-2-28 20:24
咁你識吖嘛，我地自己都唔識亦不喜歡水，唯有比銭教練陪佢玩下水先，之後再慢慢學，所以冇話太早，只要我 ...

點解唔一齊學？不過C中雙人價唔係好底

Yanamami

MrBeast 發表於 19-2-28 20:29
山都唔欺得呀，可以中暑，又或6落山，不過受傷被困可能有直升機坐。
激流自己冇乜興趣，scuba diving 應該 ...

10歲游到200m及可以係水中唔借助任何野游/浮到10mins就可以学，但12歲以下会貴d.