中三選科如果選中、西史，將來會有什麼出路？

szeching

我女現在讀中三，下學期要選科了，而她對西史有極大興趣，所以一定會選西史。其次，她對中史亦感興趣，所以她問我好唔好選修兩科歷史，但我覺得修讀兩科歷史，將來喺大學咪好少科可以選擇，而且出路又窄，於是我建議她只選一科歷史好了。現在她很迷惘，除了西史，其餘兩科唔知選哪科好，因為對理科或其他文科（除了中史）不是特別大興趣，但又不反感
請問各位前輩喺選科方面可否給我一些意見嗎？選兩科歷史將來有什麼出路呢？
給少少補充資料，她最好成績係西史，其次係phy、chem、bio，跟住係中史、地理及Econ，名次全級排頭20內，目前她還沒有將來目標及想做什麼工作
謝謝！

1998Ruby1998

除左 Science 科目唔讀得，基本上所有科目都可以揀，出路係窄啲但唔係「好少」。
識人一樣配搭，一個讀中大 Hotel，一個外國讀心理學。
最重要係邊科可以幫你攞最高嘅分數。將來工作<－老實講，連準大學畢業生都未必知自己想做咩。
仲要留意任教科目嘅老師，校內口碑如何，該科學校攞 5 或以上嘅比例多唔多。

YDLFATHER

回覆 1998Ruby1998 的帖子

西史 + phy  + chem

csy_ma

回覆 szeching 的帖子

如可以，先選3科，或選埋M1/2，如覺不適合，可以有退路drop科。而家大學收生要求好彈性，好似醫科都沒有必修科？叫佢自己諗吓大學想讀咩，上網睇吓收生要求？因為而家理學同工程收分都低，可以的話，保留一科STEM科會多些選擇？

Yanamami

csy_ma 發表於 19-2-21 22:51
回覆 szeching 的帖子

如可以，先選3科，或選埋M1/2，如覺不適合，可以有退路drop科。而家大學收生要求好 ...

医要Chem啊~

szeching

1998Ruby1998 發表於 19-2-21 21:47
除左 Science 科目唔讀得，基本上所有科目都可以揀，出路係窄啲但唔係「好少」。
識人一樣配搭，一個讀中大 ...

咁又係，我以前考會考時都唔知將來想做什麼工作，直到做咗一、年工作才知自己想做乜學校啲老師教佢哋按興趣而選，其次按將來目標、學科成績而選喎！不過我會叫佢去打聽吓學校過往哪些科的成績及口碑較好先......謝謝你

szeching

YDLFATHER 發表於 19-2-21 22:02
回覆 1998Ruby1998 的帖子

西史 + phy  + chem

學校冇呢個組合，佢哋要選套餐

szeching

csy_ma 發表於 19-2-21 22:51
回覆 szeching 的帖子

如可以，先選3科，或選埋M1/2，如覺不適合，可以有退路drop科。而家大學收生要求好 ...

佢會選3科，而M1/2要到中四數學成績理想中五才可選修。我都會建議阿女起碼選一科理科，將來多啲選擇嘛！
如果選2科歷史，DSE 會唔會勁多嘢讀呢？

TwinWong

szeching 發表於 19-2-22 08:02
佢會選3科，而M1/2要到中四數學成績理想中五才可選修。我都會建議阿女起碼選一科理科，將來多啲選擇嘛！
如 ...

中史勁多寫, 聽我囡當年佢中史做功課一題要五至七版雙面单行紙,
仲要佢字体係細粒個種

應西史都差唔到几遠
如果TAKE 埋ENG LIT, 真係會手軟

szeching

TwinWong 發表於 19-2-22 08:54
中史勁多寫, 聽我囡當年佢中史做功課一題要五至七版雙面单行紙,
仲要佢字体係細粒個種

做一題都要寫咁多版單行紙？&#128561;&#128561;即係要寫字要超快和勁多嘢背&#128560;&#128560;咁我會話比佢知用嚟參考，等佢考慮吓自己能力做唔做到
謝謝你

TwinWong

szeching 發表於 19-2-22 10:12
做一題都要寫咁多版單行紙？&#128561;&#128561;即係要寫字要超快和勁多嘢背&#128560;&#128560;咁我會話比佢 ...

佢話寫寫下都記到入腦了,唔太背得辛苦, 係寫到手軟

JustAParent

如果讀得掂理科，學校過往理科成績又好 ，就讀理科啦。

高中選科係用來入大學，唔係純講興趣。 尤其佢將來讀乜做乜都未有主意，何必現在就限死自己。

csy_ma

我囡冇修文科。佢寫字比較慢，通識往往唔夠時間，漏做一兩題……所以寫字快對文科黎講好重要吧？
其實佢都冇修理科，修咗攞分相對比較簡單既ICT同BAFS，而家目標科系有工程、社科等，都唔太着數。但在我看來，修比較有把握攞較好成績既科，係較選「有用」既科重要，尤其而家大學改制，攞5或以上既成績有加權。

October.

如果偏科得好緊要，文科成績好TOP，而理科好差，咁當然選文科。但你既情況又唔係咁，係我會2理＋1文/商，DSE成績夠就大學讀咩都得。

October.

csy_ma 發表於 19-2-22 11:45
我囡冇修文科。佢寫字比較慢，通識往往唔夠時間漏做一兩題……所以寫字快對文科黎講好重要吧？
其實佢都冇 ...

對的，如果目標係大學，我都選能力行先。
依家攞5或以上既分有加權，都有啲慶幸冇俾錯意見阿仔。

有個問題，原本有分加嗰啲科，例如：物理治療，PHYX10, CHEMX7, 如果一個學生CHEM 考得好好，但又冇TAKE到PHY , 咁係唔係入既機會都大左？

szeching

回覆 October. 的帖子

歸納各位前輩的意見，都係按科目成績而作出選擇。你哋嘅觀點我未諗到，所以好有參考價值，謝謝各位咁我去建議阿女選西史 + 2科理科吧！

蘑菇

szeching 發表於 19-2-21 18:35
我女現在讀中三，下學期要選科了，而她對西史有極大興趣，所以一定會選西史。其次，她對中史亦感興趣，所以 ...

我仔又係鍾意西史，中史，全級頭10名内。但可惜學校無西史修讀，所以，他會揀中史，Geog(全級頭10名) Bio(全級頭20名)修讀。  
你女phy, chem都好成績就梗係修讀啦!

JJDBB

szeching 發表於 19-2-22 08:02
佢會選3科，而M1/2要到中四數學成績理想中五才可選修。我都會建議阿女起碼選一科理科，將來多啲選擇嘛！
如 ...

Bio都吾少野背，不過小女話背得有意義些，甘佢興趣是Bio,多過中，西史及地理，雖然中，地成績好。

elbar

szeching 發表於 19-2-22 12:55
回覆 October. 的帖子

歸納各位前輩的意見，都係按科目成績而作出選擇。你哋嘅觀點我未諗到，所以好有參考 ...

中/ 西 史，Chem，Phy / Bio  

JJDBB

elbar 發表於 19-2-24 14:55
中/ 西 史，Chem，Phy / Bio

如果ECO/Chem，phy，Bio取倆科甘配可好？